శివ సువర్ణమాలా స్తుతి

శివ సువర్ణమాలా స్తుతి

శ్లోక 1

అథ కథమపి మద్రాసనాం త్వద్గుణలేశైర్విశోధయామి విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

శ్లోక 2

ఆఖణ్డలమదఖణ్డనపణ్డిత తణ్డుప్రియ చణ్డీశ విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 1 ॥

శ్లోక 3

ఇభచర్మామ్బర శమ్బరరిపువపురపహరణోజ్జ్వలనయన విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 2 ॥

శ్లోక 4

ఈశ గిరీశ నరేశ పరేశ మహేశ బిలేశయభూషణ భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 3 ॥

శ్లోక 5

ఉమయా దివ్యసుమఙ్గలవిగ్రహయాలిఙ్గితవామాఙ్గ విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 4 ॥

శ్లోక 6

ఊరీకురు మామజ్ఞమనాథం దూరీకురు మే దురితం భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 5 ॥

శ్లోక 7

ఋషివరమానసహంస చరాచరజననస్థితిలయకారణ భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 6 ॥

శ్లోక 8

ౠక్షాధీశకిరీట మహోక్షారూఢ విధృతరుద్రాక్ష విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 7 ॥

శ్లోక 9

లువర్ణద్వన్ద్వమవృన్తసుకుసుమమివాఙ్ఘ్రౌ తవార్పయామి విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 8 ॥

శ్లోక 10

ఏకం సదితి శ్రుత్యా త్వమేవ సదసీత్యుపాస్మహే మృడ భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 9 ॥

శ్లోక 11

ఐక్యం నిజభక్తేభ్యో వితరసి విశ్వమ్భరోఽత్ర సాక్షీ భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 10 ॥

శ్లోక 12

ఓమితి తవ నిర్దేష్ట్రీ మాయాస్మాకం మృడోపకర్త్రీ భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 11 ॥

శ్లోక 13

ఔదాస్యం స్ఫుటయతి విషయేషు దిగమ్బరతా చ తవైవ విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 12 ॥

శ్లోక 14

అన్తఃకరణవిశుద్ధిం భక్తిం చ త్వయి సతీం ప్రదేహి విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 13 ॥

శ్లోక 15

అస్తోపాధిసమస్తవ్యస్తై రూపైర్జగన్మయోఽసి విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 14 ॥

శ్లోక 16

కరుణావరుణాలయ మయి దాస ఉదాసస్తవోచితో న హి భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 15 ॥

శ్లోక 17

ఖలసహవాసం విఘటయ ఘటయ సతామేవ సఙ్గమనిశం భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 16 ॥

శ్లోక 18

గరలం జగదుపకృతయే గిలితం భవతా సమోఽస్తి కోఽత్ర విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 17 ॥

శ్లోక 19

ఘనసారగౌరగాత్ర ప్రచురజటాజూటబద్ధగఙ్గ విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 18 ॥

శ్లోక 20

జ్ఞప్తిః సర్వశరీరేష్వఖణ్డితా యా విభాతి సా త్వం భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 19 ॥

శ్లోక 21

చపలం మమ హృదయకపిం విషయద్రుచరం దృఢం బధాన విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 20 ॥

శ్లోక 22

ఛాయా స్థాణోరపి తవ తాపం నమతాం హరత్యహో శివ భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 21 ॥

శ్లోక 23

జయ కైలాసనివాస ప్రమథగణాధీశ భూసురార్చిత భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 22 ॥

శ్లోక 24

ఝణుతకఝఙ్కిణుఝణుతత్కిటతక-శబ్దైర్నటసి మహానట భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 23 ॥

శ్లోక 25

జ్ఞానం విక్షేపావృతిరహితం కురు మే గురుస్త్వమేవ విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 24 ॥

శ్లోక 26

టఙ్కారస్తవ ధనుషో దలయతి హృదయం ద్విషామశనిరివ భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 25 ॥

