ದೇವೀ ಮಾಹಾತ್ಮ್ಯಂ ದುರ್ಗಾ ಸಪ್ತಶತಿ ಪಞ್ಚಮೋಽಧ್ಯಾಯಃ

ದೇವೀ ಮಾಹಾತ್ಮ್ಯಂ ದುರ್ಗಾ ಸಪ್ತಶತಿ ಪಞ್ಚಮೋಽಧ್ಯಾಯಃ

ಶ್ಲೋಕ 1

ದೇವ್ಯಾ ದೂತ ಸಂವಾದೋ ನಾಮ ಪಞ್ಚಮೋ ಧ್ಯಾಯಃ ॥

ಅಸ್ಯ ಶ್ರೀ ಉತ್ತರಚರಿತ್ರಸ್ಯ ರುದ್ರ ಋಷಿಃ । ಶ್ರೀ ಮಹಾಸರಸ್ವತೀ ದೇವತಾ । ಅನುಷ್ಟುಪ್ಛನ್ಧಃ ।ಭೀಮಾ ಶಕ್ತಿಃ । ಭ್ರಾಮರೀ ಬೀಜಮ್ । ಸೂರ್ಯಸ್ತತ್ವಮ್ । ಸಾಮವೇದಃ । ಸ್ವರೂಪಮ್ । ಶ್ರೀ ಮಹಾಸರಸ್ವತಿಪ್ರೀತ್ಯರ್ಥೇ । ಉತ್ತರಚರಿತ್ರಪಾಠೇ ವಿನಿಯೋಗಃ ॥

