ദേവീ മാഹാത്മ്യം ദുര്ഗാ സപ്തശതി ഏകാദശോഽധ്യായഃ

ദേവീ മാഹാത്മ്യം ദുര്ഗാ സപ്തശതി ഏകാദശോഽധ്യായഃ

ശ്ലോക 1

നാരായണീസ്തുതിര്നാമ ഏകാദശോഽധ്യായഃ ॥

ധ്യാനം

ഓം ബാലാര്കവിദ്യുതിം ഇന്ദുകിരീടാം തുങ്ഗകുചാം നയനത്രയയുക്താമ് ।

സ്മേരമുഖീം വരദാങ്കുശപാശഭീതികരാം പ്രഭജേ ഭുവനേശീമ് ॥

ഋഷിരുവാച

ശ്ലോക 2

ദേവ്യാ ഹതേ തത്ര മഹാസുരേന്ദ്രേ

സേന്ദ്രാഃ സുരാ വഹ്നിപുരോഗമാസ്താമ്।

കാത്യായനീം തുഷ്ടുവുരിഷ്ടലാഭാ-

ദ്വികാസിവക്ത്രാബ്ജ വികാസിതാശാഃ

॥1॥

ശ്ലോക 3

ദേവി പ്രപന്നാര്തിഹരേ പ്രസീദ

പ്രസീദ മാതര്ജഗതോഽഭിലസ്യ।

പ്രസീദവിശ്വേശ്വരി പാഹിവിശ്വം

ത്വമീശ്വരീ ദേവി ചരാചരസ്യ

॥ 2 ॥

ശ്ലോക 4

ആധാര ഭൂതാ ജഗതസ്ത്വമേകാ

മഹീസ്വരൂപേണ യതഃ സ്ഥിതാസി

അപാം സ്വരൂപ സ്ഥിതയാ ത്വയൈത

ദാപ്യായതേ കൃത്സ്നമലങ്ഘ്യ വീര്യേ

॥3॥

ശ്ലോക 5

ത്വം വൈഷ്ണവീശക്തിരനന്തവീര്യാ

വിശ്വസ്യ ബീജം പരമാസി മായാ।

സമ്മോഹിതം ദേവിസമസ്ത മേതത്-

ത്ത്വം വൈ പ്രസന്നാ ഭുവി മുക്തിഹേതുഃ

॥4॥

ശ്ലോക 6

വിദ്യാഃ സമസ്താസ്തവ ദേവി ഭേദാഃ।

സ്ത്രിയഃ സമസ്താഃ സകലാ ജഗത്സു।

ത്വയൈകയാ പൂരിതമമ്ബയൈതത്

കാതേ സ്തുതിഃ സ്തവ്യപരാപരോക്തിഃ

॥5॥

ശ്ലോക 7

സര്വ ഭൂതാ യദാ ദേവീ ഭുക്തി മുക്തിപ്രദായിനീ।

ത്വം സ്തുതാ സ്തുതയേ കാ വാ ഭവന്തു പരമോക്തയഃ

॥6॥

ശ്ലോക 8

സര്വസ്യ ബുദ്ധിരൂപേണ ജനസ്യ ഹൃദി സംസ്ഥിതേ।

സ്വര്ഗാപവര്ഗദേ ദേവി നാരായണി നമോഽസ്തുതേ

॥7॥

ശ്ലോക 9

കലാകാഷ്ഠാദിരൂപേണ പരിണാമ പ്രദായിനി।

വിശ്വസ്യോപരതൌ ശക്തേ നാരായണി നമോസ്തുതേ

॥8॥

ശ്ലോക 10

സര്വ മങ്ഗല മാങ്ഗല്യേ ശിവേ സര്വാര്ഥ സാധികേ।

ശരണ്യേ ത്രയമ്ബകേ ഗൌരീ നാരായണി നമോഽസ്തുതേ

॥9॥

ശ്ലോക 11

സൃഷ്ടിസ്ഥിതിവിനാശാനാം ശക്തിഭൂതേ സനാതനി।

ഗുണാശ്രയേ ഗുണമയേ നാരായണി നമോഽസ്തുതേ

॥10॥

ശ്ലോക 12

ശരണാഗത ദീനാര്ത പരിത്രാണപരായണേ।

സര്വസ്യാര്തിഹരേ ദേവി നാരായണി നമോഽസ്തുതേ

॥11॥

ശ്ലോക 13

ഹംസയുക്ത വിമാനസ്ഥേ ബ്രഹ്മാണീ രൂപധാരിണീ।

കൌശാമ്ഭഃ ക്ഷരികേ ദേവി നാരായണി നമോഽസ്തുതേ

॥12॥

ശ്ലോക 14

ത്രിശൂലചന്ദ്രാഹിധരേ മഹാവൃഷഭവാഹിനി।

മാഹേശ്വരീ സ്വരൂപേണ നാരായണി നമോഽസ്തുതേ

॥13॥

ശ്ലോക 15

മയൂര കുക്കുടവൃതേ മഹാശക്തിധരേഽനഘേ।

കൌമാരീരൂപസംസ്ഥാനേ നാരായണി നമോസ്തുതേ

॥14॥

ശ്ലോക 16

ശങ്ഖചക്രഗദാശാര്ങ്ഗഗൃഹീതപരമായുധേ।

പ്രസീദ വൈഷ്ണവീരൂപേനാരായണി നമോഽസ്തുതേ

॥15॥

ശ്ലോക 17

ഗൃഹീതോഗ്രമഹാചക്രേ ദംഷ്ത്രോദ്ധൃതവസുന്ധരേ।

വരാഹരൂപിണി ശിവേ നാരായണി നമോസ്തുതേ

॥16॥

ശ്ലോക 18

നൃസിംഹരൂപേണോഗ്രേണ ഹന്തും ദൈത്യാന് കൃതോദ്യമേ।

ത്രൈലോക്യത്രാണസഹിതേ നാരായണി നമോഽസ്തുതേ

॥17॥

ശ്ലോക 19

കിരീടിനി മഹാവജ്രേ സഹസ്രനയനോജ്ജ്വലേ।

വൃത്രപ്രാണഹാരേ ചൈന്ദ്രി നാരായണി നമോഽസ്തുതേ

॥18॥

ശ്ലോക 20

ശിവദൂതീസ്വരൂപേണ ഹതദൈത്യ മഹാബലേ।

ഘോരരൂപേ മഹാരാവേ നാരായണി നമോഽസ്തുതേ

॥19॥

ശ്ലോക 21

ദംഷ്ത്രാകരാല വദനേ ശിരോമാലാവിഭൂഷണേ।

ചാമുണ്ഡേ മുണ്ഡമഥനേ നാരായണി നമോഽസ്തുതേ

॥20॥

ശ്ലോക 22

ലക്ഷ്മീ ലജ്ജേ മഹാവിധ്യേ ശ്രദ്ധേ പുഷ്ടി സ്വധേ ധ്രുവേ।

മഹാരാത്രി മഹാമായേ നാരായണി നമോഽസ്തുതേ

॥21॥

ശ്ലോക 23

മേധേ സരസ്വതി വരേ ഭൂതി ബാഭ്രവി താമസി।

നിയതേ ത്വം പ്രസീദേശേ നാരായണി നമോഽസ്തുതേ

॥22॥

ശ്ലോക 24

സര്വസ്വരൂപേ സര്വേശേ സര്വശക്തിസമന്വിതേ।

ഭയേഭ്യസ്ത്രാഹി നോ ദേവി ദുര്ഗേ ദേവി നമോഽസ്തുതേ

॥23॥

ശ്ലോക 25

ഏതത്തേ വദനം സൌമ്യം ലോചനത്രയഭൂഷിതമ്।

പാതു നഃ സര്വഭൂതേഭ്യഃ കാത്യായിനി നമോഽസ്തുതേ

॥24॥

ശ്ലോക 26

ജ്വാലാകരാലമത്യുഗ്രമശേഷാസുരസൂദനമ്।

ത്രിശൂലം പാതു നോ ഭീതിര്ഭദ്രകാലി നമോഽസ്തുതേ

॥25॥

ശ്ലോക 27

ഹിനസ്തി ദൈത്യതേജാംസി സ്വനേനാപൂര്യ യാ ജഗത്।

സാ ഘണ്ടാ പാതു നോ ദേവി പാപേഭ്യോ നഃ സുതാനിവ

॥26॥

ശ്ലോക 28

അസുരാസൃഗ്വസാപങ്കചര്ചിതസ്തേ കരോജ്വലഃ।

ശുഭായ ഖഡ്ഗോ ഭവതു ചണ്ഡികേ ത്വാം നതാ വയമ്

॥27॥

ശ്ലോക 29

രോഗാനശേഷാനപഹംസി തുഷ്ടാ

രുഷ്ടാ തു കാമാ സകലാനഭീഷ്ടാന്

ത്വാമാശ്രിതാനാം ന വിപന്നരാണാം।

ത്വാമാശ്രിതാ ശ്രയതാം പ്രയാന്തി

॥28॥

ശ്ലോക 30

ഏതത്കൃതം യത്കദനം ത്വയാദ്യ

ദര്മദ്വിഷാം ദേവി മഹാസുരാണാമ്।

രൂപൈരനേകൈര്ഭഹുധാത്മമൂര്തിം

കൃത്വാമ്ഭികേ തത്പ്രകരോതി കാന്യാ

॥29॥

ശ്ലോക 31

വിദ്യാസു ശാസ്ത്രേഷു വിവേക ദീപേ

ഷ്വാദ്യേഷു വാക്യേഷു ച കാ ത്വദന്യാ

മമത്വഗര്തേഽതി മഹാന്ധകാരേ

വിഭ്രാമയത്യേതദതീവ വിശ്വമ്

॥30॥

ശ്ലോക 32

രക്ഷാംസി യത്രോ ഗ്രവിഷാശ്ച നാഗാ

യത്രാരയോ ദസ്യുബലാനി യത്ര।

ദാവാനലോ യത്ര തഥാബ്ധിമധ്യേ

തത്ര സ്ഥിതാ ത്വം പരിപാസി വിശ്വമ്

॥31॥

ശ്ലോക 33

വിശ്വേശ്വരി ത്വം പരിപാസി വിശ്വം

വിശ്വാത്മികാ ധാരയസീതി വിശ്വമ്।

വിശ്വേശവന്ധ്യാ ഭവതീ ഭവന്തി

വിശ്വാശ്രയാ യേത്വയി ഭക്തിനമ്രാഃ

॥32॥

ശ്ലോക 34

ദേവി പ്രസീദ പരിപാലയ നോഽരി

ഭീതേര്നിത്യം യഥാസുരവദാദധുനൈവ സദ്യഃ।

പാപാനി സര്വ ജഗതാം പ്രശമം നയാശു

ഉത്പാതപാകജനിതാംശ്ച മഹോപസര്ഗാന്

॥33॥

ശ്ലോക 35

പ്രണതാനാം പ്രസീദ ത്വം ദേവി വിശ്വാര്തി ഹാരിണി।

ത്രൈലോക്യവാസിനാമീഡ്യേ ലോകാനാം വരദാ ഭവ

॥34॥

ശ്ലോക 36

ദേവ്യുവാച

॥35॥

ശ്ലോക 37

വരദാഹം സുരഗണാ പരം യന്മനസേച്ചഥ।

തം വൃണുധ്വം പ്രയച്ഛാമി ജഗതാമുപകാരകമ്

॥36॥

ശ്ലോക 38

ദേവാ ഊചുഃ

॥37॥

ശ്ലോക 39

സര്വബാധാ പ്രശമനം ത്രൈലോക്യസ്യാഖിലേശ്വരി।

ഏവമേവ ത്വയാകാര്യ മസ്മദ്വൈരി വിനാശനമ്

॥38॥

ശ്ലോക 40

ദേവ്യുവാച

॥39॥

ശ്ലോക 41

വൈവസ്വതേഽന്തരേ പ്രാപ്തേ അഷ്ടാവിംശതിമേ യുഗേ।

ശുമ്ഭോ നിശുമ്ഭശ്ചൈവാന്യാവുത്പത്സ്യേതേ മഹാസുരൌ

॥40॥

ശ്ലോക 42

നന്ദഗോപഗൃഹേ ജാതാ യശോദാഗര്ഭ സമ്ഭവാ।

തതസ്തൌനാശയിഷ്യാമി വിന്ധ്യാചലനിവാസിനീ

॥41॥

ശ്ലോക 43

പുനരപ്യതിരൌദ്രേണ രൂപേണ പൃഥിവീതലേ।

