ગઙ્ગાષ્ટકં

ગઙ્ગાષ્ટકં

શ્લોક 1

ભગવતિ તવ તીરે નીરમાત્રાશનોઽહમ્

વિગતવિષયતૃષ્ણઃ કૃષ્ણમારાધયામિ ।

સકલ કલુષભઙ્ગે સ્વર્ગસોપાનસઙ્ગે

તરલતરતરઙ્ગે દેવિ ગઙ્ગે પ્રસીદ

શ્લોક 2

ભગવતિ ભવલીલા મૌલિમાલે તવામ્ભઃ

કણમણુપરિમાણં પ્રાણિનો યે સ્પૃશન્તિ ।

અમરનગરનારી ચામર ગ્રાહિણીનાં

વિગત કલિકલઙ્કાતઙ્કમઙ્કે લુઠન્તિ

॥ 1 ॥

શ્લોક 3

બ્રહ્માણ્ડં ખણ્ડયન્તી હરશિરસિ જટાવલ્લિમુલ્લાસયન્તી

સ્વર્લોકાદાપતન્તી કનકગિરિગુહાગણ્ડશૈલાત્ સ્ખલન્તી ।

ક્ષોણીપૃષ્ઠે લુઠન્તી દુરિતચયચમૂર્નિર્ભરં ભર્ત્સયન્તી

પાથોધિં પૂરયન્તી સુરનગરસરિત્પાવની નઃ પુનાતુ

॥ 2 ॥

શ્લોક 4

મજ્જન્માતઙ્ગ કુમ્ભચ્યુત મદમદિરામોદમત્તાલિજાલં

સ્નાનૈઃ સિદ્ધાઙ્ગનાનાં કુચયુગ વિલસત્કુઙ્કુમાસઙ્ગપિઙ્ગમ્ ।

સાયં પ્રાતર્મુનીનાં કુશકુસુમચયૈશ્છિન્નતીરસ્થનીરં

પાયાન્નો ગાઙ્ગમમ્ભઃ કરિકલભ કરાક્રાન્ત રઙ્ગસ્તરઙ્ગમ્

॥ 3 ॥

શ્લોક 5

આદાવાદિ પિતામહસ્ય નિયમ વ્યાપાર પાત્રે જલં

પશ્ચાત્પન્નગશાયિનો ભગવતઃ પાદોદકં પાવનમ્ ।

ભૂયઃ શમ્ભુજટાવિભૂષણ મણિર્જહ્નોર્મહર્ષેરિયં

કન્યા કલ્મષનાશિની ભગવતી ભાગીરથી દૃશ્યતે

॥ 4 ॥

શ્લોક 6

શૈલેન્દ્રાદવતારિણી નિજજલે મજ્જજ્જનોત્તારિણી

પારાવારવિહારિણી ભવભયશ્રેણી સમુત્સારિણી ।

શેષાઙ્ગૈરનુકારિણી હરશિરોવલ્લીદલાકારિણી

કાશીપ્રાન્તવિહારિણી વિજયતે ગઙ્ગા મનોહારિણી

॥ 5 ॥

શ્લોક 7

કુતો વીચિર્વીચિસ્તવ યદિ ગતા લોચનપથં

ત્વમાપીતા પીતામ્બરપુરવાસં વિતરસિ ।

ત્વદુત્સઙ્ગે ગઙ્ગે પતતિ યદિ કાયસ્તનુભૃતાં

તદા માતઃ શાન્તક્રતવપદલાભોઽપ્યતિલઘુઃ

॥ 6 ॥

શ્લોક 8

ગઙ્ગે ત્રૈલોક્યસારે સકલસુરવધૂધૌતવિસ્તીર્ણતોયે

પૂર્ણબ્રહ્મસ્વરૂપે હરિચરણરજોહારિણિ સ્વર્ગમાર્ગે ।

પ્રાયશ્ચિતં યદિ સ્યાત્તવ જલકણિકા બ્રહ્મહત્યાદિ પાપે

કસ્ત્વાં સ્તોતું સમર્થઃ ત્રિજગદઘહરે દેવિ ગઙ્ગે પ્રસીદ

॥ 7 ॥

શ્લોક 9

માતર્જાહ્નવી શમ્ભુસઙ્ગમિલિતે મૌલૌ નિધાયાઞ્જલિં

ત્વત્તીરે વપુષોઽવસાનસમયે નારાયણાઙ્ઘ્રિદ્વયમ્ ।

સાનન્દં સ્મરતો ભવિષ્યતિ મમ પ્રાણપ્રયાણોત્સવે

ભૂયાદ્ભક્તિરવિચ્યુતા હરિહરાદ્વૈતાત્મિકા શાશ્વતી

॥ 8 ॥

શ્લોક 10

ગઙ્ગાષ્ટકમિદં પુણ્યં યઃ પઠેત્પ્રયતો નરઃ ।

સર્વપાપવિનિર્મુક્તો વિષ્ણુલોકં સ ગચ્છતિ

॥ 9 ॥

શ્લોક 11