ದೇವೀ ಮಾಹಾತ್ಮ್ಯಂ ದುರ್ಗಾ ಸಪ್ತಶತಿ ಏಕಾದಶೋಽಧ್ಯಾಯಃ

ದೇವೀ ಮಾಹಾತ್ಮ್ಯಂ ದುರ್ಗಾ ಸಪ್ತಶತಿ ಏಕಾದಶೋಽಧ್ಯಾಯಃ

ಶ್ಲೋಕ 1

ನಾರಾಯಣೀಸ್ತುತಿರ್ನಾಮ ಏಕಾದಶೋಽಧ್ಯಾಯಃ ॥

ಧ್ಯಾನಂ

ಓಂ ಬಾಲಾರ್ಕವಿದ್ಯುತಿಂ ಇನ್ದುಕಿರೀಟಾಂ ತುಙ್ಗಕುಚಾಂ ನಯನತ್ರಯಯುಕ್ತಾಮ್ ।

ಸ್ಮೇರಮುಖೀಂ ವರದಾಙ್ಕುಶಪಾಶಭೀತಿಕರಾಂ ಪ್ರಭಜೇ ಭುವನೇಶೀಮ್ ॥

ಋಷಿರುವಾಚ

ಶ್ಲೋಕ 2

ದೇವ್ಯಾ ಹತೇ ತತ್ರ ಮಹಾಸುರೇನ್ದ್ರೇ

ಸೇನ್ದ್ರಾಃ ಸುರಾ ವಹ್ನಿಪುರೋಗಮಾಸ್ತಾಮ್।

ಕಾತ್ಯಾಯನೀಂ ತುಷ್ಟುವುರಿಷ್ಟಲಾಭಾ-

ದ್ವಿಕಾಸಿವಕ್ತ್ರಾಬ್ಜ ವಿಕಾಸಿತಾಶಾಃ

॥1॥

ಶ್ಲೋಕ 3

ದೇವಿ ಪ್ರಪನ್ನಾರ್ತಿಹರೇ ಪ್ರಸೀದ

ಪ್ರಸೀದ ಮಾತರ್ಜಗತೋಽಭಿಲಸ್ಯ।

ಪ್ರಸೀದವಿಶ್ವೇಶ್ವರಿ ಪಾಹಿವಿಶ್ವಂ

ತ್ವಮೀಶ್ವರೀ ದೇವಿ ಚರಾಚರಸ್ಯ

॥ 2 ॥

ಶ್ಲೋಕ 4

ಆಧಾರ ಭೂತಾ ಜಗತಸ್ತ್ವಮೇಕಾ

ಮಹೀಸ್ವರೂಪೇಣ ಯತಃ ಸ್ಥಿತಾಸಿ

ಅಪಾಂ ಸ್ವರೂಪ ಸ್ಥಿತಯಾ ತ್ವಯೈತ

ದಾಪ್ಯಾಯತೇ ಕೃತ್ಸ್ನಮಲಙ್ಘ್ಯ ವೀರ್ಯೇ

॥3॥

ಶ್ಲೋಕ 5

ತ್ವಂ ವೈಷ್ಣವೀಶಕ್ತಿರನನ್ತವೀರ್ಯಾ

ವಿಶ್ವಸ್ಯ ಬೀಜಂ ಪರಮಾಸಿ ಮಾಯಾ।

ಸಮ್ಮೋಹಿತಂ ದೇವಿಸಮಸ್ತ ಮೇತತ್-

ತ್ತ್ವಂ ವೈ ಪ್ರಸನ್ನಾ ಭುವಿ ಮುಕ್ತಿಹೇತುಃ

॥4॥

ಶ್ಲೋಕ 6

ವಿದ್ಯಾಃ ಸಮಸ್ತಾಸ್ತವ ದೇವಿ ಭೇದಾಃ।

ಸ್ತ್ರಿಯಃ ಸಮಸ್ತಾಃ ಸಕಲಾ ಜಗತ್ಸು।

ತ್ವಯೈಕಯಾ ಪೂರಿತಮಮ್ಬಯೈತತ್

ಕಾತೇ ಸ್ತುತಿಃ ಸ್ತವ್ಯಪರಾಪರೋಕ್ತಿಃ

॥5॥

ಶ್ಲೋಕ 7

ಸರ್ವ ಭೂತಾ ಯದಾ ದೇವೀ ಭುಕ್ತಿ ಮುಕ್ತಿಪ್ರದಾಯಿನೀ।