శ్లోక 27

ఠాకృతిరివ తవ మాయా బహిరన్తః శూన్యరూపిణీ ఖలు భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 26 ॥

శ్లోక 28

డమ్బరమమ్బురుహామపి దలయత్యనఘం త్వదఙ్ఘ్రియుగలం భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 27 ॥

శ్లోక 29

ఢక్కాక్షసూత్రశూలద్రుహిణకరోటీసముల్లసత్కర భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 28 ॥

శ్లోక 30

ణాకారగర్భిణీ చేచ్ఛుభదా తే శరగతిర్నృణామిహ భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 29 ॥

శ్లోక 31

తవ మన్వతిసఞ్జపతః సద్యస్తరతి నరో హి భవాబ్ధిం భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 30 ॥

శ్లోక 32

థూత్కారస్తస్య ముఖే భూయాత్తే నామ నాస్తి యస్య విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 31 ॥

శ్లోక 33

దయనీయశ్చ దయాలుః కోఽస్తి మదన్యస్త్వదన్య ఇహ వద భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 32 ॥

శ్లోక 34

ధర్మస్థాపనదక్ష త్ర్యక్ష గురో దక్షయజ్ఞశిక్షక భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 33 ॥

శ్లోక 35

నను తాడితోఽసి ధనుషా లుబ్ధధియా త్వం పురా నరేణ విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 34 ॥

శ్లోక 36

పరిమాతుం తవ మూర్తిం నాలమజస్తత్పరాత్పరోఽసి విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 35 ॥

శ్లోక 37

ఫలమిహ నృతయా జనుషస్త్వత్పదసేవా సనాతనేశ విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 36 ॥

శ్లోక 38

బలమారోగ్యం చాయుస్త్వద్గుణరుచితాం చిరం ప్రదేహి విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 37 ॥

శ్లోక 39

భగవన్భర్గ భయాపహ భూతపతే భూతిభూషితాఙ్గ విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 38 ॥

శ్లోక 40

మహిమా తవ న హి మాతి శ్రుతిషు హిమానీధరాత్మజాధవ భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 39 ॥

శ్లోక 41

యమనియమాదిభిరఙ్గైర్యమినో హృదయే భజన్తి స త్వం భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 40 ॥

శ్లోక 42

రజ్జావహిరివ శుక్తౌ రజతమివ త్వయి జగన్తి భాన్తి విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 41 ॥

శ్లోక 43

లబ్ధ్వా భవత్ప్రసాదాచ్చక్రం విధురవతి లోకమఖిలం భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 42 ॥

శ్లోక 44

వసుధాతద్ధరతచ్ఛయరథమౌర్వీశర పరాకృతాసుర భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 43 ॥

శ్లోక 45

శర్వ దేవ సర్వోత్తమ సర్వద దుర్వృత్తగర్వహరణ విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 44 ॥

శ్లోక 46

షడ్రిపుషడూర్మిషడ్వికారహర సన్ముఖ షణ్ముఖజనక విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 45 ॥

శ్లోక 47

సత్యం జ్ఞానమనన్తం బ్రహ్మేత్యేతల్లక్షణలక్షిత భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 46 ॥

శ్లోక 48

హాహాహూహూముఖసురగాయకగీతాపదానపద్య విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 47 ॥

శ్లోక 49

లాదిర్న హి ప్రయోగస్తదన్తమిహ మఙ్గలం సదాస్తు విభో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 48 ॥

శ్లోక 50

క్షణమివ దివసాన్నేష్యతి త్వత్పదసేవాక్షణోత్సుకః శివ భో ।

సామ్బ సదాశివ శమ్భో శఙ్కర శరణం మే తవ చరణయుగమ్

॥ 49 ॥

శ్లోక 51

ఇతి శ్రీమత్పరమహంసపరివ్రాజకాచార్యస్య శ్రీగోవిన్దభగవత్పూజ్యపాదశిష్యస్య శ్రీమచ్ఛఙ్కరభగవతః కృతౌ సువర్ణమాలా స్తుతిః సమ్పూర్ణా ॥