ದ್ವಾದಶ ಜ್ಯೋತಿರ್ಲಿಙ್ಗ ಸ್ತೋತ್ರಮ್

ದ್ವಾದಶ ಜ್ಯೋತಿರ್ಲಿಙ್ಗ ಸ್ತೋತ್ರಮ್

ಶ್ಲೋಕ 1

ಲಘು ಸ್ತೋತ್ರಮ್

ಸೌರಾಷ್ಟ್ರೇ ಸೋಮನಾಧಞ್ಚ ಶ್ರೀಶೈಲೇ ಮಲ್ಲಿಕಾರ್ಜುನಮ್ ।

ಉಜ್ಜಯಿನ್ಯಾಂ ಮಹಾಕಾಲಂ ಓಙ್ಕಾರೇತ್ವಮಾಮಲೇಶ್ವರಮ್ ॥

ಪರ್ಲ್ಯಾಂ ವೈದ್ಯನಾಧಞ್ಚ ಢಾಕಿನ್ಯಾಂ ಭೀಮ ಶಙ್ಕರಮ್ ।

ಸೇತುಬನ್ಧೇತು ರಾಮೇಶಂ ನಾಗೇಶಂ ದಾರುಕಾವನೇ ॥

ವಾರಣಾಶ್ಯಾನ್ತು ವಿಶ್ವೇಶಂ ತ್ರಯಮ್ಬಕಂ ಗೌತಮೀತಟೇ ।

ಹಿಮಾಲಯೇತು ಕೇದಾರಂ ಘೃಷ್ಣೇಶನ್ತು ವಿಶಾಲಕೇ ॥

ಏತಾನಿ ಜ್ಯೋತಿರ್ಲಿಙ್ಗಾನಿ ಸಾಯಂ ಪ್ರಾತಃ ಪಠೇನ್ನರಃ ।

ಸಪ್ತ ಜನ್ಮ ಕೃತಂ ಪಾಪಂ ಸ್ಮರಣೇನ ವಿನಶ್ಯತಿ ॥

ಸಮ್ಪೂರ್ಣ ಸ್ತೋತ್ರಮ್

ಸೌರಾಷ್ಟ್ರದೇಶೇ ವಿಶದೇಽತಿರಮ್ಯೇ ಜ್ಯೋತಿರ್ಮಯಂ ಚನ್ದ್ರಕಲಾವತಂಸಮ್ ।

ಭಕ್ತಪ್ರದಾನಾಯ ಕೃಪಾವತೀರ್ಣಂ ತಂ ಸೋಮನಾಥಂ ಶರಣಂ ಪ್ರಪದ್ಯೇ

ಶ್ಲೋಕ 2

ಶ್ರೀಶೈಲಶೃಙ್ಗೇ ವಿವಿಧಪ್ರಸಙ್ಗೇ ಶೇಷಾದ್ರಿಶೃಙ್ಗೇಽಪಿ ಸದಾ ವಸನ್ತಮ್ ।

ತಮರ್ಜುನಂ ಮಲ್ಲಿಕಪೂರ್ವಮೇನಂ ನಮಾಮಿ ಸಂಸಾರಸಮುದ್ರಸೇತುಮ್

॥ 1 ॥

ಶ್ಲೋಕ 3

ಅವನ್ತಿಕಾಯಾಂ ವಿಹಿತಾವತಾರಂ ಮುಕ್ತಿಪ್ರದಾನಾಯ ಚ ಸಜ್ಜನಾನಾಮ್ ।

ಅಕಾಲಮೃತ್ಯೋಃ ಪರಿರಕ್ಷಣಾರ್ಥಂ ವನ್ದೇ ಮಹಾಕಾಲಮಹಾಸುರೇಶಮ್

॥ 2 ॥

ಶ್ಲೋಕ 4

ಕಾವೇರಿಕಾನರ್ಮದಯೋಃ ಪವಿತ್ರೇ ಸಮಾಗಮೇ ಸಜ್ಜನತಾರಣಾಯ ।

ಸದೈವ ಮಾನ್ಧಾತೃಪುರೇ ವಸನ್ತಂ ಓಙ್ಕಾರಮೀಶಂ ಶಿವಮೇಕಮೀಡೇ

॥ 3 ॥

ಶ್ಲೋಕ 5

ಪೂರ್ವೋತ್ತರೇ ಪ್ರಜ್ವಲಿಕಾನಿಧಾನೇ ಸದಾ ವಸಂ ತಂ ಗಿರಿಜಾಸಮೇತಮ್ ।

ಸುರಾಸುರಾರಾಧಿತಪಾದಪದ್ಮಂ ಶ್ರೀವೈದ್ಯನಾಥಂ ತಮಹಂ ನಮಾಮಿ

