Govindashtakam
Govindashtakam
गोविन्दाष्टकम्
सत्यं ज्ञानमनन्तं नित्यमनाकाशं परमाकाशम् ।
गोष्ठप्राङ्गणरिङ्खणलोलमनायासं परमायासम् ।
मायाकल्पितनानाकारमनाकारं भुवनाकारम् ।
क्ष्मामानाथमनाथं प्रणमत गोविन्दं परमानन्दम् ॥ 1 ॥
मृत्स्नामत्सीहेति यशोदाताडनशैशव सन्त्रासम् ।
व्यादितवक्त्रालोकितलोकालोकचतुर्दशलोकालिम् ।
लोकत्रयपुरमूलस्तम्भं लोकालोकमनालोकम् ।
लोकेशं परमेशं प्रणमत गोविन्दं परमानन्दम् ॥ 2 ॥
त्रैविष्टपरिपुवीरघ्नं क्षितिभारघ्नं भवरोगघ्नम् ।
कैवल्यं नवनीताहारमनाहारं भुवनाहारम् ।
वैमल्यस्फुटचेतोवृत्तिविशेषाभासमनाभासम् ।
शैवं केवलशान्तं प्रणमत गोविन्दं परमानन्दम् ॥ 3 ॥
गोपालं प्रभुलीलाविग्रहगोपालं कुलगोपालम् ।
गोपीखेलनगोवर्धनधृतिलीलालालितगोपालम् ।
गोभिर्निगदित गोविन्दस्फुटनामानं बहुनामानम् ।
गोपीगोचरदूरं प्रणमत गोविन्दं परमानन्दम् ॥ 4 ॥
गोपीमण्डलगोष्ठीभेदं भेदावस्थमभेदाभम् ।
शश्वद्गोखुरनिर्धूतोद्गत धूलीधूसरसौभाग्यम् ।
श्रद्धाभक्तिगृहीतानन्दमचिन्त्यं चिन्तितसद्भावम् ।
चिन्तामणिमहिमानं प्रणमत गोविन्दं परमानन्दम् ॥ 5 ॥
स्नानव्याकुलयोषिद्वस्त्रमुपादायागमुपारूढम् ।
व्यादित्सन्तीरथ दिग्वस्त्रा दातुमुपाकर्षन्तं ताः
निर्धूतद्वयशोकविमोहं बुद्धं बुद्धेरन्तस्थम् ।
सत्तामात्रशरीरं प्रणमत गोविन्दं परमानन्दम् ॥ 6 ॥
कान्तं कारणकारणमादिमनादिं कालधनाभासम् ।
कालिन्दीगतकालियशिरसि सुनृत्यन्तं मुहुरत्यन्तम् ।
कालं कालकलातीतं कलिताशेषं कलिदोषघ्नम् ।
कालत्रयगतिहेतुं प्रणमत गोविन्दं परमानन्दम् ॥ 7 ॥
बृन्दावनभुवि बृन्दारकगणबृन्दाराधितवन्देहम् ।
कुन्दाभामलमन्दस्मेरसुधानन्दं सुहृदानन्दम् ।
वन्द्याशेष महामुनि मानस वन्द्यानन्दपदद्वन्द्वम् ।
वन्द्याशेषगुणाब्धिं प्रणमत गोविन्दं परमानन्दम् ॥ 8 ॥
गोविन्दाष्टकमेतदधीते गोविन्दार्पितचेता यः ।
गोविन्दाच्युत माधव विष्णो गोकुलनायक कृष्णेति ।
गोविन्दाङ्घ्रि सरोजध्यानसुधाजलधौतसमस्ताघः ।
गोविन्दं परमानन्दामृतमन्तस्थं स तमभ्येति ॥
इति श्री शङ्कराचार्य विरचित श्रीगोविन्दाष्टकं समाप्तं
About This Stotram
Overview
The Govindashtakam is an eight-verse Sanskrit hymn in praise of Lord Govinda, a form of Krishna and Vishnu. Each verse describes aspects of Govinda's divine nature, his cosmic role, and episodes from his childhood in Vrindavan. The text belongs to the Vaishnava devotional tradition and follows the ashtakam format common in Sanskrit praise poetry.
What are the benefits of chanting Govindashtakam?
- Recitation is associated with purification of the mind and removal of karma
- Said to bestow spiritual bliss and foster devotion to Lord Govinda
- Regular chanting is linked to worldly prosperity and progress in devotional practice
- Completion of the eight verses is held to confer the benefit of comprehensive worship
When is the best time to recite this?
Morning recitation is standard. Ekadashi, Janmashtami, and other Vaishnava observances are the most auspicious occasions. The ashtakam may also be recited during evening worship in homes and temples.
What is the historical and traditional background?
The exact authorship and date of the Govindashtakam are not documented. A version of a Govindashtakam is attributed to Adi Shankaracharya in some traditions, though this attribution is not confirmed by scholarly sources for all versions in circulation. Ashtakams are among the most common forms in Sanskrit devotional literature, composed by saints and scholars across many centuries to praise specific deities concisely. This text circulates within Vaishnava communities and is included in standard collections of Krishna and Vishnu praise hymns.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Madhurashtakam — another eight-verse Sanskrit hymn describing the sweetness of Krishna's Vrindavan form
- Govinda Damodara Stotram — a longer Vaishnava hymn by Bilvamangalacharya centered on Krishna's divine names