ತ್ವಂ ಸ್ತುತಾ ಸ್ತುತಯೇ ಕಾ ವಾ ಭವನ್ತು ಪರಮೋಕ್ತಯಃ

॥6॥

ಶ್ಲೋಕ 8

ಸರ್ವಸ್ಯ ಬುದ್ಧಿರೂಪೇಣ ಜನಸ್ಯ ಹೃದಿ ಸಂಸ್ಥಿತೇ।

ಸ್ವರ್ಗಾಪವರ್ಗದೇ ದೇವಿ ನಾರಾಯಣಿ ನಮೋಽಸ್ತುತೇ

॥7॥

ಶ್ಲೋಕ 9

ಕಲಾಕಾಷ್ಠಾದಿರೂಪೇಣ ಪರಿಣಾಮ ಪ್ರದಾಯಿನಿ।

ವಿಶ್ವಸ್ಯೋಪರತೌ ಶಕ್ತೇ ನಾರಾಯಣಿ ನಮೋಸ್ತುತೇ

॥8॥

ಶ್ಲೋಕ 10

ಸರ್ವ ಮಙ್ಗಲ ಮಾಙ್ಗಲ್ಯೇ ಶಿವೇ ಸರ್ವಾರ್ಥ ಸಾಧಿಕೇ।

ಶರಣ್ಯೇ ತ್ರಯಮ್ಬಕೇ ಗೌರೀ ನಾರಾಯಣಿ ನಮೋಽಸ್ತುತೇ

॥9॥

ಶ್ಲೋಕ 11

ಸೃಷ್ಟಿಸ್ಥಿತಿವಿನಾಶಾನಾಂ ಶಕ್ತಿಭೂತೇ ಸನಾತನಿ।

ಗುಣಾಶ್ರಯೇ ಗುಣಮಯೇ ನಾರಾಯಣಿ ನಮೋಽಸ್ತುತೇ

॥10॥

ಶ್ಲೋಕ 12

ಶರಣಾಗತ ದೀನಾರ್ತ ಪರಿತ್ರಾಣಪರಾಯಣೇ।

ಸರ್ವಸ್ಯಾರ್ತಿಹರೇ ದೇವಿ ನಾರಾಯಣಿ ನಮೋಽಸ್ತುತೇ

॥11॥

ಶ್ಲೋಕ 13

ಹಂಸಯುಕ್ತ ವಿಮಾನಸ್ಥೇ ಬ್ರಹ್ಮಾಣೀ ರೂಪಧಾರಿಣೀ।

ಕೌಶಾಮ್ಭಃ ಕ್ಷರಿಕೇ ದೇವಿ ನಾರಾಯಣಿ ನಮೋಽಸ್ತುತೇ

॥12॥

ಶ್ಲೋಕ 14

ತ್ರಿಶೂಲಚನ್ದ್ರಾಹಿಧರೇ ಮಹಾವೃಷಭವಾಹಿನಿ।

ಮಾಹೇಶ್ವರೀ ಸ್ವರೂಪೇಣ ನಾರಾಯಣಿ ನಮೋಽಸ್ತುತೇ

॥13॥

ಶ್ಲೋಕ 15

ಮಯೂರ ಕುಕ್ಕುಟವೃತೇ ಮಹಾಶಕ್ತಿಧರೇಽನಘೇ।

ಕೌಮಾರೀರೂಪಸಂಸ್ಥಾನೇ ನಾರಾಯಣಿ ನಮೋಸ್ತುತೇ

॥14॥

ಶ್ಲೋಕ 16

ಶಙ್ಖಚಕ್ರಗದಾಶಾರ್ಙ್ಗಗೃಹೀತಪರಮಾಯುಧೇ।

ಪ್ರಸೀದ ವೈಷ್ಣವೀರೂಪೇನಾರಾಯಣಿ ನಮೋಽಸ್ತುತೇ

॥15॥

ಶ್ಲೋಕ 17

ಗೃಹೀತೋಗ್ರಮಹಾಚಕ್ರೇ ದಂಷ್ತ್ರೋದ್ಧೃತವಸುನ್ಧರೇ।

ವರಾಹರೂಪಿಣಿ ಶಿವೇ ನಾರಾಯಣಿ ನಮೋಸ್ತುತೇ

॥16॥

ಶ್ಲೋಕ 18

