દુર્ગા કવચમ્ (બ્રહ્માણ્ડ પુરાણમ્)

દુર્ગા કવચમ્ (બ્રહ્માણ્ડ પુરાણમ્)

શ્લોક 1

નારાયણ ઉવાચ ।

ૐ દુર્ગેતિ ચતુર્થ્યન્તઃ સ્વાહાન્તો મે શિરોઽવતુ ।

મન્ત્રઃ ષડક્ષરોઽયં ચ ભક્તાનાં કલ્પપાદપઃ

શ્લોક 2

વિચારો નાસ્તિ વેદેષુ ગ્રહણેઽસ્ય મનોર્મુને ।

મન્ત્રગ્રહણમાત્રેણ વિષ્ણુતુલ્યો ભવેન્નરઃ

॥ 1 ॥

શ્લોક 3

મમ વક્ત્રં સદા પાતુ ૐ દુર્ગાયૈ નમોઽન્તતઃ ।

ૐ દુર્ગે રક્ષયતિ ચ કણ્ઠં પાતુ સદા મમ

॥ 2 ॥

શ્લોક 4

ૐ હ્રીં શ્રીમિતિ મન્ત્રોઽયં સ્કન્ધં પાતુ નિરન્તરમ્ ।

હ્રીં શ્રીં ક્લીમિતિ પૃષ્ઠં ચ પાતુ મે સર્વતઃ સદા

॥ 3 ॥

શ્લોક 5

હ્રીં મે વક્ષઃસ્થલં પાતુ હસ્તં શ્રીમિતિ સન્તતમ્ ।

શ્રીં હ્રીં ક્લીં પાતુ સર્વાઙ્ગં સ્વપ્ને જાગરણે તથા

॥ 4 ॥

શ્લોક 6

પ્રાચ્યાં માં પ્રકૃતિઃ પાતુઃ પાતુ વહ્નૌ ચ ચણ્ડિકા ।

દક્ષિણે ભદ્રકાલી ચ નૈરૃત્યાં ચ મહેશ્વરી

॥ 5 ॥

શ્લોક 7

વારુણ્યાં પાતુ વારાહી વાયવ્યાં સર્વમઙ્ગલા ।

ઉત્તરે વૈષ્ણવી પાતુ તથૈશાન્યાં શિવપ્રિયા

॥ 6 ॥

શ્લોક 8

જલે સ્થલે ચાન્તરિક્ષે પાતુ માં જગદમ્બિકા ।

ઇતિ તે કથિતં વત્સ કવચં ચ સુદુર્લભમ્

॥ 7 ॥

શ્લોક 9

યસ્મૈ કસ્મૈ ન દાતવ્યં પ્રવક્તવ્યં ન કસ્યચિત્ ।

ગુરુમભ્યર્ચ્ય વિધિવદ્વસ્ત્રાલઙ્કારચન્દનૈઃ ।

કવચં ધારયેદ્યસ્તુ સોઽપિ વિષ્ણુર્ન સંશયઃ

॥ 8 ॥

શ્લોક 10

ઇતિ શ્રીબ્રહ્મવૈવર્તે મહાપુરાણે પ્રકૃતિખણ્ડે નારદનારાયણસંવાદે દુર્ગોપાખ્યાને સપ્તષષ્ટિતમોઽધ્યાયે બ્રહ્માણ્ડમોહનં નામ શ્રી દુર્ગા કવચમ્ ।