ಧ್ಯಾನಂ

ಘಣ್ಟಾಶೂಲಹಲಾನಿ ಶಙ್ಖ ಮುಸಲೇ ಚಕ್ರಂ ಧನುಃ ಸಾಯಕಂ

ಹಸ್ತಾಬ್ಜೈರ್ಧದತೀಂ ಘನಾನ್ತವಿಲಸಚ್ಛೀತಾಂಶುತುಲ್ಯಪ್ರಭಾಂ

ಗೌರೀ ದೇಹ ಸಮುದ್ಭವಾಂ ತ್ರಿಜಗತಾಂ ಆಧಾರಭೂತಾಂ ಮಹಾ

ಪೂರ್ವಾಮತ್ರ ಸರಸ್ವತೀ ಮನುಭಜೇ ಶುಮ್ಭಾದಿದೈತ್ಯಾರ್ದಿನೀಂ॥

॥ಋಷಿರುವಾಚ॥

ಶ್ಲೋಕ 2

ಪುರಾ ಶುಮ್ಭನಿಶುಮ್ಭಾಭ್ಯಾಮಸುರಾಭ್ಯಾಂ ಶಚೀಪತೇಃ

ತ್ರೈಲೋಕ್ಯಂ ಯಜ್ಞ್ಯ ಭಾಗಾಶ್ಚ ಹೃತಾ ಮದಬಲಾಶ್ರಯಾತ್

॥ 1 ॥

ಶ್ಲೋಕ 3

ತಾವೇವ ಸೂರ್ಯತಾಂ ತದ್ವದಧಿಕಾರಂ ತಥೈನ್ದವಂ

ಕೌಬೇರಮಥ ಯಾಮ್ಯಂ ಚಕ್ರಾನ್ತೇ ವರುಣಸ್ಯ ಚ

ತಾವೇವ ಪವನರ್ದ್ಧಿಽಂ ಚ ಚಕ್ರತುರ್ವಹ್ನಿ ಕರ್ಮಚ

ತತೋ ದೇವಾ ವಿನಿರ್ಧೂತಾ ಭ್ರಷ್ಟರಾಜ್ಯಾಃ ಪರಾಜಿತಾಃ

॥2॥

ಶ್ಲೋಕ 4

ಹೃತಾಧಿಕಾರಾಸ್ತ್ರಿದಶಾಸ್ತಾಭ್ಯಾಂ ಸರ್ವೇ ನಿರಾಕೃತಾ।

ಮಹಾಸುರಾಭ್ಯಾಂ ತಾಂ ದೇವೀಂ ಸಂಸ್ಮರನ್ತ್ಯಪರಾಜಿತಾಂ

॥3॥

ಶ್ಲೋಕ 5

ತಯಾಸ್ಮಾಕಂ ವರೋ ದತ್ತೋ ಯಧಾಪತ್ಸು ಸ್ಮೃತಾಖಿಲಾಃ।

ಭವತಾಂ ನಾಶಯಿಷ್ಯಾಮಿ ತತ್ಕ್ಷಣಾತ್ಪರಮಾಪದಃ

॥4॥

ಶ್ಲೋಕ 6

ಇತಿಕೃತ್ವಾ ಮತಿಂ ದೇವಾ ಹಿಮವನ್ತಂ ನಗೇಶ್ವರಂ।

ಜಗ್ಮುಸ್ತತ್ರ ತತೋ ದೇವೀಂ ವಿಷ್ಣುಮಾಯಾಂ ಪ್ರತುಷ್ಟುವುಃ

॥5॥

ಶ್ಲೋಕ 7

ದೇವಾ ಊಚುಃ

ನಮೋ ದೇವ್ಯೈ ಮಹಾದೇವ್ಯೈ ಶಿವಾಯೈ ಸತತಂ ನಮಃ।

ನಮಃ ಪ್ರಕೃತ್ಯೈ ಭದ್ರಾಯೈ ನಿಯತಾಃ ಪ್ರಣತಾಃ ಸ್ಮತಾಂ

॥6॥

ಶ್ಲೋಕ 8

ರೌದ್ರಾಯ ನಮೋ ನಿತ್ಯಾಯೈ ಗೌರ್ಯೈ ಧಾತ್ರ್ಯೈ ನಮೋ ನಮಃ

ಜ್ಯೋತ್ಸ್ನಾಯೈ ಚೇನ್ದುರೂಪಿಣ್ಯೈ ಸುಖಾಯೈ ಸತತಂ ನಮಃ

॥6॥

ಶ್ಲೋಕ 9

ಕಲ್ಯಾಣ್ಯೈ ಪ್ರಣತಾ ವೃದ್ಧ್ಯೈ ಸಿದ್ಧ್ಯೈ ಕುರ್ಮೋ ನಮೋ ನಮಃ।

ನೈರೃತ್ಯೈ ಭೂಭೃತಾಂ ಲಕ್ಷ್ಮೈ ಶರ್ವಾಣ್ಯೈ ತೇ ನಮೋ ನಮಃ

॥8॥

ಶ್ಲೋಕ 10

ದುರ್ಗಾಯೈ ದುರ್ಗಪಾರಾಯೈ ಸಾರಾಯೈ ಸರ್ವಕಾರಿಣ್ಯೈ

ಖ್ಯಾತ್ಯೈ ತಥೈವ ಕೃಷ್ಣಾಯೈ ಧೂಮ್ರಾಯೈ ಸತತಂ ನಮಃ

॥9॥

ಶ್ಲೋಕ 11

ಅತಿಸೌಮ್ಯತಿರೌದ್ರಾಯೈ ನತಾಸ್ತಸ್ಯೈ ನಮೋ ನಮಃ

ನಮೋ ಜಗತ್ಪ್ರತಿಷ್ಠಾಯೈ ದೇವ್ಯೈ ಕೃತ್ಯೈ ನಮೋ ನಮಃ

॥10॥

ಶ್ಲೋಕ 12

ಯಾದೇವೀ ಸರ್ವಭೂತೇಷೂ ವಿಷ್ಣುಮಾಯೇತಿ ಶಬ್ಧಿತಾ।

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ ॥12

ಯಾದೇವೀ ಸರ್ವಭೂತೇಷೂ ಚೇತನೇತ್ಯಭಿಧೀಯತೇ।

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥11॥

ಶ್ಲೋಕ 13

ಯಾದೇವೀ ಸರ್ವಭೂತೇಷೂ ಬುದ್ಧಿರೂಪೇಣ ಸಂಸ್ಥಿತಾ।

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥13॥

ಶ್ಲೋಕ 14

ಯಾದೇವೀ ಸರ್ವಭೂತೇಷೂ ನಿದ್ರಾರೂಪೇಣ ಸಂಸ್ಥಿತಾ।

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥14॥

ಶ್ಲೋಕ 15

ಯಾದೇವೀ ಸರ್ವಭೂತೇಷೂ ಕ್ಷುಧಾರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥15॥