ನೃಸಿಂಹರೂಪೇಣೋಗ್ರೇಣ ಹನ್ತುಂ ದೈತ್ಯಾನ್ ಕೃತೋದ್ಯಮೇ।

ತ್ರೈಲೋಕ್ಯತ್ರಾಣಸಹಿತೇ ನಾರಾಯಣಿ ನಮೋಽಸ್ತುತೇ

॥17॥

ಶ್ಲೋಕ 19

ಕಿರೀಟಿನಿ ಮಹಾವಜ್ರೇ ಸಹಸ್ರನಯನೋಜ್ಜ್ವಲೇ।

ವೃತ್ರಪ್ರಾಣಹಾರೇ ಚೈನ್ದ್ರಿ ನಾರಾಯಣಿ ನಮೋಽಸ್ತುತೇ

॥18॥

ಶ್ಲೋಕ 20

ಶಿವದೂತೀಸ್ವರೂಪೇಣ ಹತದೈತ್ಯ ಮಹಾಬಲೇ।

ಘೋರರೂಪೇ ಮಹಾರಾವೇ ನಾರಾಯಣಿ ನಮೋಽಸ್ತುತೇ

॥19॥

ಶ್ಲೋಕ 21

ದಂಷ್ತ್ರಾಕರಾಲ ವದನೇ ಶಿರೋಮಾಲಾವಿಭೂಷಣೇ।

ಚಾಮುಣ್ಡೇ ಮುಣ್ಡಮಥನೇ ನಾರಾಯಣಿ ನಮೋಽಸ್ತುತೇ

॥20॥

ಶ್ಲೋಕ 22

ಲಕ್ಷ್ಮೀ ಲಜ್ಜೇ ಮಹಾವಿಧ್ಯೇ ಶ್ರದ್ಧೇ ಪುಷ್ಟಿ ಸ್ವಧೇ ಧ್ರುವೇ।

ಮಹಾರಾತ್ರಿ ಮಹಾಮಾಯೇ ನಾರಾಯಣಿ ನಮೋಽಸ್ತುತೇ

॥21॥

ಶ್ಲೋಕ 23

ಮೇಧೇ ಸರಸ್ವತಿ ವರೇ ಭೂತಿ ಬಾಭ್ರವಿ ತಾಮಸಿ।

ನಿಯತೇ ತ್ವಂ ಪ್ರಸೀದೇಶೇ ನಾರಾಯಣಿ ನಮೋಽಸ್ತುತೇ

॥22॥

ಶ್ಲೋಕ 24

ಸರ್ವಸ್ವರೂಪೇ ಸರ್ವೇಶೇ ಸರ್ವಶಕ್ತಿಸಮನ್ವಿತೇ।

ಭಯೇಭ್ಯಸ್ತ್ರಾಹಿ ನೋ ದೇವಿ ದುರ್ಗೇ ದೇವಿ ನಮೋಽಸ್ತುತೇ

॥23॥

ಶ್ಲೋಕ 25

ಏತತ್ತೇ ವದನಂ ಸೌಮ್ಯಂ ಲೋಚನತ್ರಯಭೂಷಿತಮ್।

ಪಾತು ನಃ ಸರ್ವಭೂತೇಭ್ಯಃ ಕಾತ್ಯಾಯಿನಿ ನಮೋಽಸ್ತುತೇ

॥24॥

ಶ್ಲೋಕ 26

ಜ್ವಾಲಾಕರಾಲಮತ್ಯುಗ್ರಮಶೇಷಾಸುರಸೂದನಮ್।

ತ್ರಿಶೂಲಂ ಪಾತು ನೋ ಭೀತಿರ್ಭದ್ರಕಾಲಿ ನಮೋಽಸ್ತುತೇ

॥25॥

ಶ್ಲೋಕ 27

ಹಿನಸ್ತಿ ದೈತ್ಯತೇಜಾಂಸಿ ಸ್ವನೇನಾಪೂರ್ಯ ಯಾ ಜಗತ್।

ಸಾ ಘಣ್ಟಾ ಪಾತು ನೋ ದೇವಿ ಪಾಪೇಭ್ಯೋ ನಃ ಸುತಾನಿವ

॥26॥

ಶ್ಲೋಕ 28

ಅಸುರಾಸೃಗ್ವಸಾಪಙ್ಕಚರ್ಚಿತಸ್ತೇ ಕರೋಜ್ವಲಃ।

