ദേവീ മാഹാത്മ്യം ദേവി കവചമ്

ദേവീ മാഹാത്മ്യം ദേവി കവചമ്

ശ്ലോക 1

ഓം നമശ്ചണ്ഡികായൈ

ന്യാസഃ

അസ്യ ശ്രീ ചണ്ഡീ കവചസ്യ । ബ്രഹ്മാ ഋഷിഃ । അനുഷ്ടുപ് ഛന്ദഃ ।

ചാമുണ്ഡാ ദേവതാ । അങ്ഗന്യാസോക്ത മാതരോ ബീജമ് । നവാവരണോ മന്ത്രശക്തിഃ । ദിഗ്ബന്ധ ദേവതാഃ തത്വമ് । ശ്രീ ജഗദമ്ബാ പ്രീത്യര്ഥേ സപ്തശതീ പാഠാങ്ഗത്വേന ജപേ വിനിയോഗഃ ॥

ഓം നമശ്ചണ്ഡികായൈ

മാര്കണ്ഡേയ ഉവാച ।

ഓം യദ്ഗുഹ്യം പരമം ലോകേ സര്വരക്ഷാകരം നൃണാമ് ।

യന്ന കസ്യചിദാഖ്യാതം തന്മേ ബ്രൂഹി പിതാമഹ

ശ്ലോക 2

ബ്രഹ്മോവാച ।

അസ്തി ഗുഹ്യതമം വിപ്ര സര്വഭൂതോപകാരകമ് ।

ദേവ്യാസ്തു കവചം പുണ്യം തച്ഛൃണുഷ്വ മഹാമുനേ

॥ 1 ॥

ശ്ലോക 3

പ്രഥമം ശൈലപുത്രീ ച ദ്വിതീയം ബ്രഹ്മചാരിണീ ।

തൃതീയം ചന്ദ്രഘണ്ടേതി കൂഷ്മാണ്ഡേതി ചതുര്ഥകമ്

॥ 2 ॥

ശ്ലോക 4

പഞ്ചമം സ്കന്ദമാതേതി ഷഷ്ഠം കാത്യായനീതി ച ।

സപ്തമം കാലരാത്രീതി മഹാഗൌരീതി ചാഷ്ടമമ്

॥ 3 ॥

ശ്ലോക 5

നവമം സിദ്ധിദാത്രീ ച നവദുര്ഗാഃ പ്രകീര്തിതാഃ ।

ഉക്താന്യേതാനി നാമാനി ബ്രഹ്മണൈവ മഹാത്മനാ

॥ 4 ॥

ശ്ലോക 6

അഗ്നിനാ ദഹ്യമാനസ്തു ശത്രുമധ്യേ ഗതോ രണേ ।

വിഷമേ ദുര്ഗമേ ചൈവ ഭയാര്താഃ ശരണം ഗതാഃ

॥ 5 ॥

ശ്ലോക 7

ന തേഷാം ജായതേ കിഞ്ചിദശുഭം രണസങ്കടേ ।

നാപദം തസ്യ പശ്യാമി ശോകദുഃഖഭയം ന ഹി

॥ 6 ॥

ശ്ലോക 8

യൈസ്തു ഭക്ത്യാ സ്മൃതാ നൂനം തേഷാം വൃദ്ധിഃ പ്രജായതേ ।

യേ ത്വാം സ്മരന്തി ദേവേശി രക്ഷസേ താന്നസംശയഃ

॥ 7 ॥

ശ്ലോക 9

പ്രേതസംസ്ഥാ തു ചാമുണ്ഡാ വാരാഹീ മഹിഷാസനാ ।

ഐന്ദ്രീ ഗജസമാരൂഢാ വൈഷ്ണവീ ഗരുഡാസനാ

॥ 8 ॥

ശ്ലോക 10

മാഹേശ്വരീ വൃഷാരൂഢാ കൌമാരീ ശിഖിവാഹനാ ।

ലക്ഷ്മീഃ പദ്മാസനാ ദേവീ പദ്മഹസ്താ ഹരിപ്രിയാ

॥ 9 ॥

ശ്ലോക 11

ശ്വേതരൂപധരാ ദേവീ ഈശ്വരീ വൃഷവാഹനാ ।

ബ്രാഹ്മീ ഹംസസമാരൂഢാ സര്വാഭരണഭൂഷിതാ

॥ 10 ॥

ശ്ലോക 12

ഇത്യേതാ മാതരഃ സര്വാഃ സര്വയോഗസമന്വിതാഃ ।

നാനാഭരണാശോഭാഢ്യാ നാനാരത്നോപശോഭിതാഃ

॥ 11 ॥