ಶ್ಲೋಕ 16

ಯಾದೇವೀ ಸರ್ವಭೂತೇಷೂ ಛಾಯಾರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥16॥

ಶ್ಲೋಕ 17

ಯಾದೇವೀ ಸರ್ವಭೂತೇಷೂ ಶಕ್ತಿರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥17॥

ಶ್ಲೋಕ 18

ಯಾದೇವೀ ಸರ್ವಭೂತೇಷೂ ತೃಷ್ಣಾರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥18॥

ಶ್ಲೋಕ 19

ಯಾದೇವೀ ಸರ್ವಭೂತೇಷೂ ಕ್ಷಾನ್ತಿರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥19॥

ಶ್ಲೋಕ 20

ಯಾದೇವೀ ಸರ್ವಭೂತೇಷೂ ಜಾತಿರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥20॥

ಶ್ಲೋಕ 21

ಯಾದೇವೀ ಸರ್ವಭೂತೇಷೂ ಲಜ್ಜಾರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥21॥

ಶ್ಲೋಕ 22

ಯಾದೇವೀ ಸರ್ವಭೂತೇಷೂ ಶಾನ್ತಿರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥22॥

ಶ್ಲೋಕ 23

ಯಾದೇವೀ ಸರ್ವಭೂತೇಷೂ ಶ್ರದ್ಧಾರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥23॥

ಶ್ಲೋಕ 24

ಯಾದೇವೀ ಸರ್ವಭೂತೇಷೂ ಕಾನ್ತಿರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥24॥

ಶ್ಲೋಕ 25

ಯಾದೇವೀ ಸರ್ವಭೂತೇಷೂ ಲಕ್ಷ್ಮೀರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥25॥

ಶ್ಲೋಕ 26

ಯಾದೇವೀ ಸರ್ವಭೂತೇಷೂ ವೃತ್ತಿರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥26॥

ಶ್ಲೋಕ 27

ಯಾದೇವೀ ಸರ್ವಭೂತೇಷೂ ಸ್ಮೃತಿರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥27॥

ಶ್ಲೋಕ 28

ಯಾದೇವೀ ಸರ್ವಭೂತೇಷೂ ದಯಾರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥28॥

ಶ್ಲೋಕ 29

ಯಾದೇವೀ ಸರ್ವಭೂತೇಷೂ ತುಷ್ಟಿರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥29॥

