শিব সুবর্ণমালা স্তুতি

শিব সুবর্ণমালা স্তুতি

শ্লোক 1

অথ কথমপি মদ্রাসনাং ত্বদ্গুণলেশৈর্বিশোধযামি বিভো ।

সাম্ব সদাশিব শম্ভো শঙ্কর শরণং মে তব চরণযুগম্

শ্লোক 2

আখণ্ডলমদখণ্ডনপণ্ডিত তণ্ডুপ্রিয চণ্ডীশ বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 1 ॥

শ্লোক 3

ইভচর্মাম্বর শম্বররিপুবপুরপহরণোজ্জ্বলনযন বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 2 ॥

শ্লোক 4

ঈশ গিরীশ নরেশ পরেশ মহেশ বিলেশযভূষণ ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 3 ॥

শ্লোক 5

উমযা দিব্যসুমঙ্গলবিগ্রহযালিঙ্গিতবামাঙ্গ বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 4 ॥

শ্লোক 6

ঊরীকুরু মামজ্ঞমনাথং দূরীকুরু মে দুরিতং ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 5 ॥

শ্লোক 7

ঋষিবরমানসহংস চরাচরজননস্থিতিলযকারণ ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 6 ॥

শ্লোক 8

ৠক্ষাধীশকিরীট মহোক্ষারূঢ বিধৃতরুদ্রাক্ষ বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 7 ॥

শ্লোক 9

লুবর্ণদ্বন্দ্বমবৃন্তসুকুসুমমিবাঙ্ঘ্রৌ তবার্পযামি বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 8 ॥

শ্লোক 10

একং সদিতি শ্রুত্যা ত্বমেব সদসীত্যুপাস্মহে মৃড ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 9 ॥

শ্লোক 11

ঐক্যং নিজভক্তেভ্যো বিতরসি বিশ্বম্ভরোঽত্র সাক্ষী ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 10 ॥

শ্লোক 12

ওমিতি তব নির্দেষ্ট্রী মাযাস্মাকং মৃডোপকর্ত্রী ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 11 ॥

শ্লোক 13

ঔদাস্যং স্ফুটযতি বিষযেষু দিগম্বরতা চ তবৈব বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 12 ॥

শ্লোক 14

অন্তঃকরণবিশুদ্ধিং ভক্তিং চ ত্বযি সতীং প্রদেহি বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 13 ॥

শ্লোক 15

অস্তোপাধিসমস্তব্যস্তৈ রূপৈর্জগন্মযোঽসি বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 14 ॥

শ্লোক 16

করুণাবরুণালয মযি দাস উদাসস্তবোচিতো ন হি ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 15 ॥

শ্লোক 17

খলসহবাসং বিঘটয ঘটয সতামেব সঙ্গমনিশং ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 16 ॥

শ্লোক 18

গরলং জগদুপকৃতযে গিলিতং ভবতা সমোঽস্তি কোঽত্র বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 17 ॥

শ্লোক 19

ঘনসারগৌরগাত্র প্রচুরজটাজূটবদ্ধগঙ্গ বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 18 ॥

শ্লোক 20

জ্ঞপ্তিঃ সর্বশরীরেষ্বখণ্ডিতা যা বিভাতি সা ত্বং ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 19 ॥

শ্লোক 21

চপলং মম হৃদযকপিং বিষযদ্রুচরং দৃঢং বধান বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 20 ॥

শ্লোক 22

ছাযা স্থাণোরপি তব তাপং নমতাং হরত্যহো শিব ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 21 ॥

শ্লোক 23

জয কৈলাসনিবাস প্রমথগণাধীশ ভূসুরার্চিত ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 22 ॥

শ্লোক 24

ঝণুতকঝঙ্কিণুঝণুতত্কিটতক-শব্দৈর্নটসি মহানট ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 23 ॥

শ্লোক 25

জ্ঞানং বিক্ষেপাবৃতিরহিতং কুরু মে গুরুস্ত্বমেব বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 24 ॥

শ্লোক 26

টঙ্কারস্তব ধনুষো দলযতি হৃদযং দ্বিষামশনিরিব ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 25 ॥