ಶುಭಾಯ ಖಡ್ಗೋ ಭವತು ಚಣ್ಡಿಕೇ ತ್ವಾಂ ನತಾ ವಯಮ್

॥27॥

ಶ್ಲೋಕ 29

ರೋಗಾನಶೇಷಾನಪಹಂಸಿ ತುಷ್ಟಾ

ರುಷ್ಟಾ ತು ಕಾಮಾ ಸಕಲಾನಭೀಷ್ಟಾನ್

ತ್ವಾಮಾಶ್ರಿತಾನಾಂ ನ ವಿಪನ್ನರಾಣಾಂ।

ತ್ವಾಮಾಶ್ರಿತಾ ಶ್ರಯತಾಂ ಪ್ರಯಾನ್ತಿ

॥28॥

ಶ್ಲೋಕ 30

ಏತತ್ಕೃತಂ ಯತ್ಕದನಂ ತ್ವಯಾದ್ಯ

ದರ್ಮದ್ವಿಷಾಂ ದೇವಿ ಮಹಾಸುರಾಣಾಮ್।

ರೂಪೈರನೇಕೈರ್ಭಹುಧಾತ್ಮಮೂರ್ತಿಂ

ಕೃತ್ವಾಮ್ಭಿಕೇ ತತ್ಪ್ರಕರೋತಿ ಕಾನ್ಯಾ

॥29॥

ಶ್ಲೋಕ 31

ವಿದ್ಯಾಸು ಶಾಸ್ತ್ರೇಷು ವಿವೇಕ ದೀಪೇ

ಷ್ವಾದ್ಯೇಷು ವಾಕ್ಯೇಷು ಚ ಕಾ ತ್ವದನ್ಯಾ

ಮಮತ್ವಗರ್ತೇಽತಿ ಮಹಾನ್ಧಕಾರೇ

ವಿಭ್ರಾಮಯತ್ಯೇತದತೀವ ವಿಶ್ವಮ್

॥30॥

ಶ್ಲೋಕ 32

ರಕ್ಷಾಂಸಿ ಯತ್ರೋ ಗ್ರವಿಷಾಶ್ಚ ನಾಗಾ

ಯತ್ರಾರಯೋ ದಸ್ಯುಬಲಾನಿ ಯತ್ರ।

ದಾವಾನಲೋ ಯತ್ರ ತಥಾಬ್ಧಿಮಧ್ಯೇ

ತತ್ರ ಸ್ಥಿತಾ ತ್ವಂ ಪರಿಪಾಸಿ ವಿಶ್ವಮ್

॥31॥

ಶ್ಲೋಕ 33

ವಿಶ್ವೇಶ್ವರಿ ತ್ವಂ ಪರಿಪಾಸಿ ವಿಶ್ವಂ

ವಿಶ್ವಾತ್ಮಿಕಾ ಧಾರಯಸೀತಿ ವಿಶ್ವಮ್।

ವಿಶ್ವೇಶವನ್ಧ್ಯಾ ಭವತೀ ಭವನ್ತಿ

ವಿಶ್ವಾಶ್ರಯಾ ಯೇತ್ವಯಿ ಭಕ್ತಿನಮ್ರಾಃ

॥32॥

ಶ್ಲೋಕ 34

ದೇವಿ ಪ್ರಸೀದ ಪರಿಪಾಲಯ ನೋಽರಿ

ಭೀತೇರ್ನಿತ್ಯಂ ಯಥಾಸುರವದಾದಧುನೈವ ಸದ್ಯಃ।

ಪಾಪಾನಿ ಸರ್ವ ಜಗತಾಂ ಪ್ರಶಮಂ ನಯಾಶು

ಉತ್ಪಾತಪಾಕಜನಿತಾಂಶ್ಚ ಮಹೋಪಸರ್ಗಾನ್

॥33॥

ಶ್ಲೋಕ 35

ಪ್ರಣತಾನಾಂ ಪ್ರಸೀದ ತ್ವಂ ದೇವಿ ವಿಶ್ವಾರ್ತಿ ಹಾರಿಣಿ।

ತ್ರೈಲೋಕ್ಯವಾಸಿನಾಮೀಡ್ಯೇ ಲೋಕಾನಾಂ ವರದಾ ಭವ

॥34॥

ಶ್ಲೋಕ 36