ಶ್ಲೋಕ 30

ಯಾದೇವೀ ಸರ್ವಭೂತೇಷೂ ಮಾತೃರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥30॥

ಶ್ಲೋಕ 31

ಯಾದೇವೀ ಸರ್ವಭೂತೇಷೂ ಭ್ರಾನ್ತಿರೂಪೇಣ ಸಂಸ್ಥಿತಾ

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥31॥

ಶ್ಲೋಕ 32

ಇನ್ದ್ರಿಯಾಣಾಮಧಿಷ್ಠಾತ್ರೀ ಭೂತಾನಾಂ ಚಾಖಿಲೇಷು ಯಾ।

ಭೂತೇಷು ಸತತಂ ತಸ್ಯೈ ವ್ಯಾಪ್ತಿ ದೇವ್ಯೈ ನಮೋ ನಮಃ

॥32॥

ಶ್ಲೋಕ 33

ಚಿತಿರೂಪೇಣ ಯಾ ಕೃತ್ಸ್ನಮೇತ ದ್ವ್ಯಾಪ್ಯ ಸ್ಥಿತಾ ಜಗತ್

ನಮಸ್ತಸ್ಯೈ, ನಮಸ್ತಸ್ಯೈ,ನಮಸ್ತಸ್ಯೈ ನಮೋನಮಃ

॥33॥

ಶ್ಲೋಕ 34

ಸ್ತುತಾಸುರೈಃ ಪೂರ್ವಮಭೀಷ್ಟ ಸಂಶ್ರಯಾತ್ತಥಾ

ಸುರೇನ್ದ್ರೇಣ ದಿನೇಷುಸೇವಿತಾ।

ಕರೋತುಸಾ ನಃ ಶುಭಹೇತುರೀಶ್ವರೀ

ಶುಭಾನಿ ಭದ್ರಾಣ್ಯ ಭಿಹನ್ತು ಚಾಪದಃ

॥34॥

ಶ್ಲೋಕ 35

ಯಾ ಸಾಮ್ಪ್ರತಂ ಚೋದ್ಧತದೈತ್ಯತಾಪಿತೈ

ರಸ್ಮಾಭಿರೀಶಾಚಸುರೈರ್ನಮಶ್ಯತೇ।

ಯಾಚ ಸ್ಮತಾ ತತ್​ಕ್ಷಣ ಮೇವ ಹನ್ತಿ ನಃ

ಸರ್ವಾ ಪದೋಭಕ್ತಿವಿನಮ್ರಮೂರ್ತಿಭಿಃ

॥35॥

ಶ್ಲೋಕ 36

ಋಷಿರುವಾಚ॥

ಏವಂ ಸ್ತವಾಭಿ ಯುಕ್ತಾನಾಂ ದೇವಾನಾಂ ತತ್ರ ಪಾರ್ವತೀ।

ಸ್ನಾತುಮಭ್ಯಾಯಯೌ ತೋಯೇ ಜಾಹ್ನವ್ಯಾ ನೃಪನನ್ದನ

॥36॥

ಶ್ಲೋಕ 37

ಸಾಬ್ರವೀತ್ತಾನ್ ಸುರಾನ್ ಸುಭ್ರೂರ್ಭವದ್ಭಿಃ ಸ್ತೂಯತೇಽತ್ರ ಕಾ

ಶರೀರಕೋಶತಶ್ಚಾಸ್ಯಾಃ ಸಮುದ್ಭೂತಾಽ ಬ್ರವೀಚ್ಛಿವಾ

॥37॥

ಶ್ಲೋಕ 38

ಸ್ತೋತ್ರಂ ಮಮೈತತ್ಕ್ರಿಯತೇ ಶುಮ್ಭದೈತ್ಯ ನಿರಾಕೃತೈಃ

ದೇವೈಃ ಸಮೇತೈಃ ಸಮರೇ ನಿಶುಮ್ಭೇನ ಪರಾಜಿತೈಃ

॥38॥

ಶ್ಲೋಕ 39

