શિવ નામાવલ્યષ્ટકં (નામાવલી અષ્ટકં)

શિવ નામાવલ્યષ્ટકં (નામાવલી અષ્ટકં)

શ્લોક 1

હે ચન્દ્રચૂડ મદનાન્તક શૂલપાણે

સ્થાણો ગિરીશ ગિરિજેશ મહેશ શમ્ભો ।

ભૂતેશ ભીતભયસૂદન મામનાથં

સંસારદુઃખગહનાજ્જગદીશ રક્ષ

શ્લોક 2

હે પાર્વતીહૃદયવલ્લભ ચન્દ્રમૌલે

ભૂતાધિપ પ્રમથનાથ ગિરીશચાપ ।

હે વામદેવ ભવ રુદ્ર પિનાકપાણે

સંસારદુઃખગહનાજ્જગદીશ રક્ષ

॥ 1 ॥

શ્લોક 3

હે નીલકણ્ઠ વૃષભધ્વજ પઞ્ચવક્ત્ર

લોકેશ શેષવલય પ્રમથેશ શર્વ ।

હે ધૂર્જટે પશુપતે ગિરિજાપતે માં

સંસારદુઃખગહનાજ્જગદીશ રક્ષ

॥ 2 ॥

શ્લોક 4

હે વિશ્વનાથ શિવ શઙ્કર દેવદેવ

ગઙ્ગાધર પ્રમથનાયક નન્દિકેશ ।

બાણેશ્વરાન્ધકરિપો હર લોકનાથ

સંસારદુઃખગહનાજ્જગદીશ રક્ષ

॥ 3 ॥

શ્લોક 5

વારાણસીપુરપતે મણિકર્ણિકેશ

વીરેશ દક્ષમખકાલ વિભો ગણેશ ।

સર્વજ્ઞ સર્વહૃદયૈકનિવાસ નાથ

સંસારદુઃખગહનાજ્જગદીશ રક્ષ

॥ 4 ॥

શ્લોક 6

શ્રીમન્મહેશ્વર કૃપામય હે દયાલો

હે વ્યોમકેશ શિતિકણ્ઠ ગણાધિનાથ ।

ભસ્માઙ્ગરાગ નૃકપાલકલાપમાલ

સંસારદુઃખગહનાજ્જગદીશ રક્ષ

॥ 5 ॥

શ્લોક 7

કૈલાસશૈલવિનિવાસ વૃષાકપે હે

મૃત્યુઞ્જય ત્રિનયન ત્રિજગન્નિવાસ ।

નારાયણપ્રિય મદાપહ શક્તિનાથ

સંસારદુઃખગહનાજ્જગદીશ રક્ષ

॥ 6 ॥

શ્લોક 8

વિશ્વેશ વિશ્વભવનાશક વિશ્વરૂપ

વિશ્વાત્મક ત્રિભુવનૈકગુણાધિકેશ ।

હે વિશ્વનાથ કરુણામય દીનબન્ધો

સંસારદુઃખગહનાજ્જગદીશ રક્ષ

॥ 7 ॥

શ્લોક 9

ગૌરીવિલાસભવનાય મહેશ્વરાય

પઞ્ચાનનાય શરણાગતકલ્પકાય ।

શર્વાય સર્વજગતામધિપાય તસ્મૈ

દારિદ્ર્યદુઃખદહનાય નમઃ શિવાય

॥ 8 ॥

શ્લોક 10

ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગવત્પૂજ્યપાદશિષ્યસ્ય શ્રીમચ્છઙ્કરભગવતઃ કૃતૌ શ્રીશિવનામાવલ્યષ્ટકં સમ્પૂર્ણમ્ ॥