দেবী মাহাত্ম্যং দেবি কবচম্

দেবী মাহাত্ম্যং দেবি কবচম্

শ্লোক 1

ওঁ নমশ্চণ্ডিকাযৈ

ন্যাসঃ

অস্য শ্রী চণ্ডী কবচস্য । ব্রহ্মা ঋষিঃ । অনুষ্টুপ্ ছন্দঃ ।

চামুণ্ডা দেবতা । অঙ্গন্যাসোক্ত মাতরো বীজম্ । নবাবরণো মন্ত্রশক্তিঃ । দিগ্বন্ধ দেবতাঃ তত্বম্ । শ্রী জগদম্বা প্রীত্যর্থে সপ্তশতী পাঠাঙ্গত্বেন জপে বিনিযোগঃ ॥

ওঁ নমশ্চণ্ডিকাযৈ

মার্কণ্ডেয উবাচ ।

ওঁ যদ্গুহ্যং পরমং লোকে সর্বরক্ষাকরং নৃণাম্ ।

যন্ন কস্যচিদাখ্যাতং তন্মে ব্রূহি পিতামহ

শ্লোক 2

ব্রহ্মোবাচ ।

অস্তি গুহ্যতমং বিপ্র সর্বভূতোপকারকম্ ।

দেব্যাস্তু কবচং পুণ্যং তচ্ছৃণুষ্ব মহামুনে

॥ 1 ॥

শ্লোক 3

প্রথমং শৈলপুত্রী চ দ্বিতীযং ব্রহ্মচারিণী ।

তৃতীযং চন্দ্রঘণ্টেতি কূষ্মাণ্ডেতি চতুর্থকম্

॥ 2 ॥

শ্লোক 4

পঞ্চমং স্কন্দমাতেতি ষষ্ঠং কাত্যাযনীতি চ ।

সপ্তমং কালরাত্রীতি মহাগৌরীতি চাষ্টমম্

॥ 3 ॥

শ্লোক 5

নবমং সিদ্ধিদাত্রী চ নবদুর্গাঃ প্রকীর্তিতাঃ ।

উক্তান্যেতানি নামানি ব্রহ্মণৈব মহাত্মনা

॥ 4 ॥

শ্লোক 6

অগ্নিনা দহ্যমানস্তু শত্রুমধ্যে গতো রণে ।

বিষমে দুর্গমে চৈব ভযার্তাঃ শরণং গতাঃ

॥ 5 ॥

শ্লোক 7

ন তেষাং জাযতে কিঞ্চিদশুভং রণসঙ্কটে ।

নাপদং তস্য পশ্যামি শোকদুঃখভযং ন হি

॥ 6 ॥

শ্লোক 8

যৈস্তু ভক্ত্যা স্মৃতা নূনং তেষাং বৃদ্ধিঃ প্রজাযতে ।

যে ত্বাং স্মরন্তি দেবেশি রক্ষসে তান্নসংশযঃ

॥ 7 ॥

শ্লোক 9

প্রেতসংস্থা তু চামুণ্ডা বারাহী মহিষাসনা ।

ঐন্দ্রী গজসমারূঢা বৈষ্ণবী গরুডাসনা

॥ 8 ॥

শ্লোক 10

মাহেশ্বরী বৃষারূঢা কৌমারী শিখিবাহনা ।

লক্ষ্মীঃ পদ্মাসনা দেবী পদ্মহস্তা হরিপ্রিযা

॥ 9 ॥

শ্লোক 11

শ্বেতরূপধরা দেবী ঈশ্বরী বৃষবাহনা ।

ব্রাহ্মী হংসসমারূঢা সর্বাভরণভূষিতা

॥ 10 ॥

শ্লোক 12

ইত্যেতা মাতরঃ সর্বাঃ সর্বযোগসমন্বিতাঃ ।

নানাভরণাশোভাঢ্যা নানারত্নোপশোভিতাঃ

॥ 11 ॥

শ্লোক 13

দৃশ্যন্তে রথমারূঢা দেব্যঃ ক্রোধসমাকুলাঃ ।

শঙ্খং চক্রং গদাং শক্তিং হলং চ মুসলাযুধম্

॥ 12 ॥

শ্লোক 14

খেটকং তোমরং চৈব পরশুং পাশমেব চ ।