ಶರೀರಕೋಶಾದ್ಯತ್ತಸ್ಯಾಃ ಪಾರ್ವತ್ಯಾ ನಿಃಸೃತಾಮ್ಬಿಕಾ।

ಕೌಶಿಕೀತಿ ಸಮಸ್ತೇಷು ತತೋ ಲೋಕೇಷು ಗೀಯತೇ

॥39॥

ಶ್ಲೋಕ 40

ತಸ್ಯಾಂವಿನಿರ್ಗತಾಯಾಂ ತು ಕೃಷ್ಣಾಭೂತ್ಸಾಪಿ ಪಾರ್ವತೀ।

ಕಾಲಿಕೇತಿ ಸಮಾಖ್ಯಾತಾ ಹಿಮಾಚಲಕೃತಾಶ್ರಯಾ

॥40॥

ಶ್ಲೋಕ 41

ತತೋಽಮ್ಬಿಕಾಂ ಪರಂ ರೂಪಂ ಬಿಭ್ರಾಣಾಂ ಸುಮನೋಹರಮ್ ।

ದದರ್ಶ ಚಣ್ದೋ ಮುಣ್ದಶ್ಚ ಭೃತ್ಯೌ ಶುಮ್ಭನಿಶುಮ್ಭಯೋಃ

॥41॥

ಶ್ಲೋಕ 42

ತಾಭ್ಯಾಂ ಶುಮ್ಭಾಯ ಚಾಖ್ಯಾತಾ ಸಾತೀವ ಸುಮನೋಹರಾ।

ಕಾಪ್ಯಾಸ್ತೇ ಸ್ತ್ರೀ ಮಹಾರಾಜ ಭಾಸ ಯನ್ತೀ ಹಿಮಾಚಲಮ್

॥42॥

ಶ್ಲೋಕ 43

ನೈವ ತಾದೃಕ್ ಕ್ವಚಿದ್ರೂಪಂ ದೃಷ್ಟಂ ಕೇನಚಿದುತ್ತಮಮ್।

ಜ್ಞಾಯತಾಂ ಕಾಪ್ಯಸೌ ದೇವೀ ಗೃಹ್ಯತಾಂ ಚಾಸುರೇಶ್ವರ

॥43॥

ಶ್ಲೋಕ 44

ಸ್ತ್ರೀ ರತ್ನ ಮತಿಚಾರ್ವಞ್ಜ್ಗೀ ದ್ಯೋತಯನ್ತೀದಿಶಸ್ತ್ವಿಷಾ।

ಸಾತುತಿಷ್ಟತಿ ದೈತ್ಯೇನ್ದ್ರ ತಾಂ ಭವಾನ್ ದ್ರಷ್ಟು ಮರ್ಹತಿ

॥44॥

ಶ್ಲೋಕ 45

ಯಾನಿ ರತ್ನಾನಿ ಮಣಯೋ ಗಜಾಶ್ವಾದೀನಿ ವೈ ಪ್ರಭೋ।

ತ್ರೈ ಲೋಕ್ಯೇತು ಸಮಸ್ತಾನಿ ಸಾಮ್ಪ್ರತಂ ಭಾನ್ತಿತೇ ಗೃಹೇ

॥45॥

ಶ್ಲೋಕ 46

ಐರಾವತಃ ಸಮಾನೀತೋ ಗಜರತ್ನಂ ಪುನರ್ದರಾತ್।

ಪಾರಿಜಾತ ತರುಶ್ಚಾಯಂ ತಥೈವೋಚ್ಚೈಃ ಶ್ರವಾ ಹಯಃ

॥46॥

ಶ್ಲೋಕ 47

ವಿಮಾನಂ ಹಂಸಸಂಯುಕ್ತಮೇತತ್ತಿಷ್ಠತಿ ತೇಽಙ್ಗಣೇ।

ರತ್ನಭೂತ ಮಿಹಾನೀತಂ ಯದಾಸೀದ್ವೇಧಸೋಽದ್ಭುತಂ

॥47॥

ಶ್ಲೋಕ 48

ನಿಧಿರೇಷ ಮಹಾ ಪದ್ಮಃ ಸಮಾನೀತೋ ಧನೇಶ್ವರಾತ್।

ಕಿಞ್ಜಲ್ಕಿನೀಂ ದದೌ ಚಾಬ್ಧಿರ್ಮಾಲಾಮಮ್ಲಾನಪಜ್ಕಜಾಂ

॥48॥

ಶ್ಲೋಕ 49

