શિવ સુવર્ણમાલા સ્તુતિ

શિવ સુવર્ણમાલા સ્તુતિ

શ્લોક 1

અથ કથમપિ મદ્રાસનાં ત્વદ્ગુણલેશૈર્વિશોધયામિ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

શ્લોક 2

આખણ્ડલમદખણ્ડનપણ્ડિત તણ્ડુપ્રિય ચણ્ડીશ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 1 ॥

શ્લોક 3

ઇભચર્મામ્બર શમ્બરરિપુવપુરપહરણોજ્જ્વલનયન વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 2 ॥

શ્લોક 4

ઈશ ગિરીશ નરેશ પરેશ મહેશ બિલેશયભૂષણ ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 3 ॥

શ્લોક 5

ઉમયા દિવ્યસુમઙ્ગલવિગ્રહયાલિઙ્ગિતવામાઙ્ગ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 4 ॥

શ્લોક 6

ઊરીકુરુ મામજ્ઞમનાથં દૂરીકુરુ મે દુરિતં ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 5 ॥

શ્લોક 7

ઋષિવરમાનસહંસ ચરાચરજનનસ્થિતિલયકારણ ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 6 ॥

શ્લોક 8

ૠક્ષાધીશકિરીટ મહોક્ષારૂઢ વિધૃતરુદ્રાક્ષ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 7 ॥

શ્લોક 9

લુવર્ણદ્વન્દ્વમવૃન્તસુકુસુમમિવાઙ્ઘ્રૌ તવાર્પયામિ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 8 ॥

શ્લોક 10

એકં સદિતિ શ્રુત્યા ત્વમેવ સદસીત્યુપાસ્મહે મૃડ ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 9 ॥

શ્લોક 11

ઐક્યં નિજભક્તેભ્યો વિતરસિ વિશ્વમ્ભરોઽત્ર સાક્ષી ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 10 ॥

શ્લોક 12

ઓમિતિ તવ નિર્દેષ્ટ્રી માયાસ્માકં મૃડોપકર્ત્રી ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 11 ॥

શ્લોક 13

ઔદાસ્યં સ્ફુટયતિ વિષયેષુ દિગમ્બરતા ચ તવૈવ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 12 ॥

શ્લોક 14

અન્તઃકરણવિશુદ્ધિં ભક્તિં ચ ત્વયિ સતીં પ્રદેહિ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 13 ॥

શ્લોક 15

અસ્તોપાધિસમસ્તવ્યસ્તૈ રૂપૈર્જગન્મયોઽસિ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 14 ॥

શ્લોક 16

કરુણાવરુણાલય મયિ દાસ ઉદાસસ્તવોચિતો ન હિ ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 15 ॥

શ્લોક 17

ખલસહવાસં વિઘટય ઘટય સતામેવ સઙ્ગમનિશં ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 16 ॥

શ્લોક 18

ગરલં જગદુપકૃતયે ગિલિતં ભવતા સમોઽસ્તિ કોઽત્ર વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 17 ॥

શ્લોક 19

ઘનસારગૌરગાત્ર પ્રચુરજટાજૂટબદ્ધગઙ્ગ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 18 ॥

શ્લોક 20

જ્ઞપ્તિઃ સર્વશરીરેષ્વખણ્ડિતા યા વિભાતિ સા ત્વં ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 19 ॥

શ્લોક 21

ચપલં મમ હૃદયકપિં વિષયદ્રુચરં દૃઢં બધાન વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 20 ॥

શ્લોક 22

છાયા સ્થાણોરપિ તવ તાપં નમતાં હરત્યહો શિવ ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 21 ॥

શ્લોક 23

જય કૈલાસનિવાસ પ્રમથગણાધીશ ભૂસુરાર્ચિત ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 22 ॥

શ્લોક 24

ઝણુતકઝઙ્કિણુઝણુતત્કિટતક-શબ્દૈર્નટસિ મહાનટ ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 23 ॥

શ્લોક 25

જ્ઞાનં વિક્ષેપાવૃતિરહિતં કુરુ મે ગુરુસ્ત્વમેવ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 24 ॥

શ્લોક 26

ટઙ્કારસ્તવ ધનુષો દલયતિ હૃદયં દ્વિષામશનિરિવ ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 25 ॥

