Shraddha Suktam
శ్రద్ధా సూక్తమ్
Shraddha Suktam
Suktam
Unknown
0 Verses
110%
శ్రద్ధా సూక్తమ్
శ్లోక 1
(తై. బ్రా. 2.8.8.6)
శ్ర॒ద్ధయా॒-ఽగ్ని-స్సమి॑ధ్యతే ।
శ్ర॒ద్ధయా॑ విన్దతే హ॒విః ।
శ్ర॒ద్ధా-మ్భగ॑స్య మూ॒ర్ధని॑ ।
వచ॒సా-ఽఽవే॑దయామసి ।
ప్రి॒యగ్గ్ శ్ర॑ద్ధే॒ దద॑తః ।
ప్రి॒యగ్గ్ శ్ర॑ద్ధే॒ దిదా॑సతః ।
ప్రి॒య-మ్భో॒జేషు॒ యజ్వ॑సు ॥
ఇ॒ద-మ్మ॑ ఉది॒త-ఙ్కృ॑ధి ।
యథా॑ దే॒వా అసు॑రేషు ।
శ్ర॒ద్ధాము॒గ్రేషు॑ చక్రి॒రే ।
ఏ॒వ-మ్భో॒జేషు॒ యజ్వ॑సు ।
అ॒స్మాక॑ముది॒త-ఙ్కృ॑ధి ।
శ్ర॒ద్ధా-న్దే॑వా॒ యజ॑మానాః ।
వా॒యుగో॑పా॒ ఉపా॑సతే ।
శ్ర॒ద్ధాగ్ం హృ॑ద॒య్య॑యా-ఽఽకూ᳚త్యా ।
శ్ర॒ద్ధయా॑ హూయతే హ॒విః ।
శ్ర॒ద్ధా-మ్ప్రా॒తర్హ॑వామహే ॥
శ్ర॒ద్ధా-మ్మ॒ధ్యన్ది॑న॒-మ్పరి॑ ।
శ్ర॒ద్ధాగ్ం సూర్య॑స్య ని॒మృచి॑ ।
శ్రద్ధే॒ శ్రద్ధా॑పయే॒హ మా᳚ ।
శ్ర॒ద్ధా దే॒వానధి॑వస్తే ।
శ్ర॒ద్ధా విశ్వ॑మి॒ద-ఞ్జగ॑త్ ।
శ్ర॒ద్ధా-ఙ్కామ॑స్య మా॒తరమ్᳚ ।
హ॒విషా॑ వర్ధయామసి ।