దేవీ మాహాత్మ్యం దుర్గా సప్తశతి ఏకాదశోఽధ్యాయః

దేవీ మాహాత్మ్యం దుర్గా సప్తశతి ఏకాదశోఽధ్యాయః

శ్లోక 1

నారాయణీస్తుతిర్నామ ఏకాదశోఽధ్యాయః ॥

ధ్యానం

ఓం బాలార్కవిద్యుతిం ఇన్దుకిరీటాం తుఙ్గకుచాం నయనత్రయయుక్తామ్ ।

స్మేరముఖీం వరదాఙ్కుశపాశభీతికరాం ప్రభజే భువనేశీమ్ ॥

ఋషిరువాచ

శ్లోక 2

దేవ్యా హతే తత్ర మహాసురేన్ద్రే

సేన్ద్రాః సురా వహ్నిపురోగమాస్తామ్।

కాత్యాయనీం తుష్టువురిష్టలాభా-

ద్వికాసివక్త్రాబ్జ వికాసితాశాః

॥1॥

శ్లోక 3

దేవి ప్రపన్నార్తిహరే ప్రసీద

ప్రసీద మాతర్జగతోఽభిలస్య।

ప్రసీదవిశ్వేశ్వరి పాహివిశ్వం

త్వమీశ్వరీ దేవి చరాచరస్య

॥ 2 ॥

శ్లోక 4

ఆధార భూతా జగతస్త్వమేకా

మహీస్వరూపేణ యతః స్థితాసి

అపాం స్వరూప స్థితయా త్వయైత

దాప్యాయతే కృత్స్నమలఙ్ఘ్య వీర్యే

॥3॥

శ్లోక 5

త్వం వైష్ణవీశక్తిరనన్తవీర్యా

విశ్వస్య బీజం పరమాసి మాయా।

సమ్మోహితం దేవిసమస్త మేతత్-

త్త్వం వై ప్రసన్నా భువి ముక్తిహేతుః

॥4॥

శ్లోక 6

విద్యాః సమస్తాస్తవ దేవి భేదాః।

స్త్రియః సమస్తాః సకలా జగత్సు।

త్వయైకయా పూరితమమ్బయైతత్

కాతే స్తుతిః స్తవ్యపరాపరోక్తిః

॥5॥

శ్లోక 7

సర్వ భూతా యదా దేవీ భుక్తి ముక్తిప్రదాయినీ।

త్వం స్తుతా స్తుతయే కా వా భవన్తు పరమోక్తయః

॥6॥

శ్లోక 8

సర్వస్య బుద్ధిరూపేణ జనస్య హృది సంస్థితే।

స్వర్గాపవర్గదే దేవి నారాయణి నమోఽస్తుతే

॥7॥

శ్లోక 9

కలాకాష్ఠాదిరూపేణ పరిణామ ప్రదాయిని।

విశ్వస్యోపరతౌ శక్తే నారాయణి నమోస్తుతే

॥8॥

శ్లోక 10

సర్వ మఙ్గల మాఙ్గల్యే శివే సర్వార్థ సాధికే।

శరణ్యే త్రయమ్బకే గౌరీ నారాయణి నమోఽస్తుతే

॥9॥

శ్లోక 11

సృష్టిస్థితివినాశానాం శక్తిభూతే సనాతని।

గుణాశ్రయే గుణమయే నారాయణి నమోఽస్తుతే

॥10॥

శ్లోక 12

శరణాగత దీనార్త పరిత్రాణపరాయణే।

సర్వస్యార్తిహరే దేవి నారాయణి నమోఽస్తుతే

॥11॥

శ్లోక 13

హంసయుక్త విమానస్థే బ్రహ్మాణీ రూపధారిణీ।

కౌశామ్భః క్షరికే దేవి నారాయణి నమోఽస్తుతే

॥12॥

శ్లోక 14

త్రిశూలచన్ద్రాహిధరే మహావృషభవాహిని।

మాహేశ్వరీ స్వరూపేణ నారాయణి నమోఽస్తుతే

॥13॥

శ్లోక 15

మయూర కుక్కుటవృతే మహాశక్తిధరేఽనఘే।

కౌమారీరూపసంస్థానే నారాయణి నమోస్తుతే

॥14॥

శ్లోక 16

శఙ్ఖచక్రగదాశార్ఙ్గగృహీతపరమాయుధే।

ప్రసీద వైష్ణవీరూపేనారాయణి నమోఽస్తుతే

॥15॥

శ్లోక 17

గృహీతోగ్రమహాచక్రే దంష్త్రోద్ధృతవసున్ధరే।

వరాహరూపిణి శివే నారాయణి నమోస్తుతే

॥16॥

శ్లోక 18

