గఙ్గాష్టకం

గఙ్గాష్టకం

శ్లోక 1

భగవతి తవ తీరే నీరమాత్రాశనోఽహమ్

విగతవిషయతృష్ణః కృష్ణమారాధయామి ।

సకల కలుషభఙ్గే స్వర్గసోపానసఙ్గే

తరలతరతరఙ్గే దేవి గఙ్గే ప్రసీద

శ్లోక 2

భగవతి భవలీలా మౌలిమాలే తవామ్భః

కణమణుపరిమాణం ప్రాణినో యే స్పృశన్తి ।

అమరనగరనారీ చామర గ్రాహిణీనాం

విగత కలికలఙ్కాతఙ్కమఙ్కే లుఠన్తి

॥ 1 ॥

శ్లోక 3

బ్రహ్మాణ్డం ఖణ్డయన్తీ హరశిరసి జటావల్లిముల్లాసయన్తీ

స్వర్లోకాదాపతన్తీ కనకగిరిగుహాగణ్డశైలాత్ స్ఖలన్తీ ।

క్షోణీపృష్ఠే లుఠన్తీ దురితచయచమూర్నిర్భరం భర్త్సయన్తీ

పాథోధిం పూరయన్తీ సురనగరసరిత్పావనీ నః పునాతు

॥ 2 ॥

శ్లోక 4

మజ్జన్మాతఙ్గ కుమ్భచ్యుత మదమదిరామోదమత్తాలిజాలం

స్నానైః సిద్ధాఙ్గనానాం కుచయుగ విలసత్కుఙ్కుమాసఙ్గపిఙ్గమ్ ।

సాయం ప్రాతర్మునీనాం కుశకుసుమచయైశ్ఛిన్నతీరస్థనీరం

పాయాన్నో గాఙ్గమమ్భః కరికలభ కరాక్రాన్త రఙ్గస్తరఙ్గమ్

॥ 3 ॥

శ్లోక 5

ఆదావాది పితామహస్య నియమ వ్యాపార పాత్రే జలం

పశ్చాత్పన్నగశాయినో భగవతః పాదోదకం పావనమ్ ।

భూయః శమ్భుజటావిభూషణ మణిర్జహ్నోర్మహర్షేరియం

కన్యా కల్మషనాశినీ భగవతీ భాగీరథీ దృశ్యతే

॥ 4 ॥

శ్లోక 6

శైలేన్ద్రాదవతారిణీ నిజజలే మజ్జజ్జనోత్తారిణీ

పారావారవిహారిణీ భవభయశ్రేణీ సముత్సారిణీ ।

శేషాఙ్గైరనుకారిణీ హరశిరోవల్లీదలాకారిణీ

కాశీప్రాన్తవిహారిణీ విజయతే గఙ్గా మనోహారిణీ

॥ 5 ॥

శ్లోక 7

కుతో వీచిర్వీచిస్తవ యది గతా లోచనపథం

త్వమాపీతా పీతామ్బరపురవాసం వితరసి ।

త్వదుత్సఙ్గే గఙ్గే పతతి యది కాయస్తనుభృతాం

తదా మాతః శాన్తక్రతవపదలాభోఽప్యతిలఘుః

॥ 6 ॥

శ్లోక 8

గఙ్గే త్రైలోక్యసారే సకలసురవధూధౌతవిస్తీర్ణతోయే

పూర్ణబ్రహ్మస్వరూపే హరిచరణరజోహారిణి స్వర్గమార్గే ।

ప్రాయశ్చితం యది స్యాత్తవ జలకణికా బ్రహ్మహత్యాది పాపే

కస్త్వాం స్తోతుం సమర్థః త్రిజగదఘహరే దేవి గఙ్గే ప్రసీద

॥ 7 ॥

శ్లోక 9

మాతర్జాహ్నవీ శమ్భుసఙ్గమిలితే మౌలౌ నిధాయాఞ్జలిం

త్వత్తీరే వపుషోఽవసానసమయే నారాయణాఙ్ఘ్రిద్వయమ్ ।

సానన్దం స్మరతో భవిష్యతి మమ ప్రాణప్రయాణోత్సవే

భూయాద్భక్తిరవిచ్యుతా హరిహరాద్వైతాత్మికా శాశ్వతీ

॥ 8 ॥

శ్లోక 10

గఙ్గాష్టకమిదం పుణ్యం యః పఠేత్ప్రయతో నరః ।

సర్వపాపవినిర్ముక్తో విష్ణులోకం స గచ్ఛతి

॥ 9 ॥

శ్లోక 11