শ্লোক 27

ঠাকৃতিরিব তব মাযা বহিরন্তঃ শূন্যরূপিণী খলু ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 26 ॥

শ্লোক 28

ডম্বরমম্বুরুহামপি দলযত্যনঘং ত্বদঙ্ঘ্রিযুগলং ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 27 ॥

শ্লোক 29

ঢক্কাক্ষসূত্রশূলদ্রুহিণকরোটীসমুল্লসত্কর ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 28 ॥

শ্লোক 30

ণাকারগর্ভিণী চেচ্ছুভদা তে শরগতির্নৃণামিহ ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 29 ॥

শ্লোক 31

তব মন্বতিসঞ্জপতঃ সদ্যস্তরতি নরো হি ভবাব্ধিং ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 30 ॥

শ্লোক 32

থূত্কারস্তস্য মুখে ভূযাত্তে নাম নাস্তি যস্য বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 31 ॥

শ্লোক 33

দযনীযশ্চ দযালুঃ কোঽস্তি মদন্যস্ত্বদন্য ইহ বদ ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 32 ॥

শ্লোক 34

ধর্মস্থাপনদক্ষ ত্র্যক্ষ গুরো দক্ষযজ্ঞশিক্ষক ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 33 ॥

শ্লোক 35

ননু তাডিতোঽসি ধনুষা লুব্ধধিযা ত্বং পুরা নরেণ বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 34 ॥

শ্লোক 36

পরিমাতুং তব মূর্তিং নালমজস্তত্পরাত্পরোঽসি বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 35 ॥

শ্লোক 37

ফলমিহ নৃতযা জনুষস্ত্বত্পদসেবা সনাতনেশ বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 36 ॥

শ্লোক 38

বলমারোগ্যং চাযুস্ত্বদ্গুণরুচিতাং চিরং প্রদেহি বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 37 ॥

শ্লোক 39

ভগবন্ভর্গ ভযাপহ ভূতপতে ভূতিভূষিতাঙ্গ বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 38 ॥

শ্লোক 40

মহিমা তব ন হি মাতি শ্রুতিষু হিমানীধরাত্মজাধব ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 39 ॥

শ্লোক 41

যমনিযমাদিভিরঙ্গৈর্যমিনো হৃদযে ভজন্তি স ত্বং ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 40 ॥

শ্লোক 42

রজ্জাবহিরিব শুক্তৌ রজতমিব ত্বযি জগন্তি ভান্তি বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 41 ॥

শ্লোক 43

লব্ধ্বা ভবত্প্রসাদাচ্চক্রং বিধুরবতি লোকমখিলং ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 42 ॥

শ্লোক 44

বসুধাতদ্ধরতচ্ছযরথমৌর্বীশর পরাকৃতাসুর ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 43 ॥

শ্লোক 45

শর্ব দেব সর্বোত্তম সর্বদ দুর্বৃত্তগর্বহরণ বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 44 ॥

শ্লোক 46

ষড্রিপুষডূর্মিষড্বিকারহর সন্মুখ ষণ্মুখজনক বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 45 ॥

শ্লোক 47

সত্যং জ্ঞানমনন্তং ব্রহ্মেত্যেতল্লক্ষণলক্ষিত ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 46 ॥

শ্লোক 48

হাহাহূহূমুখসুরগাযকগীতাপদানপদ্য বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 47 ॥

শ্লোক 49

লাদির্ন হি প্রযোগস্তদন্তমিহ মঙ্গলং সদাস্তু বিভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 48 ॥

শ্লোক 50

ক্ষণমিব দিবসান্নেষ্যতি ত্বত্পদসেবাক্ষণোত্সুকঃ শিব ভো ।

সাম্ব সদাশিব শম্ভো শঙ্কর শরণং মে তব চরণযুগম্

॥ 49 ॥

শ্লোক 51

ইতি শ্রীমত্পরমহংসপরিব্রাজকাচার্যস্য শ্রীগোবিন্দভগবত্পূজ্যপাদশিষ্যস্য শ্রীমচ্ছঙ্করভগবতঃ কৃতৌ সুবর্ণমালা স্তুতিঃ সম্পূর্ণা ॥