ദ്വാദശ ആര്യ സ്തുതി

ദ്വാദശ ആര്യ സ്തുതി

ശ്ലോക 1

ഉദ്യന്നദ്യവിവസ്വാനാരോഹന്നുത്തരാം ദിവം ദേവഃ ।

ഹൃദ്രോഗം മമ സൂര്യോ ഹരിമാണം ചാഽഽശു നാശയതു

ശ്ലോക 2

നിമിഷാര്ധേനൈകേന ദ്വേ ച ശതേ ദ്വേ സഹസ്രേ ദ്വേ ।

ക്രമമാണ യോജനാനാം നമോഽസ്തു തേ നലിനനാഥായ

॥ 1 ॥

ശ്ലോക 3

കര്മജ്ഞാനഖദശകം മനശ്ച ജീവ ഇതി വിശ്വസര്ഗായ ।

ദ്വാദശധാ യോ വിചരതി സ ദ്വാദശമൂര്തിരസ്തു മോദായ

॥ 2 ॥

ശ്ലോക 4

ത്വം ഹി യജൂഋക്സാമഃ ത്വമാഗമസ്ത്വം വഷട്കാരഃ ।

ത്വം വിശ്വം ത്വം ഹംസഃ ത്വം ഭാനോ പരമഹംസശ്ച

॥ 3 ॥

ശ്ലോക 5

ശിവരൂപാത് ജ്ഞാനമഹം ത്വത്തോ മുക്തിം ജനാര്ദനാകാരാത് ।

ശിഖിരൂപാദൈശ്വര്യം ത്വത്തശ്ചാരോഗ്യമിച്ഛാമി

॥ 4 ॥

ശ്ലോക 6

ത്വചി ദോഷാ ദൃശി ദോഷാഃ ഹൃദി ദോഷാ യേഽഖിലേന്ദ്രിയജദോഷാഃ ।

താന് പൂഷാ ഹതദോഷഃ കിഞ്ചിദ്രോഷാഗ്നിനാ ദഹതു

॥ 5 ॥

ശ്ലോക 7

ധര്മാര്ഥകാമമോക്ഷപ്രതിരോധാനുഗ്രതാപവേഗകരാന് ।

ബന്ദീകൃതേന്ദ്രിയഗണാന് ഗദാന് വിഖണ്ഡയതു ചണ്ഡാംശുഃ

॥ 6 ॥

ശ്ലോക 8

യേന വിനേദം തിമിരം ജഗദേത്യ ഗ്രസതി ചരമചരമഖിലമ് ।

ധൃതബോധം തം നലിനീഭര്താരം ഹര്താരമാപദാമീഡേ

॥ 7 ॥

ശ്ലോക 9

യസ്യ സഹസ്രാഭീശോരഭീശു ലേശോ ഹിമാംശുബിമ്ബഗതഃ ।

ഭാസയതി നക്തമഖിലം ഭേദയതു വിപദ്ഗണാനരുണഃ

॥ 8 ॥

ശ്ലോക 10

തിമിരമിവ നേത്രതിമിരം പടലമിവാഽശേഷരോഗപടലം നഃ ।

കാശമിവാധിനികായം കാലപിതാ രോഗയുക്തതാം ഹരതാത്

॥ 9 ॥

ശ്ലോക 11

വാതാശ്മരീഗദാര്ശസ്ത്വഗ്ദോഷമഹോദരപ്രമേഹാംശ്ച ।

ഗ്രഹണീഭഗന്ധരാഖ്യാ മഹതീസ്ത്വം മേ രുജോ ഹംസി

॥ 10 ॥

ശ്ലോക 12

ത്വം മാതാ ത്വം ശരണം ത്വം ധാതാ ത്വം ധനം ത്വമാചാര്യഃ ।

ത്വം ത്രാതാ ത്വം ഹര്താ വിപദാമര്ക പ്രസീദ മമ ഭാനോ

॥ 11 ॥

ശ്ലോക 13

ഇത്യാര്യാദ്വാദശകം സാമ്ബസ്യ പുരോ നഭഃസ്ഥലാത്പതിതമ് ।

പഠതാം ഭാഗ്യസമൃദ്ധിഃ സമസ്തരോഗക്ഷയശ്ച സ്യാത്

॥ 12 ॥

ശ്ലോക 14

ഇതി ശ്രീസാമ്ബകൃതദ്വാദശാര്യാസൂര്യസ്തുതിഃ ।