శ్రీ హనుమదష్టకమ్

శ్రీ హనుమదష్టకమ్

శ్లోక 1

శ్రీరఘురాజపదాబ్జనికేతన పఙ్కజలోచన మఙ్గలరాశే

చణ్డమహాభుజదణ్డ సురారివిఖణ్డనపణ్డిత పాహి దయాలో ।

పాతకినం చ సముద్ధర మాం మహతాం హి సతామపి మానముదారం

త్వాం భజతో మమ దేహి దయాఘన హే హనుమన్ స్వపదామ్బుజదాస్యమ్

శ్లోక 2

సంసృతితాపమహానలదగ్ధతనూరుహమర్మతనోరతివేలం

పుత్రధనస్వజనాత్మగృహాదిషు సక్తమతేరతికిల్బిషమూర్తేః ।

కేనచిదప్యమలేన పురాకృతపుణ్యసుపుఞ్జలవేన విభో వై

త్వాం భజతో మమ దేహి దయాఘన హే హనుమన్ స్వపదామ్బుజదాస్యమ్

॥ 1 ॥

శ్లోక 3

సంసృతికూపమనల్పమఘోరనిదాఘనిదానమజస్రమశేషం

ప్రాప్య సుదుఃఖసహస్రభుజఙ్గవిషైకసమాకులసర్వతనోర్మే ।

ఘోరమహాకృపణాపదమేవ గతస్య హరే పతితస్య భవాబ్ధౌ

త్వాం భజతో మమ దేహి దయాఘన హే హనుమన్ స్వపదామ్బుజదాస్యమ్

॥ 2 ॥

శ్లోక 4

సంసృతిసిన్ధువిశాలకరాలమహాబలకాలఝషగ్రసనార్తం

వ్యగ్రసమగ్రధియం కృపణం చ మహామదనక్రసుచక్రహృతాసుమ్ ।

కాలమహారసనోర్మినిపీడితముద్ధర దీనమనన్యగతిం మాం

త్వాం భజతో మమ దేహి దయాఘన హే హనుమన్ స్వపదామ్బుజదాస్యమ్

॥ 3 ॥

శ్లోక 5

సంసృతిఘోరమహాగహనే చరతో మణిరఞ్జితపుణ్యసుమూర్తేః

మన్మథభీకరఘోరమహోగ్రమృగప్రవరార్దితగాత్రసుసన్ధేః ।

మత్సరతాపవిశేషనిపీడితబాహ్యమతేశ్చ కథం చిదమేయం

త్వాం భజతో మమ దేహి దయాఘన హే హనుమన్ స్వపదామ్బుజదాస్యమ్

॥ 4 ॥

శ్లోక 6

సంసృతివృక్షమనేకశతాఘనిదానమనన్తవికర్మసుశాఖం

దుఃఖఫలం కరణాదిపలాశమనఙ్గసుపుష్పమచిన్త్యసుమూలమ్ ।

తం హ్యధిరుహ్య హరే పతితం శరణాగతమేవ విమోచయ మూఢం

త్వాం భజతో మమ దేహి దయాఘన హే హనుమన్ స్వపదామ్బుజదాస్యమ్

॥ 5 ॥

శ్లోక 7

సంసృతిపన్నగవక్త్రభయఙ్కరదంష్ట్రమహావిషదగ్ధశరీరం

ప్రాణవినిర్గమభీతిసమాకులమన్దమనాథమతీవ విషణ్ణమ్ ।

మోహమహాకుహరే పతితం దయయోద్ధర మామజితేన్ద్రియకామం

త్వాం భజతో మమ దేహి దయాఘన హే హనుమన్ స్వపదామ్బుజదాస్యమ్

॥ 6 ॥

శ్లోక 8

ఇన్ద్రియనామకచోరగణైర్హృతతత్త్వవివేకమహాధనరాశిం

సంసృతిజాలనిపాతితమేవ మహాబలిభిశ్చ విఖణ్డితకాయమ్ ।

త్వత్పదపద్మమనుత్తమమాశ్రితమాశు కపీశ్వర పాహి కృపాలో

త్వాం భజతో మమ దేహి దయాఘన హే హనుమన్ స్వపదామ్బుజదాస్యమ్

॥ 7 ॥

శ్లోక 9

బ్రహ్మమరుద్గణరుద్రమహేన్ద్రకిరీటసుకోటిలసత్పదపీఠం

దాశరథిం జపతి క్షితిమణ్డల ఏష నిధాయ సదైవ హృదబ్జే ।

తస్య హనూమత ఏవ శివఙ్కరమష్టకమేతదనిష్టహరం వై

యః సతతం హి పఠేత్స నరో లభతేఽచ్యుతరామపదాబ్జనివాసమ్

॥ 8 ॥

శ్లోక 10

ఇతి శ్రీ మధుసూదనాశ్రమ శిష్యాఽచ్యుతవిరచితం శ్రీమద్దనుమదష్టకమ్ ।