ಶಿವ ಸುವರ್ಣಮಾಲಾ ಸ್ತುತಿ

ಶಿವ ಸುವರ್ಣಮಾಲಾ ಸ್ತುತಿ

ಶ್ಲೋಕ 1

ಅಥ ಕಥಮಪಿ ಮದ್ರಾಸನಾಂ ತ್ವದ್ಗುಣಲೇಶೈರ್ವಿಶೋಧಯಾಮಿ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

ಶ್ಲೋಕ 2

ಆಖಣ್ಡಲಮದಖಣ್ಡನಪಣ್ಡಿತ ತಣ್ಡುಪ್ರಿಯ ಚಣ್ಡೀಶ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 1 ॥

ಶ್ಲೋಕ 3

ಇಭಚರ್ಮಾಮ್ಬರ ಶಮ್ಬರರಿಪುವಪುರಪಹರಣೋಜ್ಜ್ವಲನಯನ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 2 ॥

ಶ್ಲೋಕ 4

ಈಶ ಗಿರೀಶ ನರೇಶ ಪರೇಶ ಮಹೇಶ ಬಿಲೇಶಯಭೂಷಣ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 3 ॥

ಶ್ಲೋಕ 5

ಉಮಯಾ ದಿವ್ಯಸುಮಙ್ಗಲವಿಗ್ರಹಯಾಲಿಙ್ಗಿತವಾಮಾಙ್ಗ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 4 ॥

ಶ್ಲೋಕ 6

ಊರೀಕುರು ಮಾಮಜ್ಞಮನಾಥಂ ದೂರೀಕುರು ಮೇ ದುರಿತಂ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 5 ॥

ಶ್ಲೋಕ 7

ಋಷಿವರಮಾನಸಹಂಸ ಚರಾಚರಜನನಸ್ಥಿತಿಲಯಕಾರಣ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 6 ॥

ಶ್ಲೋಕ 8

ೠಕ್ಷಾಧೀಶಕಿರೀಟ ಮಹೋಕ್ಷಾರೂಢ ವಿಧೃತರುದ್ರಾಕ್ಷ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 7 ॥

ಶ್ಲೋಕ 9

ಲುವರ್ಣದ್ವನ್ದ್ವಮವೃನ್ತಸುಕುಸುಮಮಿವಾಙ್ಘ್ರೌ ತವಾರ್ಪಯಾಮಿ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 8 ॥

ಶ್ಲೋಕ 10

ಏಕಂ ಸದಿತಿ ಶ್ರುತ್ಯಾ ತ್ವಮೇವ ಸದಸೀತ್ಯುಪಾಸ್ಮಹೇ ಮೃಡ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 9 ॥

ಶ್ಲೋಕ 11

ಐಕ್ಯಂ ನಿಜಭಕ್ತೇಭ್ಯೋ ವಿತರಸಿ ವಿಶ್ವಮ್ಭರೋಽತ್ರ ಸಾಕ್ಷೀ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 10 ॥

ಶ್ಲೋಕ 12

ಓಮಿತಿ ತವ ನಿರ್ದೇಷ್ಟ್ರೀ ಮಾಯಾಸ್ಮಾಕಂ ಮೃಡೋಪಕರ್ತ್ರೀ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 11 ॥

ಶ್ಲೋಕ 13

ಔದಾಸ್ಯಂ ಸ್ಫುಟಯತಿ ವಿಷಯೇಷು ದಿಗಮ್ಬರತಾ ಚ ತವೈವ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 12 ॥

ಶ್ಲೋಕ 14

ಅನ್ತಃಕರಣವಿಶುದ್ಧಿಂ ಭಕ್ತಿಂ ಚ ತ್ವಯಿ ಸತೀಂ ಪ್ರದೇಹಿ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 13 ॥

ಶ್ಲೋಕ 15

ಅಸ್ತೋಪಾಧಿಸಮಸ್ತವ್ಯಸ್ತೈ ರೂಪೈರ್ಜಗನ್ಮಯೋಽಸಿ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 14 ॥

ಶ್ಲೋಕ 16

ಕರುಣಾವರುಣಾಲಯ ಮಯಿ ದಾಸ ಉದಾಸಸ್ತವೋಚಿತೋ ನ ಹಿ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 15 ॥

ಶ್ಲೋಕ 17

ಖಲಸಹವಾಸಂ ವಿಘಟಯ ಘಟಯ ಸತಾಮೇವ ಸಙ್ಗಮನಿಶಂ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 16 ॥

