ಶ್ರೀ ದುರ್ಗಾ ಆಪದುದ್ಧಾರಕ ಸ್ತೋತ್ರಮ್

ಶ್ರೀ ದುರ್ಗಾ ಆಪದುದ್ಧಾರಕ ಸ್ತೋತ್ರಮ್

ಶ್ಲೋಕ 1

ನಮಸ್ತೇ ಶರಣ್ಯೇ ಶಿವೇ ಸಾನುಕಮ್ಪೇ

ನಮಸ್ತೇ ಜಗದ್ವ್ಯಾಪಿಕೇ ವಿಶ್ವರೂಪೇ ।

ನಮಸ್ತೇ ಜಗದ್ವನ್ದ್ಯಪಾದಾರವಿನ್ದೇ

ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ

ಶ್ಲೋಕ 2

ನಮಸ್ತೇ ಜಗಚ್ಚಿನ್ತ್ಯಮಾನಸ್ವರೂಪೇ

ನಮಸ್ತೇ ಮಹಾಯೋಗಿವಿಜ್ಞಾನರೂಪೇ ।

ನಮಸ್ತೇ ನಮಸ್ತೇ ಸದಾನನ್ದರೂಪೇ

ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ

॥ 1 ॥

ಶ್ಲೋಕ 3

ಅನಾಥಸ್ಯ ದೀನಸ್ಯ ತೃಷ್ಣಾತುರಸ್ಯ

ಭಯಾರ್ತಸ್ಯ ಭೀತಸ್ಯ ಬದ್ಧಸ್ಯ ಜನ್ತೋಃ ।

ತ್ವಮೇಕಾ ಗತಿರ್ದೇವಿ ನಿಸ್ತಾರಕರ್ತ್ರೀ

ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ

॥ 2 ॥

ಶ್ಲೋಕ 4

ಅರಣ್ಯೇ ರಣೇ ದಾರುಣೇ ಶತ್ರುಮಧ್ಯೇ-

ಽನಲೇ ಸಾಗರೇ ಪ್ರಾನ್ತರೇ ರಾಜಗೇಹೇ ।

ತ್ವಮೇಕಾ ಗತಿರ್ದೇವಿ ನಿಸ್ತಾರನೌಕಾ

ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ

॥ 3 ॥

ಶ್ಲೋಕ 5

ಅಪಾರೇ ಮಹಾದುಸ್ತರೇಽತ್ಯನ್ತಘೋರೇ

ವಿಪತ್ಸಾಗರೇ ಮಜ್ಜತಾಂ ದೇಹಭಾಜಾಮ್ ।

ತ್ವಮೇಕಾ ಗತಿರ್ದೇವಿ ನಿಸ್ತಾರಹೇತು-

ರ್ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ

॥ 4 ॥

ಶ್ಲೋಕ 6

ನಮಶ್ಚಣ್ಡಿಕೇ ಚಣ್ಡದುರ್ದಣ್ಡಲೀಲಾ-

ಸಮುತ್ಖಣ್ಡಿತಾ ಖಣ್ಡಿತಾಽಶೇಷಶತ್ರೋಃ ।

ತ್ವಮೇಕಾ ಗತಿರ್ದೇವಿ ನಿಸ್ತಾರಬೀಜಂ

ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ

॥ 5 ॥

ಶ್ಲೋಕ 7

ತ್ವಮೇಕಾ ಸದಾರಾಧಿತಾ ಸತ್ಯವಾದಿ-

ನ್ಯನೇಕಾಖಿಲಾ ಕ್ರೋಧನಾ ಕ್ರೋಧನಿಷ್ಠಾ ।

ಇಡಾ ಪಿಙ್ಗಲಾ ತ್ವಂ ಸುಷುಮ್ನಾ ಚ ನಾಡೀ

ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ

॥ 6 ॥

ಶ್ಲೋಕ 8

ನಮೋ ದೇವಿ ದುರ್ಗೇ ಶಿವೇ ಭೀಮನಾದೇ

ಸದಾಸರ್ವಸಿದ್ಧಿಪ್ರದಾತೃಸ್ವರೂಪೇ ।

ವಿಭೂತಿಃ ಶಚೀ ಕಾಲರಾತ್ರಿಃ ಸತೀ ತ್ವಂ

ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ

॥ 7 ॥

ಶ್ಲೋಕ 9

ಶರಣಮಸಿ ಸುರಾಣಾಂ ಸಿದ್ಧವಿದ್ಯಾಧರಾಣಾಂ

ಮುನಿಮನುಜಪಶೂನಾಂ ದಸ್ಯುಭಿಸ್ತ್ರಾಸಿತಾನಾಂ

ನೃಪತಿಗೃಹಗತಾನಾಂ ವ್ಯಾಧಿಭಿಃ ಪೀಡಿತಾನಾಮ್ ।

ತ್ವಮಸಿ ಶರಣಮೇಕಾ ದೇವಿ ದುರ್ಗೇ ಪ್ರಸೀದ

॥ 8 ॥

ಶ್ಲೋಕ 10

ಇದಂ ಸ್ತೋತ್ರಂ ಮಯಾ ಪ್ರೋಕ್ತಮಾಪದುದ್ಧಾರಹೇತುಕಮ್ ।

ತ್ರಿಸನ್ಧ್ಯಮೇಕಸನ್ಧ್ಯಂ ವಾ ಪಠನಾದ್ಘೋರಸಙ್ಕಟಾತ್

॥ 9 ॥

ಶ್ಲೋಕ 11

ಮುಚ್ಯತೇ ನಾತ್ರ ಸನ್ದೇಹೋ ಭುವಿ ಸ್ವರ್ಗೇ ರಸಾತಲೇ ।

ಸರ್ವಂ ವಾ ಶ್ಲೋಕಮೇಕಂ ವಾ ಯಃ ಪಠೇದ್ಭಕ್ತಿಮಾನ್ಸದಾ

॥ 10 ॥

ಶ್ಲೋಕ 12

ಸ ಸರ್ವಂ ದುಷ್ಕೃತಂ ತ್ಯಕ್ತ್ವಾ ಪ್ರಾಪ್ನೋತಿ ಪರಮಂ ಪದಮ್ ।

ಪಠನಾದಸ್ಯ ದೇವೇಶಿ ಕಿಂ ನ ಸಿದ್ಧ್ಯತಿ ಭೂತಲೇ ।

ಸ್ತವರಾಜಮಿದಂ ದೇವಿ ಸಙ್ಕ್ಷೇಪಾತ್ಕಥಿತಂ ಮಯಾ ॥ 12

ಇತಿ ಶ್ರೀ ಸಿದ್ಧೇಶ್ವರೀತನ್ತ್ರೇ ಪರಮಶಿವೋಕ್ತ ಶ್ರೀ ದುರ್ಗಾ ಆಪದುದ್ಧಾರ ಸ್ತೋತ್ರಮ್ ।