Mantra Pushpam
ಮನ್ತ್ರ ಪುಷ್ಪಮ್
Mantra Pushpam
ಮನ್ತ್ರ ಪುಷ್ಪಮ್
ಶ್ಲೋಕ 1
ಭ॒ದ್ರ-ಙ್ಕರ್ಣೇ॑ಭಿ-ಶ್ಶೃಣು॒ಯಾಮ॑ ದೇವಾಃ ।
ಭ॒ದ್ರ-ಮ್ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ ।
ಸ್ಥಿ॒ರೈರಙ್ಗೈ᳚ಸ್ತುಷ್ಟು॒ವಾಗ್ಂಸ॑ಸ್ತ॒ನೂಭಿಃ॑ ।
ವ್ಯಶೇ॑ಮ ದೇ॒ವಹಿ॑ತಂ॒-ಯಁದಾಯುಃ॑ ॥
ಸ್ವ॒ಸ್ತಿ ನ॒ ಇನ್ದ್ರೋ॑ ವೃ॒ದ್ಧಶ್ರ॑ವಾಃ ।
ಸ್ವ॑ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ ।
ಸ್ವ॒॒ಸ್ತಿನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ ।
ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥
ಯೋ॑-ಽಪಾ-ಮ್ಪುಷ್ಪಂ॒-ವೇಁದ॑ ।
ಪುಷ್ಪ॑ವಾ-ನ್ಪ್ರ॒ಜಾವಾ᳚-ನ್ಪಶು॒ಮಾ-ನ್ಭ॑ವತಿ ।
ಚ॒ನ್ದ್ರಮಾ॒ ವಾ ಅ॒ಪಾ-ಮ್ಪುಷ್ಪಮ್᳚ ।
ಪುಷ್ಪ॑ವಾ-ನ್ಪ್ರ॒ಜಾವಾ᳚-ನ್ಪಶು॒ಮಾ-ನ್ಭ॑ವತಿ ।
ಯ ಏ॒ವಂ-ವೇಁದ॑ ।
ಯೋ॑-ಽಪಾಮಾ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ॥
ಅ॒ಗ್ನಿರ್ವಾ ಅ॒ಪಾಮಾ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯೋ᳚-ಽಗ್ನೇರಾ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ।
ಆಪೋ॒ವಾ ಅ॒ಗ್ನೇರಾ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯ ಏ॒ವಂ-ವೇಁದ॑ ।
ಯೋ॑-ಽಪಾಮಾ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ॥
ವಾ॒ಯುರ್ವಾ ಅ॒ಪಾಮಾ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯೋ ವಾ॒ಯೋರಾ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ।
ಆಪೋ॒ ವೈ ವಾ॒ಯೋರಾ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯ ಏ॒ವಂ-ವೇಁದ॑ ।
ಯೋ॑-ಽಪಾಮಾ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ॥
ಅ॒ಸೌ ವೈ ತಪ॑ನ್ನ॒ಪಾಮಾ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯೋ॑-ಽಮುಷ್ಯ॒ತಪ॑ತ ಆ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ।
ಆಪೋ॒ ವಾ ಅ॒ಮುಷ್ಯ॒ತಪ॑ತ ಆ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯ ಏ॒ವಂ-ವೇಁದ॑ ।
ಯೋ॑-ಽಪಾಮಾ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ॥
ಚ॒ನ್ದ್ರಮಾ॒ ವಾ ಅ॒ಪಾಮಾ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯಶ್ಚ॒ನ್ದ್ರಮ॑ಸ ಆ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ।
ಆಪೋ॒ ವೈ ಚ॒ನ್ದ್ರಮ॑ಸ ಆ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯ ಏ॒ವಂ-ವೇಁದ॑ ।
ಯೋ॑-ಽಪಾಮಾ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ॥