॥ 4 ॥

ಶ್ಲೋಕ 6

ಯಂ ಡಾಕಿನಿಶಾಕಿನಿಕಾಸಮಾಜೇ ನಿಷೇವ್ಯಮಾಣಂ ಪಿಶಿತಾಶನೈಶ್ಚ ।

ಸದೈವ ಭೀಮಾದಿಪದಪ್ರಸಿದ್ಧಂ ತಂ ಶಙ್ಕರಂ ಭಕ್ತಹಿತಂ ನಮಾಮಿ

॥ 5 ॥

ಶ್ಲೋಕ 7

ಶ್ರೀತಾಮ್ರಪರ್ಣೀಜಲರಾಶಿಯೋಗೇ ನಿಬಧ್ಯ ಸೇತುಂ ವಿಶಿಖೈರಸಙ್ಖ್ಯೈಃ ।

ಶ್ರೀರಾಮಚನ್ದ್ರೇಣ ಸಮರ್ಪಿತಂ ತಂ ರಾಮೇಶ್ವರಾಖ್ಯಂ ನಿಯತಂ ನಮಾಮಿ

॥ 6 ॥

ಶ್ಲೋಕ 8

ಯಾಮ್ಯೇ ಸದಙ್ಗೇ ನಗರೇಽತಿರಮ್ಯೇ ವಿಭೂಷಿತಾಙ್ಗಂ ವಿವಿಧೈಶ್ಚ ಭೋಗೈಃ ।

ಸದ್ಭಕ್ತಿಮುಕ್ತಿಪ್ರದಮೀಶಮೇಕಂ ಶ್ರೀನಾಗನಾಥಂ ಶರಣಂ ಪ್ರಪದ್ಯೇ

॥ 7 ॥

ಶ್ಲೋಕ 9

ಸಾನನ್ದಮಾನನ್ದವನೇ ವಸನ್ತಂ ಆನನ್ದಕನ್ದಂ ಹತಪಾಪಬೃನ್ದಮ್ ।

ವಾರಾಣಸೀನಾಥಮನಾಥನಾಥಂ ಶ್ರೀವಿಶ್ವನಾಥಂ ಶರಣಂ ಪ್ರಪದ್ಯೇ

॥ 8 ॥

ಶ್ಲೋಕ 10

ಸಹ್ಯಾದ್ರಿಶೀರ್ಷೇ ವಿಮಲೇ ವಸನ್ತಂ ಗೋದಾವರಿತೀರಪವಿತ್ರದೇಶೇ ।

ಯದ್ದರ್ಶನಾತ್ ಪಾತಕಂ ಪಾಶು ನಾಶಂ ಪ್ರಯಾತಿ ತಂ ತ್ರ್ಯಮ್ಬಕಮೀಶಮೀಡೇ

॥ 9 ॥

ಶ್ಲೋಕ 11

ಮಹಾದ್ರಿಪಾರ್ಶ್ವೇ ಚ ತಟೇ ರಮನ್ತಂ ಸಮ್ಪೂಜ್ಯಮಾನಂ ಸತತಂ ಮುನೀನ್ದ್ರೈಃ ।

ಸುರಾಸುರೈರ್ಯಕ್ಷ ಮಹೋರಗಾಢ್ಯೈಃ ಕೇದಾರಮೀಶಂ ಶಿವಮೇಕಮೀಡೇ

॥ 10 ॥

ಶ್ಲೋಕ 12

ಇಲಾಪುರೇ ರಮ್ಯವಿಶಾಲಕೇಽಸ್ಮಿನ್ ಸಮುಲ್ಲಸನ್ತಂ ಚ ಜಗದ್ವರೇಣ್ಯಮ್ ।

ವನ್ದೇ ಮಹೋದಾರತರಸ್ವಭಾವಂ ಘೃಷ್ಣೇಶ್ವರಾಖ್ಯಂ ಶರಣಂ ಪ್ರಪದ್ಯೇ

॥ 11 ॥

ಶ್ಲೋಕ 13

ಜ್ಯೋತಿರ್ಮಯದ್ವಾದಶಲಿಙ್ಗಕಾನಾಂ ಶಿವಾತ್ಮನಾಂ ಪ್ರೋಕ್ತಮಿದಂ ಕ್ರಮೇಣ ।

ಸ್ತೋತ್ರಂ ಪಠಿತ್ವಾ ಮನುಜೋಽತಿಭಕ್ತ್ಯಾ ಫಲಂ ತದಾಲೋಕ್ಯ ನಿಜಂ ಭಜೇಚ್ಚ ॥