কুন্তাযুধং ত্রিশূলং চ শার্ঙ্গমাযুধমুত্তমম্

॥ 13 ॥

শ্লোক 15

দৈত্যানাং দেহনাশায ভক্তানামভযায চ ।

ধারযন্ত্যাযুধানীত্থং দেবানাং চ হিতায বৈ

॥ 14 ॥

শ্লোক 16

নমস্তেঽস্তু মহারৌদ্রে মহাঘোরপরাক্রমে ।

মহাবলে মহোত্সাহে মহাভযবিনাশিনি

॥ 15 ॥

শ্লোক 17

ত্রাহি মাং দেবি দুষ্প্রেক্ষ্যে শত্রূণাং ভযবর্ধিনি ।

প্রাচ্যাং রক্ষতু মামৈন্দ্রী আগ্নেয্যামগ্নিদেবতা

॥ 16 ॥

শ্লোক 18

দক্ষিণেঽবতু বারাহী নৈরৃত্যাং খড্গধারিণী ।

প্রতীচ্যাং বারুণী রক্ষেদ্বাযব্যাং মৃগবাহিনী

॥ 17 ॥

শ্লোক 19

উদীচ্যাং পাতু কৌমারী ঐশান্যাং শূলধারিণী ।

ঊর্ধ্বং ব্রহ্মাণী মে রক্ষেদধস্তাদ্বৈষ্ণবী তথা

॥ 18 ॥

শ্লোক 20

এবং দশ দিশো রক্ষেচ্চামুণ্ডা শববাহনা ।

জযা মে চাগ্রতঃ পাতু বিজযা পাতু পৃষ্ঠতঃ

॥ 19 ॥

শ্লোক 21

অজিতা বামপার্শ্বে তু দক্ষিণে চাপরাজিতা ।

শিখামুদ্যোতিনী রক্ষেদুমা মূর্ধ্নি ব্যবস্থিতা

॥ 20 ॥

শ্লোক 22

মালাধরী ললাটে চ ভ্রুবৌ রক্ষেদ্যশস্বিনী ।

ত্রিনেত্রা চ ভ্রুবোর্মধ্যে যমঘণ্টা চ নাসিকে

॥ 21 ॥

শ্লোক 23

শঙ্খিনী চক্ষুষোর্মধ্যে শ্রোত্রযোর্দ্বারবাসিনী ।

কপোলৌ কালিকা রক্ষেত্কর্ণমূলে তু শাঙ্করী

॥ 22 ॥

শ্লোক 24

নাসিকাযাং সুগন্ধা চ উত্তরোষ্ঠে চ চর্চিকা ।

অধরে চামৃতকলা জিহ্বাযাং চ সরস্বতী

॥ 23 ॥

শ্লোক 25

দন্তান্ রক্ষতু কৌমারী কণ্ঠদেশে তু চণ্ডিকা ।

ঘণ্টিকাং চিত্রঘণ্টা চ মহামাযা চ তালুকে

॥ 24 ॥

শ্লোক 26

কামাক্ষী চিবুকং রক্ষেদ্বাচং মে সর্বমঙ্গলা ।

গ্রীবাযাং ভদ্রকালী চ পৃষ্ঠবংশে ধনুর্ধরী

॥ 25 ॥

শ্লোক 27

নীলগ্রীবা বহিঃ কণ্ঠে নলিকাং নলকূবরী ।

স্কন্ধযোঃ খড্গিনী রক্ষেদ্বাহূ মে বজ্রধারিণী

॥ 26 ॥

শ্লোক 28

হস্তযোর্দণ্ডিনী রক্ষেদম্বিকা চাঙ্গুলীষু চ ।

নখাঞ্ছূলেশ্বরী রক্ষেত্কুক্ষৌ রক্ষেত্কুলেশ্বরী

॥ 27 ॥

শ্লোক 29

স্তনৌ রক্ষেন্মহাদেবী মনঃশোকবিনাশিনী ।

হৃদযে ললিতা দেবী উদরে শূলধারিণী

॥ 28 ॥

শ্লোক 30

নাভৌ চ কামিনী রক্ষেদ্গুহ্যং গুহ্যেশ্বরী তথা ।

পূতনা কামিকা মেঢ্রং গুদে মহিষবাহিনী

