ദ്വാദശ ജ്യോതിര്ലിങ്ഗ സ്തോത്രമ്

ദ്വാദശ ജ്യോതിര്ലിങ്ഗ സ്തോത്രമ്

ശ്ലോക 1

ലഘു സ്തോത്രമ്

സൌരാഷ്ട്രേ സോമനാധഞ്ച ശ്രീശൈലേ മല്ലികാര്ജുനമ് ।

ഉജ്ജയിന്യാം മഹാകാലം ഓങ്കാരേത്വമാമലേശ്വരമ് ॥

പര്ല്യാം വൈദ്യനാധഞ്ച ഢാകിന്യാം ഭീമ ശങ്കരമ് ।

സേതുബന്ധേതു രാമേശം നാഗേശം ദാരുകാവനേ ॥

വാരണാശ്യാന്തു വിശ്വേശം ത്രയമ്ബകം ഗൌതമീതടേ ।

ഹിമാലയേതു കേദാരം ഘൃഷ്ണേശന്തു വിശാലകേ ॥

ഏതാനി ജ്യോതിര്ലിങ്ഗാനി സായം പ്രാതഃ പഠേന്നരഃ ।

സപ്ത ജന്മ കൃതം പാപം സ്മരണേന വിനശ്യതി ॥

സമ്പൂര്ണ സ്തോത്രമ്

സൌരാഷ്ട്രദേശേ വിശദേഽതിരമ്യേ ജ്യോതിര്മയം ചന്ദ്രകലാവതംസമ് ।

ഭക്തപ്രദാനായ കൃപാവതീര്ണം തം സോമനാഥം ശരണം പ്രപദ്യേ

ശ്ലോക 2

ശ്രീശൈലശൃങ്ഗേ വിവിധപ്രസങ്ഗേ ശേഷാദ്രിശൃങ്ഗേഽപി സദാ വസന്തമ് ।

തമര്ജുനം മല്ലികപൂര്വമേനം നമാമി സംസാരസമുദ്രസേതുമ്

॥ 1 ॥

ശ്ലോക 3

അവന്തികായാം വിഹിതാവതാരം മുക്തിപ്രദാനായ ച സജ്ജനാനാമ് ।

അകാലമൃത്യോഃ പരിരക്ഷണാര്ഥം വന്ദേ മഹാകാലമഹാസുരേശമ്

॥ 2 ॥

ശ്ലോക 4

കാവേരികാനര്മദയോഃ പവിത്രേ സമാഗമേ സജ്ജനതാരണായ ।

സദൈവ മാന്ധാതൃപുരേ വസന്തം ഓങ്കാരമീശം ശിവമേകമീഡേ

॥ 3 ॥

ശ്ലോക 5

പൂര്വോത്തരേ പ്രജ്വലികാനിധാനേ സദാ വസം തം ഗിരിജാസമേതമ് ।

സുരാസുരാരാധിതപാദപദ്മം ശ്രീവൈദ്യനാഥം തമഹം നമാമി

॥ 4 ॥

ശ്ലോക 6

യം ഡാകിനിശാകിനികാസമാജേ നിഷേവ്യമാണം പിശിതാശനൈശ്ച ।

സദൈവ ഭീമാദിപദപ്രസിദ്ധം തം ശങ്കരം ഭക്തഹിതം നമാമി

॥ 5 ॥

ശ്ലോക 7

ശ്രീതാമ്രപര്ണീജലരാശിയോഗേ നിബധ്യ സേതും വിശിഖൈരസങ്ഖ്യൈഃ ।

ശ്രീരാമചന്ദ്രേണ സമര്പിതം തം രാമേശ്വരാഖ്യം നിയതം നമാമി

॥ 6 ॥

ശ്ലോക 8

യാമ്യേ സദങ്ഗേ നഗരേഽതിരമ്യേ വിഭൂഷിതാങ്ഗം വിവിധൈശ്ച ഭോഗൈഃ ।

സദ്ഭക്തിമുക്തിപ്രദമീശമേകം ശ്രീനാഗനാഥം ശരണം പ്രപദ്യേ

॥ 7 ॥

ശ്ലോക 9

സാനന്ദമാനന്ദവനേ വസന്തം ആനന്ദകന്ദം ഹതപാപബൃന്ദമ് ।

വാരാണസീനാഥമനാഥനാഥം ശ്രീവിശ്വനാഥം ശരണം പ്രപദ്യേ

॥ 8 ॥

ശ്ലോക 10

സഹ്യാദ്രിശീര്ഷേ വിമലേ വസന്തം ഗോദാവരിതീരപവിത്രദേശേ ।

യദ്ദര്ശനാത് പാതകം പാശു നാശം പ്രയാതി തം ത്ര്യമ്ബകമീശമീഡേ

॥ 9 ॥

ശ്ലോക 11

മഹാദ്രിപാര്ശ്വേ ച തടേ രമന്തം സമ്പൂജ്യമാനം സതതം മുനീന്ദ്രൈഃ ।

സുരാസുരൈര്യക്ഷ മഹോരഗാഢ്യൈഃ കേദാരമീശം ശിവമേകമീഡേ

॥ 10 ॥

ശ്ലോക 12

ഇലാപുരേ രമ്യവിശാലകേഽസ്മിന് സമുല്ലസന്തം ച ജഗദ്വരേണ്യമ് ।

വന്ദേ മഹോദാരതരസ്വഭാവം ഘൃഷ്ണേശ്വരാഖ്യം ശരണം പ്രപദ്യേ

॥ 11 ॥

ശ്ലോക 13

ജ്യോതിര്മയദ്വാദശലിങ്ഗകാനാം ശിവാത്മനാം പ്രോക്തമിദം ക്രമേണ ।

സ്തോത്രം പഠിത്വാ മനുജോഽതിഭക്ത്യാ ഫലം തദാലോക്യ നിജം ഭജേച്ച ॥