ശ്രീ ഹനുമദഷ്ടകമ്

ശ്രീ ഹനുമദഷ്ടകമ്

ശ്ലോക 1

ശ്രീരഘുരാജപദാബ്ജനികേതന പങ്കജലോചന മങ്ഗലരാശേ

ചണ്ഡമഹാഭുജദണ്ഡ സുരാരിവിഖണ്ഡനപണ്ഡിത പാഹി ദയാലോ ।

പാതകിനം ച സമുദ്ധര മാം മഹതാം ഹി സതാമപി മാനമുദാരം

ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ്

ശ്ലോക 2

സംസൃതിതാപമഹാനലദഗ്ധതനൂരുഹമര്മതനോരതിവേലം

പുത്രധനസ്വജനാത്മഗൃഹാദിഷു സക്തമതേരതികില്ബിഷമൂര്തേഃ ।

കേനചിദപ്യമലേന പുരാകൃതപുണ്യസുപുഞ്ജലവേന വിഭോ വൈ

ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ്

॥ 1 ॥

ശ്ലോക 3

സംസൃതികൂപമനല്പമഘോരനിദാഘനിദാനമജസ്രമശേഷം

പ്രാപ്യ സുദുഃഖസഹസ്രഭുജങ്ഗവിഷൈകസമാകുലസര്വതനോര്മേ ।

ഘോരമഹാകൃപണാപദമേവ ഗതസ്യ ഹരേ പതിതസ്യ ഭവാബ്ധൌ

ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ്

॥ 2 ॥

ശ്ലോക 4

സംസൃതിസിന്ധുവിശാലകരാലമഹാബലകാലഝഷഗ്രസനാര്തം

വ്യഗ്രസമഗ്രധിയം കൃപണം ച മഹാമദനക്രസുചക്രഹൃതാസുമ് ।

കാലമഹാരസനോര്മിനിപീഡിതമുദ്ധര ദീനമനന്യഗതിം മാം

ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ്

॥ 3 ॥

ശ്ലോക 5

സംസൃതിഘോരമഹാഗഹനേ ചരതോ മണിരഞ്ജിതപുണ്യസുമൂര്തേഃ

മന്മഥഭീകരഘോരമഹോഗ്രമൃഗപ്രവരാര്ദിതഗാത്രസുസന്ധേഃ ।

മത്സരതാപവിശേഷനിപീഡിതബാഹ്യമതേശ്ച കഥം ചിദമേയം

ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ്

॥ 4 ॥

ശ്ലോക 6

സംസൃതിവൃക്ഷമനേകശതാഘനിദാനമനന്തവികര്മസുശാഖം

ദുഃഖഫലം കരണാദിപലാശമനങ്ഗസുപുഷ്പമചിന്ത്യസുമൂലമ് ।

തം ഹ്യധിരുഹ്യ ഹരേ പതിതം ശരണാഗതമേവ വിമോചയ മൂഢം

ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ്

॥ 5 ॥

ശ്ലോക 7

സംസൃതിപന്നഗവക്ത്രഭയങ്കരദംഷ്ട്രമഹാവിഷദഗ്ധശരീരം

പ്രാണവിനിര്ഗമഭീതിസമാകുലമന്ദമനാഥമതീവ വിഷണ്ണമ് ।

മോഹമഹാകുഹരേ പതിതം ദയയോദ്ധര മാമജിതേന്ദ്രിയകാമം

ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ്

॥ 6 ॥

ശ്ലോക 8

ഇന്ദ്രിയനാമകചോരഗണൈര്ഹൃതതത്ത്വവിവേകമഹാധനരാശിം

സംസൃതിജാലനിപാതിതമേവ മഹാബലിഭിശ്ച വിഖണ്ഡിതകായമ് ।

ത്വത്പദപദ്മമനുത്തമമാശ്രിതമാശു കപീശ്വര പാഹി കൃപാലോ

ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ്

॥ 7 ॥

ശ്ലോക 9

ബ്രഹ്മമരുദ്ഗണരുദ്രമഹേന്ദ്രകിരീടസുകോടിലസത്പദപീഠം

ദാശരഥിം ജപതി ക്ഷിതിമണ്ഡല ഏഷ നിധായ സദൈവ ഹൃദബ്ജേ ।

തസ്യ ഹനൂമത ഏവ ശിവങ്കരമഷ്ടകമേതദനിഷ്ടഹരം വൈ

യഃ സതതം ഹി പഠേത്സ നരോ ലഭതേഽച്യുതരാമപദാബ്ജനിവാസമ്

॥ 8 ॥

ശ്ലോക 10

ഇതി ശ്രീ മധുസൂദനാശ്രമ ശിഷ്യാഽച്യുതവിരചിതം ശ്രീമദ്ദനുമദഷ്ടകമ് ।