ശ്ലോക 13

ദൃശ്യന്തേ രഥമാരൂഢാ ദേവ്യഃ ക്രോധസമാകുലാഃ ।

ശങ്ഖം ചക്രം ഗദാം ശക്തിം ഹലം ച മുസലായുധമ്

॥ 12 ॥

ശ്ലോക 14

ഖേടകം തോമരം ചൈവ പരശും പാശമേവ ച ।

കുന്തായുധം ത്രിശൂലം ച ശാര്ങ്ഗമായുധമുത്തമമ്

॥ 13 ॥

ശ്ലോക 15

ദൈത്യാനാം ദേഹനാശായ ഭക്താനാമഭയായ ച ।

ധാരയന്ത്യായുധാനീത്ഥം ദേവാനാം ച ഹിതായ വൈ

॥ 14 ॥

ശ്ലോക 16

നമസ്തേഽസ്തു മഹാരൌദ്രേ മഹാഘോരപരാക്രമേ ।

മഹാബലേ മഹോത്സാഹേ മഹാഭയവിനാശിനി

॥ 15 ॥

ശ്ലോക 17

ത്രാഹി മാം ദേവി ദുഷ്പ്രേക്ഷ്യേ ശത്രൂണാം ഭയവര്ധിനി ।

പ്രാച്യാം രക്ഷതു മാമൈന്ദ്രീ ആഗ്നേയ്യാമഗ്നിദേവതാ

॥ 16 ॥

ശ്ലോക 18

ദക്ഷിണേഽവതു വാരാഹീ നൈരൃത്യാം ഖഡ്ഗധാരിണീ ।

പ്രതീച്യാം വാരുണീ രക്ഷേദ്വായവ്യാം മൃഗവാഹിനീ

॥ 17 ॥

ശ്ലോക 19

ഉദീച്യാം പാതു കൌമാരീ ഐശാന്യാം ശൂലധാരിണീ ।

ഊര്ധ്വം ബ്രഹ്മാണീ മേ രക്ഷേദധസ്താദ്വൈഷ്ണവീ തഥാ

॥ 18 ॥

ശ്ലോക 20

ഏവം ദശ ദിശോ രക്ഷേച്ചാമുണ്ഡാ ശവവാഹനാ ।

ജയാ മേ ചാഗ്രതഃ പാതു വിജയാ പാതു പൃഷ്ഠതഃ

॥ 19 ॥

ശ്ലോക 21

അജിതാ വാമപാര്ശ്വേ തു ദക്ഷിണേ ചാപരാജിതാ ।

ശിഖാമുദ്യോതിനീ രക്ഷേദുമാ മൂര്ധ്നി വ്യവസ്ഥിതാ

॥ 20 ॥

ശ്ലോക 22

മാലാധരീ ലലാടേ ച ഭ്രുവൌ രക്ഷേദ്യശസ്വിനീ ।

ത്രിനേത്രാ ച ഭ്രുവോര്മധ്യേ യമഘണ്ടാ ച നാസികേ

॥ 21 ॥

ശ്ലോക 23

ശങ്ഖിനീ ചക്ഷുഷോര്മധ്യേ ശ്രോത്രയോര്ദ്വാരവാസിനീ ।

കപോലൌ കാലികാ രക്ഷേത്കര്ണമൂലേ തു ശാങ്കരീ

॥ 22 ॥

ശ്ലോക 24

നാസികായാം സുഗന്ധാ ച ഉത്തരോഷ്ഠേ ച ചര്ചികാ ।

അധരേ ചാമൃതകലാ ജിഹ്വായാം ച സരസ്വതീ

॥ 23 ॥

ശ്ലോക 25

ദന്താന് രക്ഷതു കൌമാരീ കണ്ഠദേശേ തു ചണ്ഡികാ ।

ഘണ്ടികാം ചിത്രഘണ്ടാ ച മഹാമായാ ച താലുകേ

॥ 24 ॥

ശ്ലോക 26

കാമാക്ഷീ ചിബുകം രക്ഷേദ്വാചം മേ സര്വമങ്ഗലാ ।

ഗ്രീവായാം ഭദ്രകാലീ ച പൃഷ്ഠവംശേ ധനുര്ധരീ

॥ 25 ॥

ശ്ലോക 27

നീലഗ്രീവാ ബഹിഃ കണ്ഠേ നലികാം നലകൂബരീ ।

സ്കന്ധയോഃ ഖഡ്ഗിനീ രക്ഷേദ്ബാഹൂ മേ വജ്രധാരിണീ

