ഗങ്ഗാഷ്ടകം

ഗങ്ഗാഷ്ടകം

ശ്ലോക 1

ഭഗവതി തവ തീരേ നീരമാത്രാശനോഽഹമ്

വിഗതവിഷയതൃഷ്ണഃ കൃഷ്ണമാരാധയാമി ।

സകല കലുഷഭങ്ഗേ സ്വര്ഗസോപാനസങ്ഗേ

തരലതരതരങ്ഗേ ദേവി ഗങ്ഗേ പ്രസീദ

ശ്ലോക 2

ഭഗവതി ഭവലീലാ മൌലിമാലേ തവാമ്ഭഃ

കണമണുപരിമാണം പ്രാണിനോ യേ സ്പൃശന്തി ।

അമരനഗരനാരീ ചാമര ഗ്രാഹിണീനാം

വിഗത കലികലങ്കാതങ്കമങ്കേ ലുഠന്തി

॥ 1 ॥

ശ്ലോക 3

ബ്രഹ്മാണ്ഡം ഖണ്ഡയന്തീ ഹരശിരസി ജടാവല്ലിമുല്ലാസയന്തീ

സ്വര്ലോകാദാപതന്തീ കനകഗിരിഗുഹാഗണ്ഡശൈലാത് സ്ഖലന്തീ ।

ക്ഷോണീപൃഷ്ഠേ ലുഠന്തീ ദുരിതചയചമൂര്നിര്ഭരം ഭര്ത്സയന്തീ

പാഥോധിം പൂരയന്തീ സുരനഗരസരിത്പാവനീ നഃ പുനാതു

॥ 2 ॥

ശ്ലോക 4

മജ്ജന്മാതങ്ഗ കുമ്ഭച്യുത മദമദിരാമോദമത്താലിജാലം

സ്നാനൈഃ സിദ്ധാങ്ഗനാനാം കുചയുഗ വിലസത്കുങ്കുമാസങ്ഗപിങ്ഗമ് ।

സായം പ്രാതര്മുനീനാം കുശകുസുമചയൈശ്ഛിന്നതീരസ്ഥനീരം

പായാന്നോ ഗാങ്ഗമമ്ഭഃ കരികലഭ കരാക്രാന്ത രങ്ഗസ്തരങ്ഗമ്

॥ 3 ॥

ശ്ലോക 5

ആദാവാദി പിതാമഹസ്യ നിയമ വ്യാപാര പാത്രേ ജലം

പശ്ചാത്പന്നഗശായിനോ ഭഗവതഃ പാദോദകം പാവനമ് ।

ഭൂയഃ ശമ്ഭുജടാവിഭൂഷണ മണിര്ജഹ്നോര്മഹര്ഷേരിയം

കന്യാ കല്മഷനാശിനീ ഭഗവതീ ഭാഗീരഥീ ദൃശ്യതേ

॥ 4 ॥

ശ്ലോക 6

ശൈലേന്ദ്രാദവതാരിണീ നിജജലേ മജ്ജജ്ജനോത്താരിണീ

പാരാവാരവിഹാരിണീ ഭവഭയശ്രേണീ സമുത്സാരിണീ ।

ശേഷാങ്ഗൈരനുകാരിണീ ഹരശിരോവല്ലീദലാകാരിണീ

കാശീപ്രാന്തവിഹാരിണീ വിജയതേ ഗങ്ഗാ മനോഹാരിണീ

॥ 5 ॥

ശ്ലോക 7

കുതോ വീചിര്വീചിസ്തവ യദി ഗതാ ലോചനപഥം

ത്വമാപീതാ പീതാമ്ബരപുരവാസം വിതരസി ।

ത്വദുത്സങ്ഗേ ഗങ്ഗേ പതതി യദി കായസ്തനുഭൃതാം

തദാ മാതഃ ശാന്തക്രതവപദലാഭോഽപ്യതിലഘുഃ

॥ 6 ॥

ശ്ലോക 8

ഗങ്ഗേ ത്രൈലോക്യസാരേ സകലസുരവധൂധൌതവിസ്തീര്ണതോയേ

പൂര്ണബ്രഹ്മസ്വരൂപേ ഹരിചരണരജോഹാരിണി സ്വര്ഗമാര്ഗേ ।

പ്രായശ്ചിതം യദി സ്യാത്തവ ജലകണികാ ബ്രഹ്മഹത്യാദി പാപേ

കസ്ത്വാം സ്തോതും സമര്ഥഃ ത്രിജഗദഘഹരേ ദേവി ഗങ്ഗേ പ്രസീദ

॥ 7 ॥

ശ്ലോക 9

മാതര്ജാഹ്നവീ ശമ്ഭുസങ്ഗമിലിതേ മൌലൌ നിധായാഞ്ജലിം

ത്വത്തീരേ വപുഷോഽവസാനസമയേ നാരായണാങ്ഘ്രിദ്വയമ് ।

സാനന്ദം സ്മരതോ ഭവിഷ്യതി മമ പ്രാണപ്രയാണോത്സവേ

ഭൂയാദ്ഭക്തിരവിച്യുതാ ഹരിഹരാദ്വൈതാത്മികാ ശാശ്വതീ

॥ 8 ॥

ശ്ലോക 10

ഗങ്ഗാഷ്ടകമിദം പുണ്യം യഃ പഠേത്പ്രയതോ നരഃ ।

സര്വപാപവിനിര്മുക്തോ വിഷ്ണുലോകം സ ഗച്ഛതി

॥ 9 ॥

ശ്ലോക 11