ಶ್ಲೋಕ 18

ಗರಲಂ ಜಗದುಪಕೃತಯೇ ಗಿಲಿತಂ ಭವತಾ ಸಮೋಽಸ್ತಿ ಕೋಽತ್ರ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 17 ॥

ಶ್ಲೋಕ 19

ಘನಸಾರಗೌರಗಾತ್ರ ಪ್ರಚುರಜಟಾಜೂಟಬದ್ಧಗಙ್ಗ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 18 ॥

ಶ್ಲೋಕ 20

ಜ್ಞಪ್ತಿಃ ಸರ್ವಶರೀರೇಷ್ವಖಣ್ಡಿತಾ ಯಾ ವಿಭಾತಿ ಸಾ ತ್ವಂ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 19 ॥

ಶ್ಲೋಕ 21

ಚಪಲಂ ಮಮ ಹೃದಯಕಪಿಂ ವಿಷಯದ್ರುಚರಂ ದೃಢಂ ಬಧಾನ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 20 ॥

ಶ್ಲೋಕ 22

ಛಾಯಾ ಸ್ಥಾಣೋರಪಿ ತವ ತಾಪಂ ನಮತಾಂ ಹರತ್ಯಹೋ ಶಿವ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 21 ॥

ಶ್ಲೋಕ 23

ಜಯ ಕೈಲಾಸನಿವಾಸ ಪ್ರಮಥಗಣಾಧೀಶ ಭೂಸುರಾರ್ಚಿತ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 22 ॥

ಶ್ಲೋಕ 24

ಝಣುತಕಝಙ್ಕಿಣುಝಣುತತ್ಕಿಟತಕ-ಶಬ್ದೈರ್ನಟಸಿ ಮಹಾನಟ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 23 ॥

ಶ್ಲೋಕ 25

ಜ್ಞಾನಂ ವಿಕ್ಷೇಪಾವೃತಿರಹಿತಂ ಕುರು ಮೇ ಗುರುಸ್ತ್ವಮೇವ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 24 ॥

ಶ್ಲೋಕ 26

ಟಙ್ಕಾರಸ್ತವ ಧನುಷೋ ದಲಯತಿ ಹೃದಯಂ ದ್ವಿಷಾಮಶನಿರಿವ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 25 ॥

ಶ್ಲೋಕ 27

ಠಾಕೃತಿರಿವ ತವ ಮಾಯಾ ಬಹಿರನ್ತಃ ಶೂನ್ಯರೂಪಿಣೀ ಖಲು ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 26 ॥

ಶ್ಲೋಕ 28

ಡಮ್ಬರಮಮ್ಬುರುಹಾಮಪಿ ದಲಯತ್ಯನಘಂ ತ್ವದಙ್ಘ್ರಿಯುಗಲಂ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 27 ॥

ಶ್ಲೋಕ 29

ಢಕ್ಕಾಕ್ಷಸೂತ್ರಶೂಲದ್ರುಹಿಣಕರೋಟೀಸಮುಲ್ಲಸತ್ಕರ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 28 ॥

ಶ್ಲೋಕ 30

ಣಾಕಾರಗರ್ಭಿಣೀ ಚೇಚ್ಛುಭದಾ ತೇ ಶರಗತಿರ್ನೃಣಾಮಿಹ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 29 ॥

ಶ್ಲೋಕ 31

ತವ ಮನ್ವತಿಸಞ್ಜಪತಃ ಸದ್ಯಸ್ತರತಿ ನರೋ ಹಿ ಭವಾಬ್ಧಿಂ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 30 ॥

ಶ್ಲೋಕ 32

ಥೂತ್ಕಾರಸ್ತಸ್ಯ ಮುಖೇ ಭೂಯಾತ್ತೇ ನಾಮ ನಾಸ್ತಿ ಯಸ್ಯ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 31 ॥

ಶ್ಲೋಕ 33

ದಯನೀಯಶ್ಚ ದಯಾಲುಃ ಕೋಽಸ್ತಿ ಮದನ್ಯಸ್ತ್ವದನ್ಯ ಇಹ ವದ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 32 ॥

ಶ್ಲೋಕ 34

ಧರ್ಮಸ್ಥಾಪನದಕ್ಷ ತ್ರ್ಯಕ್ಷ ಗುರೋ ದಕ್ಷಯಜ್ಞಶಿಕ್ಷಕ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 33 ॥

ಶ್ಲೋಕ 35

ನನು ತಾಡಿತೋಽಸಿ ಧನುಷಾ ಲುಬ್ಧಧಿಯಾ ತ್ವಂ ಪುರಾ ನರೇಣ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 34 ॥