ದೇವ್ಯುವಾಚ

॥35॥

ಶ್ಲೋಕ 37

ವರದಾಹಂ ಸುರಗಣಾ ಪರಂ ಯನ್ಮನಸೇಚ್ಚಥ।

ತಂ ವೃಣುಧ್ವಂ ಪ್ರಯಚ್ಛಾಮಿ ಜಗತಾಮುಪಕಾರಕಮ್

॥36॥

ಶ್ಲೋಕ 38

ದೇವಾ ಊಚುಃ

॥37॥

ಶ್ಲೋಕ 39

ಸರ್ವಬಾಧಾ ಪ್ರಶಮನಂ ತ್ರೈಲೋಕ್ಯಸ್ಯಾಖಿಲೇಶ್ವರಿ।

ಏವಮೇವ ತ್ವಯಾಕಾರ್ಯ ಮಸ್ಮದ್ವೈರಿ ವಿನಾಶನಮ್

॥38॥

ಶ್ಲೋಕ 40

ದೇವ್ಯುವಾಚ

॥39॥

ಶ್ಲೋಕ 41

ವೈವಸ್ವತೇಽನ್ತರೇ ಪ್ರಾಪ್ತೇ ಅಷ್ಟಾವಿಂಶತಿಮೇ ಯುಗೇ।

ಶುಮ್ಭೋ ನಿಶುಮ್ಭಶ್ಚೈವಾನ್ಯಾವುತ್ಪತ್ಸ್ಯೇತೇ ಮಹಾಸುರೌ

॥40॥

ಶ್ಲೋಕ 42

ನನ್ದಗೋಪಗೃಹೇ ಜಾತಾ ಯಶೋದಾಗರ್ಭ ಸಮ್ಭವಾ।

ತತಸ್ತೌನಾಶಯಿಷ್ಯಾಮಿ ವಿನ್ಧ್ಯಾಚಲನಿವಾಸಿನೀ

॥41॥

ಶ್ಲೋಕ 43

ಪುನರಪ್ಯತಿರೌದ್ರೇಣ ರೂಪೇಣ ಪೃಥಿವೀತಲೇ।

ಅವತೀರ್ಯ ಹವಿಷ್ಯಾಮಿ ವೈಪ್ರಚಿತ್ತಾಂಸ್ತು ದಾನವಾನ್

॥42॥

ಶ್ಲೋಕ 44

ಭಕ್ಷ್ಯ ಯನ್ತ್ಯಾಶ್ಚ ತಾನುಗ್ರಾನ್ ವೈಪ್ರಚಿತ್ತಾನ್ ಮಹಾಸುರಾನ್।

ರಕ್ತದನ್ತಾ ಭವಿಷ್ಯನ್ತಿ ದಾಡಿಮೀಕುಸುಮೋಪಮಾಃ

॥43॥

ಶ್ಲೋಕ 45

ತತೋ ಮಾಂ ದೇವತಾಃ ಸ್ವರ್ಗೇ ಮರ್ತ್ಯಲೋಕೇ ಚ ಮಾನವಾಃ।

ಸ್ತುವನ್ತೋ ವ್ಯಾಹರಿಷ್ಯನ್ತಿ ಸತತಂ ರಕ್ತದನ್ತಿಕಾಮ್

॥44॥

ಶ್ಲೋಕ 46

ಭೂಯಶ್ಚ ಶತವಾರ್ಷಿಕ್ಯಾಂ ಅನಾವೃಷ್ಟ್ಯಾಮನಮ್ಭಸಿ।

ಮುನಿಭಿಃ ಸಂಸ್ತುತಾ ಭೂಮೌ ಸಮ್ಭವಿಷ್ಯಾಮ್ಯಯೋನಿಜಾ

॥45॥

ಶ್ಲೋಕ 47

ತತಃ ಶತೇನ ನೇತ್ರಾಣಾಂ ನಿರೀಕ್ಷಿಷ್ಯಾಮ್ಯಹಂ ಮುನೀನ್

ಕೀರ್ತಿಯಿಷ್ಯನ್ತಿ ಮನುಜಾಃ ಶತಾಕ್ಷೀಮಿತಿ ಮಾಂ ತತಃ

॥46॥

ಶ್ಲೋಕ 48

ತತೋಽ ಹಮಖಿಲಂ ಲೋಕಮಾತ್ಮದೇಹಸಮುದ್ಭವೈಃ।