ಛತ್ರಂ ತೇವಾರುಣಂ ಗೇಹೇ ಕಾಞ್ಚನಸ್ರಾವಿ ತಿಷ್ಠತಿ।

ತಥಾಯಂ ಸ್ಯನ್ದನವರೋ ಯಃ ಪುರಾಸೀತ್ಪ್ರಜಾಪತೇಃ

॥49॥

ಶ್ಲೋಕ 50

ಮೃತ್ಯೋರುತ್ಕ್ರಾನ್ತಿದಾ ನಾಮ ಶಕ್ತಿರೀಶ ತ್ವಯಾ ಹೃತಾ।

ಪಾಶಃ ಸಲಿಲ ರಾಜಸ್ಯ ಭ್ರಾತುಸ್ತವ ಪರಿಗ್ರಹೇ

॥50॥

ಶ್ಲೋಕ 51

ನಿಶುಮ್ಭಸ್ಯಾಬ್ಧಿಜಾತಾಶ್ಚ ಸಮಸ್ತಾ ರತ್ನ ಜಾತಯಃ।

ವಹ್ನಿಶ್ಚಾಪಿ ದದೌ ತುಭ್ಯ ಮಗ್ನಿಶೌಚೇ ಚ ವಾಸಸೀ

॥51॥

ಶ್ಲೋಕ 52

ಏವಂ ದೈತ್ಯೇನ್ದ್ರ ರತ್ನಾನಿ ಸಮಸ್ತಾನ್ಯಾಹೃತಾನಿ ತೇ

ಸ್ತ್ರ್ರೀ ರತ್ನ ಮೇಷಾ ಕಲ್ಯಾಣೀ ತ್ವಯಾ ಕಸ್ಮಾನ್ನ ಗೃಹ್ಯತೇ

॥52॥

ಶ್ಲೋಕ 53

ಋಷಿರುವಾಚ।

ನಿಶಮ್ಯೇತಿ ವಚಃ ಶುಮ್ಭಃ ಸ ತದಾ ಚಣ್ಡಮುಣ್ಡಯೋಃ।

ಪ್ರೇಷಯಾಮಾಸ ಸುಗ್ರೀವಂ ದೂತಂ ದೇವ್ಯಾ ಮಹಾಸುರಂ

॥53॥

ಶ್ಲೋಕ 54

ಇತಿ ಚೇತಿ ಚ ವಕ್ತವ್ಯಾ ಸಾ ಗತ್ವಾ ವಚನಾನ್ಮಮ।

ಯಥಾ ಚಾಭ್ಯೇತಿ ಸಮ್ಪ್ರೀತ್ಯಾ ತಥಾ ಕಾರ್ಯಂ ತ್ವಯಾ ಲಘು

॥54॥

ಶ್ಲೋಕ 55

ಸತತ್ರ ಗತ್ವಾ ಯತ್ರಾಸ್ತೇ ಶೈಲೋದ್ದೋಶೇಽತಿಶೋಭನೇ।

ಸಾದೇವೀ ತಾಂ ತತಃ ಪ್ರಾಹ ಶ್ಲಕ್ಷ್ಣಂ ಮಧುರಯಾ ಗಿರಾ

॥55॥

ಶ್ಲೋಕ 56

ದೂತ ಉವಾಚ॥

ದೇವಿ ದೈತ್ಯೇಶ್ವರಃ ಶುಮ್ಭಸ್ತ್ರೆಲೋಕ್ಯೇ ಪರಮೇಶ್ವರಃ।

ದೂತೋಽಹಂ ಪ್ರೇಷಿ ತಸ್ತೇನ ತ್ವತ್ಸಕಾಶಮಿಹಾಗತಃ

॥56॥

ಶ್ಲೋಕ 57

ಅವ್ಯಾಹತಾಜ್ಞಃ ಸರ್ವಾಸು ಯಃ ಸದಾ ದೇವಯೋನಿಷು।

ನಿರ್ಜಿತಾಖಿಲ ದೈತ್ಯಾರಿಃ ಸ ಯದಾಹ ಶೃಣುಷ್ವ ತತ್

॥57॥

ಶ್ಲೋಕ 58

ಮಮತ್ರೈಲೋಕ್ಯ ಮಖಿಲಂ ಮಮದೇವಾ ವಶಾನುಗಾಃ।

ಯಜ್ಞಭಾಗಾನಹಂ ಸರ್ವಾನುಪಾಶ್ನಾಮಿ ಪೃಥಕ್ ಪೃಥಕ್

॥58॥

ಶ್ಲೋಕ 59