ನಕ್ಷತ್ರ॑ತ್ರಾಣಿ॒ ವಾ ಅ॒ಪಾಮಾ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯೋ ನಕ್ಷತ್ರ॑ತ್ರಾಣಾಮಾ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ।
ಆಪೋ॒ ವೈ ನಕ್ಷ॑ತ್ರಾಣಾಮಾ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯ ಏ॒ವಂ-ವೇಁದ॑ ।
ಯೋ॑-ಽಪಾಮಾ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ॥
ಪ॒ರ್ಜನ್ಯೋ॒ ವಾ ಅ॒ಪಾಮಾ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯಃ ಪ॒ರ್ಜನ್ಯ॑ಸ್ಯಾ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ।
ಆಪೋ॒ ವೈ ಪ॒ರ್ಜನ್ಯ॑ಸ್ಯಾ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯ ಏ॒ವಂ-ವೇಁದ॑ ।
ಯೋ॑-ಽಪಾಮಾ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ॥
ಸಂ॒ವಁ॒ತ್ಸ॒ರೋ ವಾ ಅ॒ಪಾಮಾ॒ಯತ॑ನ॒ಮ್ ।
ಆ॒ಯತ॑ನವಾ-ನ್ಭವತಿ ।
ಯ-ಸ್ಸಂ॑ವಁತ್ಸ॒ರಸ್ಯಾ॒ಯತ॑ನಂ॒-ವೇಁದ॑ ।
ಆ॒ಯತ॑ನವಾ-ನ್ಭವತಿ ।
ಆಪೋ॒ ವೈ ಸಂ॑ವಁತ್ಸ॒ರಸ್ಯಾ॒ಯತ॑ನಮ್ ।
ಆ॒ಯತ॑ನವಾ-ನ್ಭವತಿ ।
ಯ ಏವಂ-ವೇಁದ॑ ।
ಯೋ᳚-ಽಫ್ಸು ನಾವ॒-ಮ್ಪ್ರತಿ॑ಷ್ಠಿತಾಂ॒-ವೇಁದ॑ ।
ಪ್ರತ್ಯೇ॒ವ ತಿ॑ಷ್ಠತಿ ॥
ಓಂ ರಾ॒ಜಾ॒ಧಿ॒ರಾ॒ಜಾಯ॑ ಪ್ರಸಹ್ಯ ಸಾ॒ಹಿನೇ᳚ ।
ನಮೋ॑ ವ॒ಯಂ-ವೈಁ᳚ಶ್ರವ॒ಣಾಯ॑ ಕುರ್ಮಹೇ ।
ಸ ಮೇ॒ ಕಾಮಾ॒ನ್ ಕಾಮ॒ ಕಾಮಾ॑ಯ॒ ಮಹ್ಯಮ್᳚ ।
ಕಾ॒ಮೇ॒ಶ್ವ॒ರೋ ವೈ᳚ಶ್ರವ॒ಣೋ ದ॑ದಾತು ।
ಕು॒ಬೇ॒ರಾಯ॑ ವೈಶ್ರವ॒ಣಾಯ॑ ।
ಮ॒ಹಾ॒ರಾಜಾಯ॒ ನಮಃ॑ ॥
ಓ᳚-ನ್ತದ್ಬ್ರ॒ಹ್ಮ ।
ಓ᳚-ನ್ತದ್ವಾ॒ಯುಃ ।
ಓ᳚-ನ್ತದಾ॒ತ್ಮಾ ।
ಓ᳚-ನ್ತಥ್ಸ॒ತ್ಯಮ್ ।
ಓ᳚-ನ್ತತ್ಸರ್ವಮ್᳚ ।
ಓ᳚-ನ್ತತ್ಪುರೋ॒ರ್ನಮಃ ॥
ಅನ್ತಶ್ಚರತಿ॑ ಭೂತೇ॒ಷು ಗುಹಾಯಾಂ-ವಿಁ॑ಶ್ವಮೂ॒ರ್ತಿಷು ।
ತ್ವಂ-ಯಁಜ್ಞಸ್ತ್ವಂ-ವಁಷಟ್ಕಾರಸ್ತ್ವ-ಮಿನ್ದ್ರಸ್ತ್ವಗ್ಂ
ರುದ್ರಸ್ತ್ವಂ-ವಿಁಷ್ಣುಸ್ತ್ವ-ಮ್ಬ್ರಹ್ಮತ್ವ॑-ಮ್ಪ್ರಜಾ॒ಪತಿಃ ।
ತ್ವ-ನ್ತ॑ದಾಪ॒ ಆಪೋ॒ ಜ್ಯೋತೀ॒ರಸೋ॒-ಽಮೃತ-ಮ್ಬ್ರಹ್ಮ॒ ಭೂರ್ಭುವ॒ಸ್ಸುವ॒ರೋಮ್ ।
ಈಶಾನಸ್ಸರ್ವ॑ ವಿದ್ಯಾ॒ನಾಮೀಶ್ವರಸ್ಸರ್ವ॑ಭೂತಾ॒ನಾಂ
ಬ್ರಹ್ಮಾಧಿ॑ಪತಿ॒-ರ್ಬ್ರಹ್ಮ॒ಣೋ-ಽಧಿ॑ಪತಿ॒-ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಮ್ ।
ತದ್ವಿಷ್ಣೋಃ᳚ ಪರ॒ಮ-ಮ್ಪ॒ದಗ್ಂ ಸದಾ॑ ಪಶ್ಯನ್ತಿ ಸೂ॒ರಯಃ॑ ।
ದಿ॒ವೀವ॒ ಚಕ್ಷು॒ರಾತ॑ತಮ್ ।
ತದ್ವಿಪ್ರಾ॑ಸೋ ವಿಪ॒ನ್ಯವೋ॑ ಜಾಗೃ॒ವಾಗ್ಂ ಸಸ್ಸಮಿ॑ನ್ಧತೇ ।
ವಿಷ್ನೋ॒ರ್ಯತ್ಪ॑ರ॒ಮ-ಮ್ಪ॒ದಮ್ ।
ಋತಗ್ಂ ಸ॒ತ್ಯ-ಮ್ಪ॑ರ-ಮ್ಬ್ರ॒ಹ್ಮ॒ ಪು॒ರುಷ॑-ಙ್ಕೃಷ್ಣ॒ಪಿಙ್ಗ॑ಲಮ್ ।
ಊ॒ರ್ಧ್ವರೇ॑ತಂ-ವಿಁ॑ರೂಪಾ॒ಕ್ಷಂ॒-ವಿಁ॒ಶ್ವರೂ॑ಪಾಯ॒ ವೈ ನಮೋ॒ ನಮಃ॑ ॥
ಓ-ನ್ನಾ॒ರಾ॒ಯ॒ಣಾಯ॑ ವಿ॒ದ್ಮಹೇ॑ ವಾಸುದೇ॒ವಾಯ॑ ಧೀಮಹಿ ।
ತನ್ನೋ॑ ವಿಷ್ಣುಃ ಪ್ರಚೋ॒ದಯಾ᳚ತ್ ॥
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ।