ശിവ സുവര്ണമാലാ സ്തുതി

ശിവ സുവര്ണമാലാ സ്തുതി

ശ്ലോക 1

അഥ കഥമപി മദ്രാസനാം ത്വദ്ഗുണലേശൈര്വിശോധയാമി വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

ശ്ലോക 2

ആഖണ്ഡലമദഖണ്ഡനപണ്ഡിത തണ്ഡുപ്രിയ ചണ്ഡീശ വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 1 ॥

ശ്ലോക 3

ഇഭചര്മാമ്ബര ശമ്ബരരിപുവപുരപഹരണോജ്ജ്വലനയന വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 2 ॥

ശ്ലോക 4

ഈശ ഗിരീശ നരേശ പരേശ മഹേശ ബിലേശയഭൂഷണ ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 3 ॥

ശ്ലോക 5

ഉമയാ ദിവ്യസുമങ്ഗലവിഗ്രഹയാലിങ്ഗിതവാമാങ്ഗ വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 4 ॥

ശ്ലോക 6

ഊരീകുരു മാമജ്ഞമനാഥം ദൂരീകുരു മേ ദുരിതം ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 5 ॥

ശ്ലോക 7

ഋഷിവരമാനസഹംസ ചരാചരജനനസ്ഥിതിലയകാരണ ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 6 ॥

ശ്ലോക 8

ൠക്ഷാധീശകിരീട മഹോക്ഷാരൂഢ വിധൃതരുദ്രാക്ഷ വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 7 ॥

ശ്ലോക 9

ലുവര്ണദ്വന്ദ്വമവൃന്തസുകുസുമമിവാങ്ഘ്രൌ തവാര്പയാമി വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 8 ॥

ശ്ലോക 10

ഏകം സദിതി ശ്രുത്യാ ത്വമേവ സദസീത്യുപാസ്മഹേ മൃഡ ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 9 ॥

ശ്ലോക 11

ഐക്യം നിജഭക്തേഭ്യോ വിതരസി വിശ്വമ്ഭരോഽത്ര സാക്ഷീ ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 10 ॥

ശ്ലോക 12

ഓമിതി തവ നിര്ദേഷ്ട്രീ മായാസ്മാകം മൃഡോപകര്ത്രീ ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 11 ॥

ശ്ലോക 13

ഔദാസ്യം സ്ഫുടയതി വിഷയേഷു ദിഗമ്ബരതാ ച തവൈവ വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 12 ॥

ശ്ലോക 14

അന്തഃകരണവിശുദ്ധിം ഭക്തിം ച ത്വയി സതീം പ്രദേഹി വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 13 ॥

ശ്ലോക 15

അസ്തോപാധിസമസ്തവ്യസ്തൈ രൂപൈര്ജഗന്മയോഽസി വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 14 ॥

ശ്ലോക 16

കരുണാവരുണാലയ മയി ദാസ ഉദാസസ്തവോചിതോ ന ഹി ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 15 ॥

ശ്ലോക 17

ഖലസഹവാസം വിഘടയ ഘടയ സതാമേവ സങ്ഗമനിശം ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 16 ॥

ശ്ലോക 18

ഗരലം ജഗദുപകൃതയേ ഗിലിതം ഭവതാ സമോഽസ്തി കോഽത്ര വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 17 ॥

ശ്ലോക 19

ഘനസാരഗൌരഗാത്ര പ്രചുരജടാജൂടബദ്ധഗങ്ഗ വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 18 ॥

ശ്ലോക 20

ജ്ഞപ്തിഃ സര്വശരീരേഷ്വഖണ്ഡിതാ യാ വിഭാതി സാ ത്വം ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 19 ॥

ശ്ലോക 21

ചപലം മമ ഹൃദയകപിം വിഷയദ്രുചരം ദൃഢം ബധാന വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 20 ॥

ശ്ലോക 22

ഛായാ സ്ഥാണോരപി തവ താപം നമതാം ഹരത്യഹോ ശിവ ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 21 ॥

ശ്ലോക 23

ജയ കൈലാസനിവാസ പ്രമഥഗണാധീശ ഭൂസുരാര്ചിത ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 22 ॥

ശ്ലോക 24

ഝണുതകഝങ്കിണുഝണുതത്കിടതക-ശബ്ദൈര്നടസി മഹാനട ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 23 ॥

ശ്ലോക 25

ജ്ഞാനം വിക്ഷേപാവൃതിരഹിതം കുരു മേ ഗുരുസ്ത്വമേവ വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 24 ॥

ശ്ലോക 26

ടങ്കാരസ്തവ ധനുഷോ ദലയതി ഹൃദയം ദ്വിഷാമശനിരിവ ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 25 ॥

