গঙ্গাষ্টকং

গঙ্গাষ্টকং

শ্লোক 1

ভগবতি তব তীরে নীরমাত্রাশনোঽহম্

বিগতবিষযতৃষ্ণঃ কৃষ্ণমারাধযামি ।

সকল কলুষভঙ্গে স্বর্গসোপানসঙ্গে

তরলতরতরঙ্গে দেবি গঙ্গে প্রসীদ

শ্লোক 2

ভগবতি ভবলীলা মৌলিমালে তবাম্ভঃ

কণমণুপরিমাণং প্রাণিনো যে স্পৃশন্তি ।

অমরনগরনারী চামর গ্রাহিণীনাং

বিগত কলিকলঙ্কাতঙ্কমঙ্কে লুঠন্তি

॥ 1 ॥

শ্লোক 3

ব্রহ্মাণ্ডং খণ্ডযন্তী হরশিরসি জটাবল্লিমুল্লাসযন্তী

স্বর্লোকাদাপতন্তী কনকগিরিগুহাগণ্ডশৈলাত্ স্খলন্তী ।

ক্ষোণীপৃষ্ঠে লুঠন্তী দুরিতচযচমূর্নির্ভরং ভর্ত্সযন্তী

পাথোধিং পূরযন্তী সুরনগরসরিত্পাবনী নঃ পুনাতু

॥ 2 ॥

শ্লোক 4

মজ্জন্মাতঙ্গ কুম্ভচ্যুত মদমদিরামোদমত্তালিজালং

স্নানৈঃ সিদ্ধাঙ্গনানাং কুচযুগ বিলসত্কুঙ্কুমাসঙ্গপিঙ্গম্ ।

সাযং প্রাতর্মুনীনাং কুশকুসুমচযৈশ্ছিন্নতীরস্থনীরং

পাযান্নো গাঙ্গমম্ভঃ করিকলভ করাক্রান্ত রঙ্গস্তরঙ্গম্

॥ 3 ॥

শ্লোক 5

আদাবাদি পিতামহস্য নিযম ব্যাপার পাত্রে জলং

পশ্চাত্পন্নগশাযিনো ভগবতঃ পাদোদকং পাবনম্ ।

ভূযঃ শম্ভুজটাবিভূষণ মণির্জহ্নোর্মহর্ষেরিযং

কন্যা কল্মষনাশিনী ভগবতী ভাগীরথী দৃশ্যতে

॥ 4 ॥

শ্লোক 6

শৈলেন্দ্রাদবতারিণী নিজজলে মজ্জজ্জনোত্তারিণী

পারাবারবিহারিণী ভবভযশ্রেণী সমুত্সারিণী ।

শেষাঙ্গৈরনুকারিণী হরশিরোবল্লীদলাকারিণী

কাশীপ্রান্তবিহারিণী বিজযতে গঙ্গা মনোহারিণী

॥ 5 ॥

শ্লোক 7

কুতো বীচির্বীচিস্তব যদি গতা লোচনপথং

ত্বমাপীতা পীতাম্বরপুরবাসং বিতরসি ।

ত্বদুত্সঙ্গে গঙ্গে পততি যদি কাযস্তনুভৃতাং

তদা মাতঃ শান্তক্রতবপদলাভোঽপ্যতিলঘুঃ

॥ 6 ॥

শ্লোক 8

গঙ্গে ত্রৈলোক্যসারে সকলসুরবধূধৌতবিস্তীর্ণতোযে

পূর্ণব্রহ্মস্বরূপে হরিচরণরজোহারিণি স্বর্গমার্গে ।

প্রাযশ্চিতং যদি স্যাত্তব জলকণিকা ব্রহ্মহত্যাদি পাপে

কস্ত্বাং স্তোতুং সমর্থঃ ত্রিজগদঘহরে দেবি গঙ্গে প্রসীদ

॥ 7 ॥

শ্লোক 9

মাতর্জাহ্নবী শম্ভুসঙ্গমিলিতে মৌলৌ নিধাযাঞ্জলিং

ত্বত্তীরে বপুষোঽবসানসমযে নারাযণাঙ্ঘ্রিদ্বযম্ ।

সানন্দং স্মরতো ভবিষ্যতি মম প্রাণপ্রযাণোত্সবে

ভূযাদ্ভক্তিরবিচ্যুতা হরিহরাদ্বৈতাত্মিকা শাশ্বতী

॥ 8 ॥

শ্লোক 10

গঙ্গাষ্টকমিদং পুণ্যং যঃ পঠেত্প্রযতো নরঃ ।

সর্বপাপবিনির্মুক্তো বিষ্ণুলোকং স গচ্ছতি

॥ 9 ॥

শ্লোক 11