શ્લોક 27

ઠાકૃતિરિવ તવ માયા બહિરન્તઃ શૂન્યરૂપિણી ખલુ ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 26 ॥

શ્લોક 28

ડમ્બરમમ્બુરુહામપિ દલયત્યનઘં ત્વદઙ્ઘ્રિયુગલં ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 27 ॥

શ્લોક 29

ઢક્કાક્ષસૂત્રશૂલદ્રુહિણકરોટીસમુલ્લસત્કર ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 28 ॥

શ્લોક 30

ણાકારગર્ભિણી ચેચ્છુભદા તે શરગતિર્નૃણામિહ ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 29 ॥

શ્લોક 31

તવ મન્વતિસઞ્જપતઃ સદ્યસ્તરતિ નરો હિ ભવાબ્ધિં ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 30 ॥

શ્લોક 32

થૂત્કારસ્તસ્ય મુખે ભૂયાત્તે નામ નાસ્તિ યસ્ય વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 31 ॥

શ્લોક 33

દયનીયશ્ચ દયાલુઃ કોઽસ્તિ મદન્યસ્ત્વદન્ય ઇહ વદ ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 32 ॥

શ્લોક 34

ધર્મસ્થાપનદક્ષ ત્ર્યક્ષ ગુરો દક્ષયજ્ઞશિક્ષક ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 33 ॥

શ્લોક 35

નનુ તાડિતોઽસિ ધનુષા લુબ્ધધિયા ત્વં પુરા નરેણ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 34 ॥

શ્લોક 36

પરિમાતું તવ મૂર્તિં નાલમજસ્તત્પરાત્પરોઽસિ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 35 ॥

શ્લોક 37

ફલમિહ નૃતયા જનુષસ્ત્વત્પદસેવા સનાતનેશ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 36 ॥

શ્લોક 38

બલમારોગ્યં ચાયુસ્ત્વદ્ગુણરુચિતાં ચિરં પ્રદેહિ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 37 ॥

શ્લોક 39

ભગવન્ભર્ગ ભયાપહ ભૂતપતે ભૂતિભૂષિતાઙ્ગ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 38 ॥

શ્લોક 40

મહિમા તવ ન હિ માતિ શ્રુતિષુ હિમાનીધરાત્મજાધવ ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 39 ॥

શ્લોક 41

યમનિયમાદિભિરઙ્ગૈર્યમિનો હૃદયે ભજન્તિ સ ત્વં ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 40 ॥

શ્લોક 42

રજ્જાવહિરિવ શુક્તૌ રજતમિવ ત્વયિ જગન્તિ ભાન્તિ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 41 ॥

શ્લોક 43

લબ્ધ્વા ભવત્પ્રસાદાચ્ચક્રં વિધુરવતિ લોકમખિલં ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 42 ॥

શ્લોક 44

વસુધાતદ્ધરતચ્છયરથમૌર્વીશર પરાકૃતાસુર ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 43 ॥

શ્લોક 45

શર્વ દેવ સર્વોત્તમ સર્વદ દુર્વૃત્તગર્વહરણ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 44 ॥

શ્લોક 46

ષડ્રિપુષડૂર્મિષડ્વિકારહર સન્મુખ ષણ્મુખજનક વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 45 ॥

શ્લોક 47

સત્યં જ્ઞાનમનન્તં બ્રહ્મેત્યેતલ્લક્ષણલક્ષિત ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 46 ॥

શ્લોક 48

હાહાહૂહૂમુખસુરગાયકગીતાપદાનપદ્ય વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 47 ॥

શ્લોક 49

લાદિર્ન હિ પ્રયોગસ્તદન્તમિહ મઙ્ગલં સદાસ્તુ વિભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 48 ॥

શ્લોક 50

ક્ષણમિવ દિવસાન્નેષ્યતિ ત્વત્પદસેવાક્ષણોત્સુકઃ શિવ ભો ।

સામ્બ સદાશિવ શમ્ભો શઙ્કર શરણં મે તવ ચરણયુગમ્

॥ 49 ॥

શ્લોક 51

ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગવત્પૂજ્યપાદશિષ્યસ્ય શ્રીમચ્છઙ્કરભગવતઃ કૃતૌ સુવર્ણમાલા સ્તુતિઃ સમ્પૂર્ણા ॥