ശ്രീ ദുര്ഗാ ആപദുദ്ധാരക സ്തോത്രമ്

ശ്രീ ദുര്ഗാ ആപദുദ്ധാരക സ്തോത്രമ്

ശ്ലോക 1

നമസ്തേ ശരണ്യേ ശിവേ സാനുകമ്പേ

നമസ്തേ ജഗദ്വ്യാപികേ വിശ്വരൂപേ ।

നമസ്തേ ജഗദ്വന്ദ്യപാദാരവിന്ദേ

നമസ്തേ ജഗത്താരിണി ത്രാഹി ദുര്ഗേ

ശ്ലോക 2

നമസ്തേ ജഗച്ചിന്ത്യമാനസ്വരൂപേ

നമസ്തേ മഹായോഗിവിജ്ഞാനരൂപേ ।

നമസ്തേ നമസ്തേ സദാനന്ദരൂപേ

നമസ്തേ ജഗത്താരിണി ത്രാഹി ദുര്ഗേ

॥ 1 ॥

ശ്ലോക 3

അനാഥസ്യ ദീനസ്യ തൃഷ്ണാതുരസ്യ

ഭയാര്തസ്യ ഭീതസ്യ ബദ്ധസ്യ ജന്തോഃ ।

ത്വമേകാ ഗതിര്ദേവി നിസ്താരകര്ത്രീ

നമസ്തേ ജഗത്താരിണി ത്രാഹി ദുര്ഗേ

॥ 2 ॥

ശ്ലോക 4

അരണ്യേ രണേ ദാരുണേ ശത്രുമധ്യേ-

ഽനലേ സാഗരേ പ്രാന്തരേ രാജഗേഹേ ।

ത്വമേകാ ഗതിര്ദേവി നിസ്താരനൌകാ

നമസ്തേ ജഗത്താരിണി ത്രാഹി ദുര്ഗേ

॥ 3 ॥

ശ്ലോക 5

അപാരേ മഹാദുസ്തരേഽത്യന്തഘോരേ

വിപത്സാഗരേ മജ്ജതാം ദേഹഭാജാമ് ।

ത്വമേകാ ഗതിര്ദേവി നിസ്താരഹേതു-

ര്നമസ്തേ ജഗത്താരിണി ത്രാഹി ദുര്ഗേ

॥ 4 ॥

ശ്ലോക 6

നമശ്ചണ്ഡികേ ചണ്ഡദുര്ദണ്ഡലീലാ-

സമുത്ഖണ്ഡിതാ ഖണ്ഡിതാഽശേഷശത്രോഃ ।

ത്വമേകാ ഗതിര്ദേവി നിസ്താരബീജം

നമസ്തേ ജഗത്താരിണി ത്രാഹി ദുര്ഗേ

॥ 5 ॥

ശ്ലോക 7

ത്വമേകാ സദാരാധിതാ സത്യവാദി-

ന്യനേകാഖിലാ ക്രോധനാ ക്രോധനിഷ്ഠാ ।

ഇഡാ പിങ്ഗലാ ത്വം സുഷുമ്നാ ച നാഡീ

നമസ്തേ ജഗത്താരിണി ത്രാഹി ദുര്ഗേ

॥ 6 ॥

ശ്ലോക 8

നമോ ദേവി ദുര്ഗേ ശിവേ ഭീമനാദേ

സദാസര്വസിദ്ധിപ്രദാതൃസ്വരൂപേ ।

വിഭൂതിഃ ശചീ കാലരാത്രിഃ സതീ ത്വം

നമസ്തേ ജഗത്താരിണി ത്രാഹി ദുര്ഗേ

॥ 7 ॥

ശ്ലോക 9

ശരണമസി സുരാണാം സിദ്ധവിദ്യാധരാണാം

മുനിമനുജപശൂനാം ദസ്യുഭിസ്ത്രാസിതാനാം

നൃപതിഗൃഹഗതാനാം വ്യാധിഭിഃ പീഡിതാനാമ് ।

ത്വമസി ശരണമേകാ ദേവി ദുര്ഗേ പ്രസീദ

॥ 8 ॥

ശ്ലോക 10

ഇദം സ്തോത്രം മയാ പ്രോക്തമാപദുദ്ധാരഹേതുകമ് ।

ത്രിസന്ധ്യമേകസന്ധ്യം വാ പഠനാദ്ഘോരസങ്കടാത്

॥ 9 ॥

ശ്ലോക 11

മുച്യതേ നാത്ര സന്ദേഹോ ഭുവി സ്വര്ഗേ രസാതലേ ।

സര്വം വാ ശ്ലോകമേകം വാ യഃ പഠേദ്ഭക്തിമാന്സദാ

॥ 10 ॥

ശ്ലോക 12

സ സര്വം ദുഷ്കൃതം ത്യക്ത്വാ പ്രാപ്നോതി പരമം പദമ് ।

പഠനാദസ്യ ദേവേശി കിം ന സിദ്ധ്യതി ഭൂതലേ ।

സ്തവരാജമിദം ദേവി സങ്ക്ഷേപാത്കഥിതം മയാ ॥ 12

ഇതി ശ്രീ സിദ്ധേശ്വരീതന്ത്രേ പരമശിവോക്ത ശ്രീ ദുര്ഗാ ആപദുദ്ധാര സ്തോത്രമ് ।