నృసింహరూపేణోగ్రేణ హన్తుం దైత్యాన్ కృతోద్యమే।

త్రైలోక్యత్రాణసహితే నారాయణి నమోఽస్తుతే

॥17॥

శ్లోక 19

కిరీటిని మహావజ్రే సహస్రనయనోజ్జ్వలే।

వృత్రప్రాణహారే చైన్ద్రి నారాయణి నమోఽస్తుతే

॥18॥

శ్లోక 20

శివదూతీస్వరూపేణ హతదైత్య మహాబలే।

ఘోరరూపే మహారావే నారాయణి నమోఽస్తుతే

॥19॥

శ్లోక 21

దంష్త్రాకరాల వదనే శిరోమాలావిభూషణే।

చాముణ్డే ముణ్డమథనే నారాయణి నమోఽస్తుతే

॥20॥

శ్లోక 22

లక్ష్మీ లజ్జే మహావిధ్యే శ్రద్ధే పుష్టి స్వధే ధ్రువే।

మహారాత్రి మహామాయే నారాయణి నమోఽస్తుతే

॥21॥

శ్లోక 23

మేధే సరస్వతి వరే భూతి బాభ్రవి తామసి।

నియతే త్వం ప్రసీదేశే నారాయణి నమోఽస్తుతే

॥22॥

శ్లోక 24

సర్వస్వరూపే సర్వేశే సర్వశక్తిసమన్వితే।

భయేభ్యస్త్రాహి నో దేవి దుర్గే దేవి నమోఽస్తుతే

॥23॥

శ్లోక 25

ఏతత్తే వదనం సౌమ్యం లోచనత్రయభూషితమ్।

పాతు నః సర్వభూతేభ్యః కాత్యాయిని నమోఽస్తుతే

॥24॥

శ్లోక 26

జ్వాలాకరాలమత్యుగ్రమశేషాసురసూదనమ్।

త్రిశూలం పాతు నో భీతిర్భద్రకాలి నమోఽస్తుతే

॥25॥

శ్లోక 27

హినస్తి దైత్యతేజాంసి స్వనేనాపూర్య యా జగత్।

సా ఘణ్టా పాతు నో దేవి పాపేభ్యో నః సుతానివ

॥26॥

శ్లోక 28

అసురాసృగ్వసాపఙ్కచర్చితస్తే కరోజ్వలః।

శుభాయ ఖడ్గో భవతు చణ్డికే త్వాం నతా వయమ్

॥27॥

శ్లోక 29

రోగానశేషానపహంసి తుష్టా

రుష్టా తు కామా సకలానభీష్టాన్

త్వామాశ్రితానాం న విపన్నరాణాం।

త్వామాశ్రితా శ్రయతాం ప్రయాన్తి

॥28॥

శ్లోక 30

ఏతత్కృతం యత్కదనం త్వయాద్య

దర్మద్విషాం దేవి మహాసురాణామ్।

రూపైరనేకైర్భహుధాత్మమూర్తిం

కృత్వామ్భికే తత్ప్రకరోతి కాన్యా

॥29॥

శ్లోక 31

విద్యాసు శాస్త్రేషు వివేక దీపే

ష్వాద్యేషు వాక్యేషు చ కా త్వదన్యా

మమత్వగర్తేఽతి మహాన్ధకారే

విభ్రామయత్యేతదతీవ విశ్వమ్

॥30॥

శ్లోక 32

రక్షాంసి యత్రో గ్రవిషాశ్చ నాగా

యత్రారయో దస్యుబలాని యత్ర।

దావానలో యత్ర తథాబ్ధిమధ్యే

తత్ర స్థితా త్వం పరిపాసి విశ్వమ్

॥31॥

శ్లోక 33

విశ్వేశ్వరి త్వం పరిపాసి విశ్వం

విశ్వాత్మికా ధారయసీతి విశ్వమ్।

విశ్వేశవన్ధ్యా భవతీ భవన్తి

విశ్వాశ్రయా యేత్వయి భక్తినమ్రాః

॥32॥

శ్లోక 34

దేవి ప్రసీద పరిపాలయ నోఽరి

భీతేర్నిత్యం యథాసురవదాదధునైవ సద్యః।

పాపాని సర్వ జగతాం ప్రశమం నయాశు

ఉత్పాతపాకజనితాంశ్చ మహోపసర్గాన్

॥33॥

శ్లోక 35

ప్రణతానాం ప్రసీద త్వం దేవి విశ్వార్తి హారిణి।

త్రైలోక్యవాసినామీడ్యే లోకానాం వరదా భవ

॥34॥

శ్లోక 36