ತ್ರೈಲೋಕ್ಯೇವರರತ್ನಾನಿ ಮಮ ವಶ್ಯಾನ್ಯಶೇಷತಃ।

ತಥೈವ ಗಜರತ್ನಂ ಚ ಹೃತಂ ದೇವೇನ್ದ್ರವಾಹನಂ

॥59॥

ಶ್ಲೋಕ 60

ಕ್ಷೀರೋದಮಥನೋದ್ಭೂತ ಮಶ್ವರತ್ನಂ ಮಮಾಮರೈಃ।

ಉಚ್ಚೈಃಶ್ರವಸಸಞ್ಜ್ಞಂ ತತ್ಪ್ರಣಿಪತ್ಯ ಸಮರ್ಪಿತಂ

॥60॥

ಶ್ಲೋಕ 61

ಯಾನಿಚಾನ್ಯಾನಿ ದೇವೇಷು ಗನ್ಧರ್ವೇಷೂರಗೇಷು ಚ ।

ರತ್ನಭೂತಾನಿ ಭೂತಾನಿ ತಾನಿ ಮಯ್ಯೇವ ಶೋಭನೇ

॥61॥

ಶ್ಲೋಕ 62

ಸ್ತ್ರೀ ರತ್ನಭೂತಾಂ ತಾಂ ದೇವೀಂ ಲೋಕೇ ಮನ್ಯಾ ಮಹೇ ವಯಂ।

ಸಾ ತ್ವಮಸ್ಮಾನುಪಾಗಚ್ಛ ಯತೋ ರತ್ನಭುಜೋ ವಯಂ

॥62॥

ಶ್ಲೋಕ 63

ಮಾಂವಾ ಮಮಾನುಜಂ ವಾಪಿ ನಿಶುಮ್ಭಮುರುವಿಕ್ರಮಮ್।

ಭಜತ್ವಂ ಚಞ್ಚಲಾಪಾಜ್ಗಿ ರತ್ನ ಭೂತಾಸಿ ವೈ ಯತಃ

॥63॥

ಶ್ಲೋಕ 64

ಪರಮೈಶ್ವರ್ಯ ಮತುಲಂ ಪ್ರಾಪ್ಸ್ಯಸೇ ಮತ್ಪರಿಗ್ರಹಾತ್।

ಏತದ್ಭುದ್ಥ್ಯಾ ಸಮಾಲೋಚ್ಯ ಮತ್ಪರಿಗ್ರಹತಾಂ ವ್ರಜ

॥64॥

ಶ್ಲೋಕ 65

ಋಷಿರುವಾಚ॥

ಇತ್ಯುಕ್ತಾ ಸಾ ತದಾ ದೇವೀ ಗಮ್ಭೀರಾನ್ತಃಸ್ಮಿತಾ ಜಗೌ।

ದುರ್ಗಾ ಭಗವತೀ ಭದ್ರಾ ಯಯೇದಂ ಧಾರ್ಯತೇ ಜಗತ್

॥65॥

ಶ್ಲೋಕ 66

ದೇವ್ಯುವಾಚ॥

ಸತ್ಯ ಮುಕ್ತಂ ತ್ವಯಾ ನಾತ್ರ ಮಿಥ್ಯಾಕಿಞ್ಚಿತ್ತ್ವಯೋದಿತಮ್।

ತ್ರೈಲೋಕ್ಯಾಧಿಪತಿಃ ಶುಮ್ಭೋ ನಿಶುಮ್ಭಶ್ಚಾಪಿ ತಾದೃಶಃ

॥66॥

ಶ್ಲೋಕ 67

ಕಿಂ ತ್ವತ್ರ ಯತ್ಪ್ರತಿಜ್ಞಾತಂ ಮಿಥ್ಯಾ ತತ್ಕ್ರಿಯತೇ ಕಥಮ್।

ಶ್ರೂಯತಾಮಲ್ಪಭುದ್ಧಿತ್ವಾತ್ ತ್ಪ್ರತಿಜ್ಞಾ ಯಾ ಕೃತಾ ಪುರಾ

॥67॥

ಶ್ಲೋಕ 68

ಯೋಮಾಂ ಜಯತಿ ಸಜ್ಗ್ರಾಮೇ ಯೋ ಮೇ ದರ್ಪಂ ವ್ಯಪೋಹತಿ।

ಯೋಮೇ ಪ್ರತಿಬಲೋ ಲೋಕೇ ಸ ಮೇ ಭರ್ತಾ ಭವಿಷ್ಯತಿ

॥68॥

ಶ್ಲೋಕ 69