ಶ್ಲೋಕ 36

ಪರಿಮಾತುಂ ತವ ಮೂರ್ತಿಂ ನಾಲಮಜಸ್ತತ್ಪರಾತ್ಪರೋಽಸಿ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 35 ॥

ಶ್ಲೋಕ 37

ಫಲಮಿಹ ನೃತಯಾ ಜನುಷಸ್ತ್ವತ್ಪದಸೇವಾ ಸನಾತನೇಶ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 36 ॥

ಶ್ಲೋಕ 38

ಬಲಮಾರೋಗ್ಯಂ ಚಾಯುಸ್ತ್ವದ್ಗುಣರುಚಿತಾಂ ಚಿರಂ ಪ್ರದೇಹಿ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 37 ॥

ಶ್ಲೋಕ 39

ಭಗವನ್ಭರ್ಗ ಭಯಾಪಹ ಭೂತಪತೇ ಭೂತಿಭೂಷಿತಾಙ್ಗ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 38 ॥

ಶ್ಲೋಕ 40

ಮಹಿಮಾ ತವ ನ ಹಿ ಮಾತಿ ಶ್ರುತಿಷು ಹಿಮಾನೀಧರಾತ್ಮಜಾಧವ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 39 ॥

ಶ್ಲೋಕ 41

ಯಮನಿಯಮಾದಿಭಿರಙ್ಗೈರ್ಯಮಿನೋ ಹೃದಯೇ ಭಜನ್ತಿ ಸ ತ್ವಂ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 40 ॥

ಶ್ಲೋಕ 42

ರಜ್ಜಾವಹಿರಿವ ಶುಕ್ತೌ ರಜತಮಿವ ತ್ವಯಿ ಜಗನ್ತಿ ಭಾನ್ತಿ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 41 ॥

ಶ್ಲೋಕ 43

ಲಬ್ಧ್ವಾ ಭವತ್ಪ್ರಸಾದಾಚ್ಚಕ್ರಂ ವಿಧುರವತಿ ಲೋಕಮಖಿಲಂ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 42 ॥

ಶ್ಲೋಕ 44

ವಸುಧಾತದ್ಧರತಚ್ಛಯರಥಮೌರ್ವೀಶರ ಪರಾಕೃತಾಸುರ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 43 ॥

ಶ್ಲೋಕ 45

ಶರ್ವ ದೇವ ಸರ್ವೋತ್ತಮ ಸರ್ವದ ದುರ್ವೃತ್ತಗರ್ವಹರಣ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 44 ॥

ಶ್ಲೋಕ 46

ಷಡ್ರಿಪುಷಡೂರ್ಮಿಷಡ್ವಿಕಾರಹರ ಸನ್ಮುಖ ಷಣ್ಮುಖಜನಕ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 45 ॥

ಶ್ಲೋಕ 47

ಸತ್ಯಂ ಜ್ಞಾನಮನನ್ತಂ ಬ್ರಹ್ಮೇತ್ಯೇತಲ್ಲಕ್ಷಣಲಕ್ಷಿತ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 46 ॥

ಶ್ಲೋಕ 48

ಹಾಹಾಹೂಹೂಮುಖಸುರಗಾಯಕಗೀತಾಪದಾನಪದ್ಯ ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 47 ॥

ಶ್ಲೋಕ 49

ಲಾದಿರ್ನ ಹಿ ಪ್ರಯೋಗಸ್ತದನ್ತಮಿಹ ಮಙ್ಗಲಂ ಸದಾಸ್ತು ವಿಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 48 ॥

ಶ್ಲೋಕ 50

ಕ್ಷಣಮಿವ ದಿವಸಾನ್ನೇಷ್ಯತಿ ತ್ವತ್ಪದಸೇವಾಕ್ಷಣೋತ್ಸುಕಃ ಶಿವ ಭೋ ।

ಸಾಮ್ಬ ಸದಾಶಿವ ಶಮ್ಭೋ ಶಙ್ಕರ ಶರಣಂ ಮೇ ತವ ಚರಣಯುಗಮ್

॥ 49 ॥

ಶ್ಲೋಕ 51

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ ಶ್ರೀಮಚ್ಛಙ್ಕರಭಗವತಃ ಕೃತೌ ಸುವರ್ಣಮಾಲಾ ಸ್ತುತಿಃ ಸಮ್ಪೂರ್ಣಾ ॥