ശ്ലോക 27

ഠാകൃതിരിവ തവ മായാ ബഹിരന്തഃ ശൂന്യരൂപിണീ ഖലു ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 26 ॥

ശ്ലോക 28

ഡമ്ബരമമ്ബുരുഹാമപി ദലയത്യനഘം ത്വദങ്ഘ്രിയുഗലം ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 27 ॥

ശ്ലോക 29

ഢക്കാക്ഷസൂത്രശൂലദ്രുഹിണകരോടീസമുല്ലസത്കര ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 28 ॥

ശ്ലോക 30

ണാകാരഗര്ഭിണീ ചേച്ഛുഭദാ തേ ശരഗതിര്നൃണാമിഹ ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 29 ॥

ശ്ലോക 31

തവ മന്വതിസഞ്ജപതഃ സദ്യസ്തരതി നരോ ഹി ഭവാബ്ധിം ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 30 ॥

ശ്ലോക 32

ഥൂത്കാരസ്തസ്യ മുഖേ ഭൂയാത്തേ നാമ നാസ്തി യസ്യ വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 31 ॥

ശ്ലോക 33

ദയനീയശ്ച ദയാലുഃ കോഽസ്തി മദന്യസ്ത്വദന്യ ഇഹ വദ ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 32 ॥

ശ്ലോക 34

ധര്മസ്ഥാപനദക്ഷ ത്ര്യക്ഷ ഗുരോ ദക്ഷയജ്ഞശിക്ഷക ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 33 ॥

ശ്ലോക 35

നനു താഡിതോഽസി ധനുഷാ ലുബ്ധധിയാ ത്വം പുരാ നരേണ വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 34 ॥

ശ്ലോക 36

പരിമാതും തവ മൂര്തിം നാലമജസ്തത്പരാത്പരോഽസി വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 35 ॥

ശ്ലോക 37

ഫലമിഹ നൃതയാ ജനുഷസ്ത്വത്പദസേവാ സനാതനേശ വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 36 ॥

ശ്ലോക 38

ബലമാരോഗ്യം ചായുസ്ത്വദ്ഗുണരുചിതാം ചിരം പ്രദേഹി വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 37 ॥

ശ്ലോക 39

ഭഗവന്ഭര്ഗ ഭയാപഹ ഭൂതപതേ ഭൂതിഭൂഷിതാങ്ഗ വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 38 ॥

ശ്ലോക 40

മഹിമാ തവ ന ഹി മാതി ശ്രുതിഷു ഹിമാനീധരാത്മജാധവ ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 39 ॥

ശ്ലോക 41

യമനിയമാദിഭിരങ്ഗൈര്യമിനോ ഹൃദയേ ഭജന്തി സ ത്വം ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 40 ॥

ശ്ലോക 42

രജ്ജാവഹിരിവ ശുക്തൌ രജതമിവ ത്വയി ജഗന്തി ഭാന്തി വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 41 ॥

ശ്ലോക 43

ലബ്ധ്വാ ഭവത്പ്രസാദാച്ചക്രം വിധുരവതി ലോകമഖിലം ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 42 ॥

ശ്ലോക 44

വസുധാതദ്ധരതച്ഛയരഥമൌര്വീശര പരാകൃതാസുര ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 43 ॥

ശ്ലോക 45

ശര്വ ദേവ സര്വോത്തമ സര്വദ ദുര്വൃത്തഗര്വഹരണ വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 44 ॥

ശ്ലോക 46

ഷഡ്രിപുഷഡൂര്മിഷഡ്വികാരഹര സന്മുഖ ഷണ്മുഖജനക വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 45 ॥

ശ്ലോക 47

സത്യം ജ്ഞാനമനന്തം ബ്രഹ്മേത്യേതല്ലക്ഷണലക്ഷിത ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 46 ॥

ശ്ലോക 48

ഹാഹാഹൂഹൂമുഖസുരഗായകഗീതാപദാനപദ്യ വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 47 ॥

ശ്ലോക 49

ലാദിര്ന ഹി പ്രയോഗസ്തദന്തമിഹ മങ്ഗലം സദാസ്തു വിഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 48 ॥

ശ്ലോക 50

ക്ഷണമിവ ദിവസാന്നേഷ്യതി ത്വത്പദസേവാക്ഷണോത്സുകഃ ശിവ ഭോ ।

സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ്

॥ 49 ॥

ശ്ലോക 51

ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ ശ്രീമച്ഛങ്കരഭഗവതഃ കൃതൌ സുവര്ണമാലാ സ്തുതിഃ സമ്പൂര്ണാ ॥