Shraddha Suktam
ಶ್ರದ್ಧಾ ಸೂಕ್ತಮ್
Shraddha Suktam
Suktam
Unknown
0 Verses
110%
ಶ್ರದ್ಧಾ ಸೂಕ್ತಮ್
ಶ್ಲೋಕ 1
(ತೈ. ಬ್ರಾ. 2.8.8.6)
ಶ್ರ॒ದ್ಧಯಾ॒-ಽಗ್ನಿ-ಸ್ಸಮಿ॑ಧ್ಯತೇ ।
ಶ್ರ॒ದ್ಧಯಾ॑ ವಿನ್ದತೇ ಹ॒ವಿಃ ।
ಶ್ರ॒ದ್ಧಾ-ಮ್ಭಗ॑ಸ್ಯ ಮೂ॒ರ್ಧನಿ॑ ।
ವಚ॒ಸಾ-ಽಽವೇ॑ದಯಾಮಸಿ ।
ಪ್ರಿ॒ಯಗ್ಗ್ ಶ್ರ॑ದ್ಧೇ॒ ದದ॑ತಃ ।
ಪ್ರಿ॒ಯಗ್ಗ್ ಶ್ರ॑ದ್ಧೇ॒ ದಿದಾ॑ಸತಃ ।
ಪ್ರಿ॒ಯ-ಮ್ಭೋ॒ಜೇಷು॒ ಯಜ್ವ॑ಸು ॥
ಇ॒ದ-ಮ್ಮ॑ ಉದಿ॒ತ-ಙ್ಕೃ॑ಧಿ ।
ಯಥಾ॑ ದೇ॒ವಾ ಅಸು॑ರೇಷು ।
ಶ್ರ॒ದ್ಧಾಮು॒ಗ್ರೇಷು॑ ಚಕ್ರಿ॒ರೇ ।
ಏ॒ವ-ಮ್ಭೋ॒ಜೇಷು॒ ಯಜ್ವ॑ಸು ।
ಅ॒ಸ್ಮಾಕ॑ಮುದಿ॒ತ-ಙ್ಕೃ॑ಧಿ ।
ಶ್ರ॒ದ್ಧಾ-ನ್ದೇ॑ವಾ॒ ಯಜ॑ಮಾನಾಃ ।
ವಾ॒ಯುಗೋ॑ಪಾ॒ ಉಪಾ॑ಸತೇ ।
ಶ್ರ॒ದ್ಧಾಗ್ಂ ಹೃ॑ದ॒ಯ್ಯ॑ಯಾ-ಽಽಕೂ᳚ತ್ಯಾ ।
ಶ್ರ॒ದ್ಧಯಾ॑ ಹೂಯತೇ ಹ॒ವಿಃ ।
ಶ್ರ॒ದ್ಧಾ-ಮ್ಪ್ರಾ॒ತರ್ಹ॑ವಾಮಹೇ ॥
ಶ್ರ॒ದ್ಧಾ-ಮ್ಮ॒ಧ್ಯನ್ದಿ॑ನ॒-ಮ್ಪರಿ॑ ।
ಶ್ರ॒ದ್ಧಾಗ್ಂ ಸೂರ್ಯ॑ಸ್ಯ ನಿ॒ಮೃಚಿ॑ ।
ಶ್ರದ್ಧೇ॒ ಶ್ರದ್ಧಾ॑ಪಯೇ॒ಹ ಮಾ᳚ ।
ಶ್ರ॒ದ್ಧಾ ದೇ॒ವಾನಧಿ॑ವಸ್ತೇ ।
ಶ್ರ॒ದ್ಧಾ ವಿಶ್ವ॑ಮಿ॒ದ-ಞ್ಜಗ॑ತ್ ।
ಶ್ರ॒ದ್ಧಾ-ಙ್ಕಾಮ॑ಸ್ಯ ಮಾ॒ತರಮ್᳚ ।
ಹ॒ವಿಷಾ॑ ವರ್ಧಯಾಮಸಿ ।