ద్వాదశ ఆర్య స్తుతి

ద్వాదశ ఆర్య స్తుతి

శ్లోక 1

ఉద్యన్నద్యవివస్వానారోహన్నుత్తరాం దివం దేవః ।

హృద్రోగం మమ సూర్యో హరిమాణం చాఽఽశు నాశయతు

శ్లోక 2

నిమిషార్ధేనైకేన ద్వే చ శతే ద్వే సహస్రే ద్వే ।

క్రమమాణ యోజనానాం నమోఽస్తు తే నలిననాథాయ

॥ 1 ॥

శ్లోక 3

కర్మజ్ఞానఖదశకం మనశ్చ జీవ ఇతి విశ్వసర్గాయ ।

ద్వాదశధా యో విచరతి స ద్వాదశమూర్తిరస్తు మోదాయ

॥ 2 ॥

శ్లోక 4

త్వం హి యజూఋక్సామః త్వమాగమస్త్వం వషట్కారః ।

త్వం విశ్వం త్వం హంసః త్వం భానో పరమహంసశ్చ

॥ 3 ॥

శ్లోక 5

శివరూపాత్ జ్ఞానమహం త్వత్తో ముక్తిం జనార్దనాకారాత్ ।

శిఖిరూపాదైశ్వర్యం త్వత్తశ్చారోగ్యమిచ్ఛామి

॥ 4 ॥

శ్లోక 6

త్వచి దోషా దృశి దోషాః హృది దోషా యేఽఖిలేన్ద్రియజదోషాః ।

తాన్ పూషా హతదోషః కిఞ్చిద్రోషాగ్నినా దహతు

॥ 5 ॥

శ్లోక 7

ధర్మార్థకామమోక్షప్రతిరోధానుగ్రతాపవేగకరాన్ ।

బన్దీకృతేన్ద్రియగణాన్ గదాన్ విఖణ్డయతు చణ్డాంశుః

॥ 6 ॥

శ్లోక 8

యేన వినేదం తిమిరం జగదేత్య గ్రసతి చరమచరమఖిలమ్ ।

ధృతబోధం తం నలినీభర్తారం హర్తారమాపదామీడే

॥ 7 ॥

శ్లోక 9

యస్య సహస్రాభీశోరభీశు లేశో హిమాంశుబిమ్బగతః ।

భాసయతి నక్తమఖిలం భేదయతు విపద్గణానరుణః

॥ 8 ॥

శ్లోక 10

తిమిరమివ నేత్రతిమిరం పటలమివాఽశేషరోగపటలం నః ।

కాశమివాధినికాయం కాలపితా రోగయుక్తతాం హరతాత్

॥ 9 ॥

శ్లోక 11

వాతాశ్మరీగదార్శస్త్వగ్దోషమహోదరప్రమేహాంశ్చ ।

గ్రహణీభగన్ధరాఖ్యా మహతీస్త్వం మే రుజో హంసి

॥ 10 ॥

శ్లోక 12

త్వం మాతా త్వం శరణం త్వం ధాతా త్వం ధనం త్వమాచార్యః ।

త్వం త్రాతా త్వం హర్తా విపదామర్క ప్రసీద మమ భానో

॥ 11 ॥

శ్లోక 13

ఇత్యార్యాద్వాదశకం సామ్బస్య పురో నభఃస్థలాత్పతితమ్ ।

పఠతాం భాగ్యసమృద్ధిః సమస్తరోగక్షయశ్చ స్యాత్

॥ 12 ॥

శ్లోక 14

ఇతి శ్రీసామ్బకృతద్వాదశార్యాసూర్యస్తుతిః ।