దేవ్యువాచ

॥35॥

శ్లోక 37

వరదాహం సురగణా పరం యన్మనసేచ్చథ।

తం వృణుధ్వం ప్రయచ్ఛామి జగతాముపకారకమ్

॥36॥

శ్లోక 38

దేవా ఊచుః

॥37॥

శ్లోక 39

సర్వబాధా ప్రశమనం త్రైలోక్యస్యాఖిలేశ్వరి।

ఏవమేవ త్వయాకార్య మస్మద్వైరి వినాశనమ్

॥38॥

శ్లోక 40

దేవ్యువాచ

॥39॥

శ్లోక 41

వైవస్వతేఽన్తరే ప్రాప్తే అష్టావింశతిమే యుగే।

శుమ్భో నిశుమ్భశ్చైవాన్యావుత్పత్స్యేతే మహాసురౌ

॥40॥

శ్లోక 42

నన్దగోపగృహే జాతా యశోదాగర్భ సమ్భవా।

తతస్తౌనాశయిష్యామి విన్ధ్యాచలనివాసినీ

॥41॥

శ్లోక 43

పునరప్యతిరౌద్రేణ రూపేణ పృథివీతలే।

అవతీర్య హవిష్యామి వైప్రచిత్తాంస్తు దానవాన్

॥42॥

శ్లోక 44

భక్ష్య యన్త్యాశ్చ తానుగ్రాన్ వైప్రచిత్తాన్ మహాసురాన్।

రక్తదన్తా భవిష్యన్తి దాడిమీకుసుమోపమాః

॥43॥

శ్లోక 45

తతో మాం దేవతాః స్వర్గే మర్త్యలోకే చ మానవాః।

స్తువన్తో వ్యాహరిష్యన్తి సతతం రక్తదన్తికామ్

॥44॥

శ్లోక 46

భూయశ్చ శతవార్షిక్యాం అనావృష్ట్యామనమ్భసి।

మునిభిః సంస్తుతా భూమౌ సమ్భవిష్యామ్యయోనిజా

॥45॥

శ్లోక 47

తతః శతేన నేత్రాణాం నిరీక్షిష్యామ్యహం మునీన్

కీర్తియిష్యన్తి మనుజాః శతాక్షీమితి మాం తతః

॥46॥

శ్లోక 48

తతోఽ హమఖిలం లోకమాత్మదేహసముద్భవైః।

భరిష్యామి సురాః శాకైరావృష్టేః ప్రాణ ధారకైః

॥47॥

శ్లోక 49

శాకమ్భరీతి విఖ్యాతిం తదా యాస్యామ్యహం భువి।

తత్రైవ చ వధిష్యామి దుర్గమాఖ్యం మహాసురమ్

॥48॥

శ్లోక 50

దుర్గాదేవీతి విఖ్యాతం తన్మే నామ భవిష్యతి।

పునశ్చాహం యదాభీమం రూపం కృత్వా హిమాచలే

॥49॥

శ్లోక 51

రక్షాంసి క్షయయిష్యామి మునీనాం త్రాణ కారణాత్।

తదా మాం మునయః సర్వే స్తోష్యన్త్యాన మ్రమూర్తయః

॥50॥

శ్లోక 52

భీమాదేవీతి విఖ్యాతం తన్మే నామ భవిష్యతి।

యదారుణాఖ్యస్త్రైలొక్యే మహాబాధాం కరిష్యతి

॥51॥

శ్లోక 53

తదాహం భ్రామరం రూపం కృత్వాసజ్ఖ్యేయషట్పదమ్।

త్రైలోక్యస్య హితార్థాయ వధిష్యామి మహాసురమ్

॥52॥

శ్లోక 54

భ్రామరీతిచ మాం లోకా స్తదాస్తోష్యన్తి సర్వతః।

ఇత్థం యదా యదా బాధా దానవోత్థా భవిష్యతి

॥53॥

శ్లోక 55

తదా తదావతీర్యాహం కరిష్యామ్యరిసఙ్క్షయమ్

॥54॥

శ్లోక 56

॥ స్వస్తి శ్రీ మార్కణ్డేయ పురాణే సావర్నికే మన్వన్తరే దేవి మహత్మ్యే నారాయణీస్తుతిర్నామ ఏకాదశోఽధ్యాయః సమాప్తమ్ ॥

ఆహుతి

ఓం క్లీం జయన్తీ సాఙ్గాయై సశక్తికాయై సపరివారాయై సవాహనాయై లక్ష్మీబీజాధిష్తాయై గరుడవాహన్యై నారయణీ దేవ్యై-మహాహుతిం సమర్పయామి నమః స్వాహా ॥