ద్వాదశ జ్యోతిర్లిఙ్గ స్తోత్రమ్

ద్వాదశ జ్యోతిర్లిఙ్గ స్తోత్రమ్

శ్లోక 1

లఘు స్తోత్రమ్

సౌరాష్ట్రే సోమనాధఞ్చ శ్రీశైలే మల్లికార్జునమ్ ।

ఉజ్జయిన్యాం మహాకాలం ఓఙ్కారేత్వమామలేశ్వరమ్ ॥

పర్ల్యాం వైద్యనాధఞ్చ ఢాకిన్యాం భీమ శఙ్కరమ్ ।

సేతుబన్ధేతు రామేశం నాగేశం దారుకావనే ॥

వారణాశ్యాన్తు విశ్వేశం త్రయమ్బకం గౌతమీతటే ।

హిమాలయేతు కేదారం ఘృష్ణేశన్తు విశాలకే ॥

ఏతాని జ్యోతిర్లిఙ్గాని సాయం ప్రాతః పఠేన్నరః ।

సప్త జన్మ కృతం పాపం స్మరణేన వినశ్యతి ॥

సమ్పూర్ణ స్తోత్రమ్

సౌరాష్ట్రదేశే విశదేఽతిరమ్యే జ్యోతిర్మయం చన్ద్రకలావతంసమ్ ।

భక్తప్రదానాయ కృపావతీర్ణం తం సోమనాథం శరణం ప్రపద్యే

శ్లోక 2

శ్రీశైలశృఙ్గే వివిధప్రసఙ్గే శేషాద్రిశృఙ్గేఽపి సదా వసన్తమ్ ।

తమర్జునం మల్లికపూర్వమేనం నమామి సంసారసముద్రసేతుమ్

॥ 1 ॥

శ్లోక 3

అవన్తికాయాం విహితావతారం ముక్తిప్రదానాయ చ సజ్జనానామ్ ।

అకాలమృత్యోః పరిరక్షణార్థం వన్దే మహాకాలమహాసురేశమ్

॥ 2 ॥

శ్లోక 4

కావేరికానర్మదయోః పవిత్రే సమాగమే సజ్జనతారణాయ ।

సదైవ మాన్ధాతృపురే వసన్తం ఓఙ్కారమీశం శివమేకమీడే

॥ 3 ॥

శ్లోక 5

పూర్వోత్తరే ప్రజ్వలికానిధానే సదా వసం తం గిరిజాసమేతమ్ ।

సురాసురారాధితపాదపద్మం శ్రీవైద్యనాథం తమహం నమామి

॥ 4 ॥

శ్లోక 6

యం డాకినిశాకినికాసమాజే నిషేవ్యమాణం పిశితాశనైశ్చ ।

సదైవ భీమాదిపదప్రసిద్ధం తం శఙ్కరం భక్తహితం నమామి

॥ 5 ॥

శ్లోక 7

శ్రీతామ్రపర్ణీజలరాశియోగే నిబధ్య సేతుం విశిఖైరసఙ్ఖ్యైః ।

శ్రీరామచన్ద్రేణ సమర్పితం తం రామేశ్వరాఖ్యం నియతం నమామి

॥ 6 ॥

శ్లోక 8

యామ్యే సదఙ్గే నగరేఽతిరమ్యే విభూషితాఙ్గం వివిధైశ్చ భోగైః ।

సద్భక్తిముక్తిప్రదమీశమేకం శ్రీనాగనాథం శరణం ప్రపద్యే

॥ 7 ॥

శ్లోక 9

సానన్దమానన్దవనే వసన్తం ఆనన్దకన్దం హతపాపబృన్దమ్ ।

వారాణసీనాథమనాథనాథం శ్రీవిశ్వనాథం శరణం ప్రపద్యే

॥ 8 ॥

శ్లోక 10

సహ్యాద్రిశీర్షే విమలే వసన్తం గోదావరితీరపవిత్రదేశే ।

యద్దర్శనాత్ పాతకం పాశు నాశం ప్రయాతి తం త్ర్యమ్బకమీశమీడే

॥ 9 ॥

శ్లోక 11

మహాద్రిపార్శ్వే చ తటే రమన్తం సమ్పూజ్యమానం సతతం మునీన్ద్రైః ।

సురాసురైర్యక్ష మహోరగాఢ్యైః కేదారమీశం శివమేకమీడే

॥ 10 ॥

శ్లోక 12

ఇలాపురే రమ్యవిశాలకేఽస్మిన్ సముల్లసన్తం చ జగద్వరేణ్యమ్ ।

వన్దే మహోదారతరస్వభావం ఘృష్ణేశ్వరాఖ్యం శరణం ప్రపద్యే

॥ 11 ॥

శ్లోక 13

జ్యోతిర్మయద్వాదశలిఙ్గకానాం శివాత్మనాం ప్రోక్తమిదం క్రమేణ ।

స్తోత్రం పఠిత్వా మనుజోఽతిభక్త్యా ఫలం తదాలోక్య నిజం భజేచ్చ ॥