ತದಾಗಚ್ಛತು ಶುಮ್ಭೋಽತ್ರ ನಿಶುಮ್ಭೋ ವಾ ಮಹಾಸುರಃ।

ಮಾಂ ಜಿತ್ವಾ ಕಿಂ ಚಿರೇಣಾತ್ರ ಪಾಣಿಙ್ಗೃಹ್ಣಾತುಮೇಲಘು

॥69॥

ಶ್ಲೋಕ 70

ದೂತ ಉವಾಚ॥

ಅವಲಿಪ್ತಾಸಿ ಮೈವಂ ತ್ವಂ ದೇವಿ ಬ್ರೂಹಿ ಮಮಾಗ್ರತಃ।

ತ್ರೈಲೋಕ್ಯೇಕಃ ಪುಮಾಂಸ್ತಿಷ್ಟೇದ್ ಅಗ್ರೇ ಶುಮ್ಭನಿಶುಮ್ಭಯೋಃ

॥70॥

ಶ್ಲೋಕ 71

ಅನ್ಯೇಷಾಮಪಿ ದೈತ್ಯಾನಾಂ ಸರ್ವೇ ದೇವಾ ನ ವೈ ಯುಧಿ।

ಕಿಂ ತಿಷ್ಠನ್ತಿ ಸುಮ್ಮುಖೇ ದೇವಿ ಪುನಃ ಸ್ತ್ರೀ ತ್ವಮೇಕಿಕಾ

॥71॥

ಶ್ಲೋಕ 72

ಇನ್ದ್ರಾದ್ಯಾಃ ಸಕಲಾ ದೇವಾಸ್ತಸ್ಥುರ್ಯೇಷಾಂ ನ ಸಂಯುಗೇ।

ಶುಮ್ಭಾದೀನಾಂ ಕಥಂ ತೇಷಾಂ ಸ್ತ್ರೀ ಪ್ರಯಾಸ್ಯಸಿ ಸಮ್ಮುಖಮ್

॥72॥

ಶ್ಲೋಕ 73

ಸಾತ್ವಂ ಗಚ್ಛ ಮಯೈವೋಕ್ತಾ ಪಾರ್ಶ್ವಂ ಶುಮ್ಭನಿಶುಮ್ಭಯೋಃ।

ಕೇಶಾಕರ್ಷಣ ನಿರ್ಧೂತ ಗೌರವಾ ಮಾ ಗಮಿಷ್ಯಸಿ

॥73॥

ಶ್ಲೋಕ 74

ದೇವ್ಯುವಾಚ।

ಏವಮೇತದ್ ಬಲೀ ಶುಮ್ಭೋ ನಿಶುಮ್ಭಶ್ಚಾತಿವೀರ್ಯವಾನ್।

ಕಿಂ ಕರೋಮಿ ಪ್ರತಿಜ್ಞಾ ಮೇ ಯದನಾಲೋಚಿತಾಪುರಾ

॥74॥

ಶ್ಲೋಕ 75

ಸತ್ವಂ ಗಚ್ಛ ಮಯೋಕ್ತಂ ತೇ ಯದೇತತ್ತ್ಸರ್ವ ಮಾದೃತಃ।

ತದಾಚಕ್ಷ್ವಾ ಸುರೇನ್ದ್ರಾಯ ಸ ಚ ಯುಕ್ತಂ ಕರೋತು ಯತ್

॥75॥

ಶ್ಲೋಕ 76

॥ ಇತಿ ಶ್ರೀ ಮಾರ್ಕಣ್ಡೇಯ ಪುರಾಣೇ ಸಾವರ್ನಿಕೇ ಮನ್ವನ್ತರೇ ದೇವಿ ಮಹತ್ಮ್ಯೇ ದೇವ್ಯಾ ದೂತ ಸಂವಾದೋ ನಾಮ ಪಞ್ಚಮೋ ಧ್ಯಾಯಃ ಸಮಾಪ್ತಮ್ ॥

ಆಹುತಿ

ಕ್ಲೀಂ ಜಯನ್ತೀ ಸಾಙ್ಗಾಯೈ ಸಾಯುಧಾಯೈ ಸಶಕ್ತಿಕಾಯೈ ಸಪರಿವಾರಾಯೈ ಸವಾಹನಾಯೈ ಧೂಮ್ರಾಕ್ಷ್ಯೈ ವಿಷ್ಣುಮಾಯಾದಿ ಚತುರ್ವಿಂಶದ್ ದೇವತಾಭ್ಯೋ ಮಹಾಹುತಿಂ ಸಮರ್ಪಯಾಮಿ ನಮಃ ಸ್ವಾಹಾ ॥