॥ 26 ॥

ശ്ലോക 28

ഹസ്തയോര്ദണ്ഡിനീ രക്ഷേദമ്ബികാ ചാങ്ഗുലീഷു ച ।

നഖാഞ്ഛൂലേശ്വരീ രക്ഷേത്കുക്ഷൌ രക്ഷേത്കുലേശ്വരീ

॥ 27 ॥

ശ്ലോക 29

സ്തനൌ രക്ഷേന്മഹാദേവീ മനഃശോകവിനാശിനീ ।

ഹൃദയേ ലലിതാ ദേവീ ഉദരേ ശൂലധാരിണീ

॥ 28 ॥

ശ്ലോക 30

നാഭൌ ച കാമിനീ രക്ഷേദ്ഗുഹ്യം ഗുഹ്യേശ്വരീ തഥാ ।

പൂതനാ കാമികാ മേഢ്രം ഗുദേ മഹിഷവാഹിനീ

॥ 29 ॥

ശ്ലോക 31

കട്യാം ഭഗവതീ രക്ഷേജ്ജാനുനീ വിന്ധ്യവാസിനീ ।

ജങ്ഘേ മഹാബലാ രക്ഷേത്സര്വകാമപ്രദായിനീ

॥ 30 ॥

ശ്ലോക 32

ഗുല്ഫയോര്നാരസിംഹീ ച പാദപൃഷ്ഠേ തു തൈജസീ ।

പാദാങ്ഗുലീഷു ശ്രീ രക്ഷേത്പാദാധസ്തലവാസിനീ

॥ 31 ॥

ശ്ലോക 33

നഖാന് ദംഷ്ട്രകരാലീ ച കേശാംശ്ചൈവോര്ധ്വകേശിനീ ।

രോമകൂപേഷു കൌമാരീ ത്വചം വാഗീശ്വരീ തഥാ

॥ 32 ॥

ശ്ലോക 34

രക്തമജ്ജാവസാമാംസാന്യസ്ഥിമേദാംസി പാര്വതീ ।

അന്ത്രാണി കാലരാത്രിശ്ച പിത്തം ച മുകുടേശ്വരീ

॥ 33 ॥

ശ്ലോക 35

പദ്മാവതീ പദ്മകോശേ കഫേ ചൂഡാമണിസ്തഥാ ।

ജ്വാലാമുഖീ നഖജ്വാലാമഭേദ്യാ സര്വസന്ധിഷു

॥ 34 ॥

ശ്ലോക 36

ശുക്രം ബ്രഹ്മാണി! മേ രക്ഷേച്ഛായാം ഛത്രേശ്വരീ തഥാ ।

അഹങ്കാരം മനോ ബുദ്ധിം രക്ഷേന്മേ ധര്മധാരിണീ

॥ 35 ॥

ശ്ലോക 37

പ്രാണാപാനൌ തഥാ വ്യാനമുദാനം ച സമാനകമ് ।

വജ്രഹസ്താ ച മേ രക്ഷേത്പ്രാണം കല്യാണശോഭനാ

॥ 36 ॥

ശ്ലോക 38

രസേ രൂപേ ച ഗന്ധേ ച ശബ്ദേ സ്പര്ശേ ച യോഗിനീ ।

സത്ത്വം രജസ്തമശ്ചൈവ രക്ഷേന്നാരായണീ സദാ

॥ 37 ॥

ശ്ലോക 39

ആയൂ രക്ഷതു വാരാഹീ ധര്മം രക്ഷതു വൈഷ്ണവീ ।

യശഃ കീര്തിം ച ലക്ഷ്മീം ച ധനം വിദ്യാം ച ചക്രിണീ

॥ 38 ॥

ശ്ലോക 40

ഗോത്രമിന്ദ്രാണി! മേ രക്ഷേത്പശൂന്മേ രക്ഷ ചണ്ഡികേ ।

പുത്രാന് രക്ഷേന്മഹാലക്ഷ്മീര്ഭാര്യാം രക്ഷതു ഭൈരവീ

॥ 39 ॥

ശ്ലോക 41

പന്ഥാനം സുപഥാ രക്ഷേന്മാര്ഗം ക്ഷേമകരീ തഥാ ।

രാജദ്വാരേ മഹാലക്ഷ്മീര്വിജയാ സര്വതഃ സ്ഥിതാ

॥ 40 ॥

ശ്ലോക 42

രക്ഷാഹീനം തു യത്-സ്ഥാനം വര്ജിതം കവചേന തു ।