ಭರಿಷ್ಯಾಮಿ ಸುರಾಃ ಶಾಕೈರಾವೃಷ್ಟೇಃ ಪ್ರಾಣ ಧಾರಕೈಃ

॥47॥

ಶ್ಲೋಕ 49

ಶಾಕಮ್ಭರೀತಿ ವಿಖ್ಯಾತಿಂ ತದಾ ಯಾಸ್ಯಾಮ್ಯಹಂ ಭುವಿ।

ತತ್ರೈವ ಚ ವಧಿಷ್ಯಾಮಿ ದುರ್ಗಮಾಖ್ಯಂ ಮಹಾಸುರಮ್

॥48॥

ಶ್ಲೋಕ 50

ದುರ್ಗಾದೇವೀತಿ ವಿಖ್ಯಾತಂ ತನ್ಮೇ ನಾಮ ಭವಿಷ್ಯತಿ।

ಪುನಶ್ಚಾಹಂ ಯದಾಭೀಮಂ ರೂಪಂ ಕೃತ್ವಾ ಹಿಮಾಚಲೇ

॥49॥

ಶ್ಲೋಕ 51

ರಕ್ಷಾಂಸಿ ಕ್ಷಯಯಿಷ್ಯಾಮಿ ಮುನೀನಾಂ ತ್ರಾಣ ಕಾರಣಾತ್।

ತದಾ ಮಾಂ ಮುನಯಃ ಸರ್ವೇ ಸ್ತೋಷ್ಯನ್ತ್ಯಾನ ಮ್ರಮೂರ್ತಯಃ

॥50॥

ಶ್ಲೋಕ 52

ಭೀಮಾದೇವೀತಿ ವಿಖ್ಯಾತಂ ತನ್ಮೇ ನಾಮ ಭವಿಷ್ಯತಿ।

ಯದಾರುಣಾಖ್ಯಸ್ತ್ರೈಲೊಕ್ಯೇ ಮಹಾಬಾಧಾಂ ಕರಿಷ್ಯತಿ

॥51॥

ಶ್ಲೋಕ 53

ತದಾಹಂ ಭ್ರಾಮರಂ ರೂಪಂ ಕೃತ್ವಾಸಜ್ಖ್ಯೇಯಷಟ್ಪದಮ್।

ತ್ರೈಲೋಕ್ಯಸ್ಯ ಹಿತಾರ್ಥಾಯ ವಧಿಷ್ಯಾಮಿ ಮಹಾಸುರಮ್

॥52॥

ಶ್ಲೋಕ 54

ಭ್ರಾಮರೀತಿಚ ಮಾಂ ಲೋಕಾ ಸ್ತದಾಸ್ತೋಷ್ಯನ್ತಿ ಸರ್ವತಃ।

ಇತ್ಥಂ ಯದಾ ಯದಾ ಬಾಧಾ ದಾನವೋತ್ಥಾ ಭವಿಷ್ಯತಿ

॥53॥

ಶ್ಲೋಕ 55

ತದಾ ತದಾವತೀರ್ಯಾಹಂ ಕರಿಷ್ಯಾಮ್ಯರಿಸಙ್ಕ್ಷಯಮ್

॥54॥

ಶ್ಲೋಕ 56

॥ ಸ್ವಸ್ತಿ ಶ್ರೀ ಮಾರ್ಕಣ್ಡೇಯ ಪುರಾಣೇ ಸಾವರ್ನಿಕೇ ಮನ್ವನ್ತರೇ ದೇವಿ ಮಹತ್ಮ್ಯೇ ನಾರಾಯಣೀಸ್ತುತಿರ್ನಾಮ ಏಕಾದಶೋಽಧ್ಯಾಯಃ ಸಮಾಪ್ತಮ್ ॥

ಆಹುತಿ

ಓಂ ಕ್ಲೀಂ ಜಯನ್ತೀ ಸಾಙ್ಗಾಯೈ ಸಶಕ್ತಿಕಾಯೈ ಸಪರಿವಾರಾಯೈ ಸವಾಹನಾಯೈ ಲಕ್ಷ್ಮೀಬೀಜಾಧಿಷ್ತಾಯೈ ಗರುಡವಾಹನ್ಯೈ ನಾರಯಣೀ ದೇವ್ಯೈ-ಮಹಾಹುತಿಂ ಸಮರ್ಪಯಾಮಿ ನಮಃ ಸ್ವಾಹಾ ॥