శివ నామావల్యష్టకం (నామావలీ అష్టకం)

శివ నామావల్యష్టకం (నామావలీ అష్టకం)

శ్లోక 1

హే చన్ద్రచూడ మదనాన్తక శూలపాణే

స్థాణో గిరీశ గిరిజేశ మహేశ శమ్భో ।

భూతేశ భీతభయసూదన మామనాథం

సంసారదుఃఖగహనాజ్జగదీశ రక్ష

శ్లోక 2

హే పార్వతీహృదయవల్లభ చన్ద్రమౌలే

భూతాధిప ప్రమథనాథ గిరీశచాప ।

హే వామదేవ భవ రుద్ర పినాకపాణే

సంసారదుఃఖగహనాజ్జగదీశ రక్ష

॥ 1 ॥

శ్లోక 3

హే నీలకణ్ఠ వృషభధ్వజ పఞ్చవక్త్ర

లోకేశ శేషవలయ ప్రమథేశ శర్వ ।

హే ధూర్జటే పశుపతే గిరిజాపతే మాం

సంసారదుఃఖగహనాజ్జగదీశ రక్ష

॥ 2 ॥

శ్లోక 4

హే విశ్వనాథ శివ శఙ్కర దేవదేవ

గఙ్గాధర ప్రమథనాయక నన్దికేశ ।

బాణేశ్వరాన్ధకరిపో హర లోకనాథ

సంసారదుఃఖగహనాజ్జగదీశ రక్ష

॥ 3 ॥

శ్లోక 5

వారాణసీపురపతే మణికర్ణికేశ

వీరేశ దక్షమఖకాల విభో గణేశ ।

సర్వజ్ఞ సర్వహృదయైకనివాస నాథ

సంసారదుఃఖగహనాజ్జగదీశ రక్ష

॥ 4 ॥

శ్లోక 6

శ్రీమన్మహేశ్వర కృపామయ హే దయాలో

హే వ్యోమకేశ శితికణ్ఠ గణాధినాథ ।

భస్మాఙ్గరాగ నృకపాలకలాపమాల

సంసారదుఃఖగహనాజ్జగదీశ రక్ష

॥ 5 ॥

శ్లోక 7

కైలాసశైలవినివాస వృషాకపే హే

మృత్యుఞ్జయ త్రినయన త్రిజగన్నివాస ।

నారాయణప్రియ మదాపహ శక్తినాథ

సంసారదుఃఖగహనాజ్జగదీశ రక్ష

॥ 6 ॥

శ్లోక 8

విశ్వేశ విశ్వభవనాశక విశ్వరూప

విశ్వాత్మక త్రిభువనైకగుణాధికేశ ।

హే విశ్వనాథ కరుణామయ దీనబన్ధో

సంసారదుఃఖగహనాజ్జగదీశ రక్ష

॥ 7 ॥

శ్లోక 9

గౌరీవిలాసభవనాయ మహేశ్వరాయ

పఞ్చాననాయ శరణాగతకల్పకాయ ।

శర్వాయ సర్వజగతామధిపాయ తస్మై

దారిద్ర్యదుఃఖదహనాయ నమః శివాయ

॥ 8 ॥

శ్లోక 10

ఇతి శ్రీమత్పరమహంసపరివ్రాజకాచార్యస్య శ్రీగోవిన్దభగవత్పూజ్యపాదశిష్యస్య శ్రీమచ్ఛఙ్కరభగవతః కృతౌ శ్రీశివనామావల్యష్టకం సమ్పూర్ణమ్ ॥