തത്സര്വം രക്ഷ മേ ദേവി! ജയന്തീ പാപനാശിനീ

॥ 41 ॥

ശ്ലോക 43

പദമേകം ന ഗച്ഛേത്തു യദീച്ഛേച്ഛുഭമാത്മനഃ ।

കവചേനാവൃതോ നിത്യം യത്ര യത്രൈവ ഗച്ഛതി

॥ 42 ॥

ശ്ലോക 44

തത്ര തത്രാര്ഥലാഭശ്ച വിജയഃ സാര്വകാമികഃ ।

യം യം ചിന്തയതേ കാമം തം തം പ്രാപ്നോതി നിശ്ചിതമ്

॥ 43 ॥

ശ്ലോക 45

പരമൈശ്വര്യമതുലം പ്രാപ്സ്യതേ ഭൂതലേ പുമാന് ।

നിര്ഭയോ ജായതേ മര്ത്യഃ സങ്ഗ്രാമേഷ്വപരാജിതഃ

॥ 44 ॥

ശ്ലോക 46

ത്രൈലോക്യേ തു ഭവേത്പൂജ്യഃ കവചേനാവൃതഃ പുമാന് ।

ഇദം തു ദേവ്യാഃ കവചം ദേവാനാമപി ദുര്ലഭമ്

॥ 45 ॥

ശ്ലോക 47

യഃ പഠേത്പ്രയതോ നിത്യം ത്രിസന്ധ്യം ശ്രദ്ധയാന്വിതഃ ।

ദൈവീകലാ ഭവേത്തസ്യ ത്രൈലോക്യേഷ്വപരാജിതഃ । 47 ॥

ജീവേദ്വര്ഷശതം സാഗ്രമപമൃത്യുവിവര്ജിതഃ ।

നശ്യന്തി വ്യാധയഃ സര്വേ ലൂതാവിസ്ഫോടകാദയഃ

॥ 46 ॥

ശ്ലോക 48

സ്ഥാവരം ജങ്ഗമം ചൈവ കൃത്രിമം ചൈവ യദ്വിഷമ് ।

അഭിചാരാണി സര്വാണി മന്ത്രയന്ത്രാണി ഭൂതലേ

॥ 48 ॥

ശ്ലോക 49

ഭൂചരാഃ ഖേചരാശ്ചൈവ ജുലജാശ്ചോപദേശികാഃ ।

സഹജാ കുലജാ മാലാ ഡാകിനീ ശാകിനീ തഥാ

॥ 49 ॥

ശ്ലോക 50

അന്തരിക്ഷചരാ ഘോരാ ഡാകിന്യശ്ച മഹാബലാഃ ।

ഗ്രഹഭൂതപിശാചാശ്ച യക്ഷഗന്ധര്വരാക്ഷസാഃ

॥ 50 ॥

ശ്ലോക 51

ബ്രഹ്മരാക്ഷസവേതാലാഃ കൂഷ്മാണ്ഡാ ഭൈരവാദയഃ ।

നശ്യന്തി ദര്ശനാത്തസ്യ കവചേ ഹൃദി സംസ്ഥിതേ

॥ 51 ॥

ശ്ലോക 52

മാനോന്നതിര്ഭവേദ്രാജ്ഞസ്തേജോവൃദ്ധികരം പരമ് ।

യശസാ വര്ധതേ സോഽപി കീര്തിമണ്ഡിതഭൂതലേ

॥ 52 ॥

ശ്ലോക 53

ജപേത്സപ്തശതീം ചണ്ഡീം കൃത്വാ തു കവചം പുരാ ।

യാവദ്ഭൂമണ്ഡലം ധത്തേ സശൈലവനകാനനമ്

॥ 53 ॥

ശ്ലോക 54

താവത്തിഷ്ഠതി മേദിന്യാം സന്തതിഃ പുത്രപൌത്രികീ ।

ദേഹാന്തേ പരമം സ്ഥാനം യത്സുരൈരപി ദുര്ലഭമ്

॥ 54 ॥

ശ്ലോക 55

പ്രാപ്നോതി പുരുഷോ നിത്യം മഹാമായാപ്രസാദതഃ ।

ലഭതേ പരമം രൂപം ശിവേന സഹ മോദതേ

॥ 55 ॥

ശ്ലോക 56

॥ ഇതി വാരാഹപുരാണേ ഹരിഹരബ്രഹ്മ വിരചിതം ദേവ്യാഃ കവചം സമ്പൂര്ണമ് ॥