അവതീര്യ ഹവിഷ്യാമി വൈപ്രചിത്താംസ്തു ദാനവാന്

॥42॥

ശ്ലോക 44

ഭക്ഷ്യ യന്ത്യാശ്ച താനുഗ്രാന് വൈപ്രചിത്താന് മഹാസുരാന്।

രക്തദന്താ ഭവിഷ്യന്തി ദാഡിമീകുസുമോപമാഃ

॥43॥

ശ്ലോക 45

തതോ മാം ദേവതാഃ സ്വര്ഗേ മര്ത്യലോകേ ച മാനവാഃ।

സ്തുവന്തോ വ്യാഹരിഷ്യന്തി സതതം രക്തദന്തികാമ്

॥44॥

ശ്ലോക 46

ഭൂയശ്ച ശതവാര്ഷിക്യാം അനാവൃഷ്ട്യാമനമ്ഭസി।

മുനിഭിഃ സംസ്തുതാ ഭൂമൌ സമ്ഭവിഷ്യാമ്യയോനിജാ

॥45॥

ശ്ലോക 47

തതഃ ശതേന നേത്രാണാം നിരീക്ഷിഷ്യാമ്യഹം മുനീന്

കീര്തിയിഷ്യന്തി മനുജാഃ ശതാക്ഷീമിതി മാം തതഃ

॥46॥

ശ്ലോക 48

തതോഽ ഹമഖിലം ലോകമാത്മദേഹസമുദ്ഭവൈഃ।

ഭരിഷ്യാമി സുരാഃ ശാകൈരാവൃഷ്ടേഃ പ്രാണ ധാരകൈഃ

॥47॥

ശ്ലോക 49

ശാകമ്ഭരീതി വിഖ്യാതിം തദാ യാസ്യാമ്യഹം ഭുവി।

തത്രൈവ ച വധിഷ്യാമി ദുര്ഗമാഖ്യം മഹാസുരമ്

॥48॥

ശ്ലോക 50

ദുര്ഗാദേവീതി വിഖ്യാതം തന്മേ നാമ ഭവിഷ്യതി।

പുനശ്ചാഹം യദാഭീമം രൂപം കൃത്വാ ഹിമാചലേ

॥49॥

ശ്ലോക 51

രക്ഷാംസി ക്ഷയയിഷ്യാമി മുനീനാം ത്രാണ കാരണാത്।

തദാ മാം മുനയഃ സര്വേ സ്തോഷ്യന്ത്യാന മ്രമൂര്തയഃ

॥50॥

ശ്ലോക 52

ഭീമാദേവീതി വിഖ്യാതം തന്മേ നാമ ഭവിഷ്യതി।

യദാരുണാഖ്യസ്ത്രൈലൊക്യേ മഹാബാധാം കരിഷ്യതി

॥51॥

ശ്ലോക 53

തദാഹം ഭ്രാമരം രൂപം കൃത്വാസജ്ഖ്യേയഷട്പദമ്।

ത്രൈലോക്യസ്യ ഹിതാര്ഥായ വധിഷ്യാമി മഹാസുരമ്

॥52॥

ശ്ലോക 54

ഭ്രാമരീതിച മാം ലോകാ സ്തദാസ്തോഷ്യന്തി സര്വതഃ।

ഇത്ഥം യദാ യദാ ബാധാ ദാനവോത്ഥാ ഭവിഷ്യതി

॥53॥

ശ്ലോക 55

തദാ തദാവതീര്യാഹം കരിഷ്യാമ്യരിസങ്ക്ഷയമ്

॥54॥

ശ്ലോക 56

॥ സ്വസ്തി ശ്രീ മാര്കണ്ഡേയ പുരാണേ സാവര്നികേ മന്വന്തരേ ദേവി മഹത്മ്യേ നാരായണീസ്തുതിര്നാമ ഏകാദശോഽധ്യായഃ സമാപ്തമ് ॥

ആഹുതി

ഓം ക്ലീം ജയന്തീ സാങ്ഗായൈ സശക്തികായൈ സപരിവാരായൈ സവാഹനായൈ ലക്ഷ്മീബീജാധിഷ്തായൈ ഗരുഡവാഹന്യൈ നാരയണീ ദേവ്യൈ-മഹാഹുതിം സമര്പയാമി നമഃ സ്വാഹാ ॥