॥ 29 ॥

শ্লোক 31

কট্যাং ভগবতী রক্ষেজ্জানুনী বিন্ধ্যবাসিনী ।

জঙ্ঘে মহাবলা রক্ষেত্সর্বকামপ্রদাযিনী

॥ 30 ॥

শ্লোক 32

গুল্ফযোর্নারসিংহী চ পাদপৃষ্ঠে তু তৈজসী ।

পাদাঙ্গুলীষু শ্রী রক্ষেত্পাদাধস্তলবাসিনী

॥ 31 ॥

শ্লোক 33

নখান্ দংষ্ট্রকরালী চ কেশাংশ্চৈবোর্ধ্বকেশিনী ।

রোমকূপেষু কৌমারী ত্বচং বাগীশ্বরী তথা

॥ 32 ॥

শ্লোক 34

রক্তমজ্জাবসামাংসান্যস্থিমেদাংসি পার্বতী ।

অন্ত্রাণি কালরাত্রিশ্চ পিত্তং চ মুকুটেশ্বরী

॥ 33 ॥

শ্লোক 35

পদ্মাবতী পদ্মকোশে কফে চূডামণিস্তথা ।

জ্বালামুখী নখজ্বালামভেদ্যা সর্বসন্ধিষু

॥ 34 ॥

শ্লোক 36

শুক্রং ব্রহ্মাণি! মে রক্ষেচ্ছাযাং ছত্রেশ্বরী তথা ।

অহঙ্কারং মনো বুদ্ধিং রক্ষেন্মে ধর্মধারিণী

॥ 35 ॥

শ্লোক 37

প্রাণাপানৌ তথা ব্যানমুদানং চ সমানকম্ ।

বজ্রহস্তা চ মে রক্ষেত্প্রাণং কল্যাণশোভনা

॥ 36 ॥

শ্লোক 38

রসে রূপে চ গন্ধে চ শব্দে স্পর্শে চ যোগিনী ।

সত্ত্বং রজস্তমশ্চৈব রক্ষেন্নারাযণী সদা

॥ 37 ॥

শ্লোক 39

আযূ রক্ষতু বারাহী ধর্মং রক্ষতু বৈষ্ণবী ।

যশঃ কীর্তিং চ লক্ষ্মীং চ ধনং বিদ্যাং চ চক্রিণী

॥ 38 ॥

শ্লোক 40

গোত্রমিন্দ্রাণি! মে রক্ষেত্পশূন্মে রক্ষ চণ্ডিকে ।

পুত্রান্ রক্ষেন্মহালক্ষ্মীর্ভার্যাং রক্ষতু ভৈরবী

॥ 39 ॥

শ্লোক 41

পন্থানং সুপথা রক্ষেন্মার্গং ক্ষেমকরী তথা ।

রাজদ্বারে মহালক্ষ্মীর্বিজযা সর্বতঃ স্থিতা

॥ 40 ॥

শ্লোক 42

রক্ষাহীনং তু যত্-স্থানং বর্জিতং কবচেন তু ।

তত্সর্বং রক্ষ মে দেবি! জযন্তী পাপনাশিনী

॥ 41 ॥

শ্লোক 43

পদমেকং ন গচ্ছেত্তু যদীচ্ছেচ্ছুভমাত্মনঃ ।

কবচেনাবৃতো নিত্যং যত্র যত্রৈব গচ্ছতি

॥ 42 ॥

শ্লোক 44

তত্র তত্রার্থলাভশ্চ বিজযঃ সার্বকামিকঃ ।

যং যং চিন্তযতে কামং তং তং প্রাপ্নোতি নিশ্চিতম্

॥ 43 ॥

শ্লোক 45

পরমৈশ্বর্যমতুলং প্রাপ্স্যতে ভূতলে পুমান্ ।

নির্ভযো জাযতে মর্ত্যঃ সঙ্গ্রামেষ্বপরাজিতঃ

॥ 44 ॥

শ্লোক 46

ত্রৈলোক্যে তু ভবেত্পূজ্যঃ কবচেনাবৃতঃ পুমান্ ।

ইদং তু দেব্যাঃ কবচং দেবানামপি দুর্লভম্

॥ 45 ॥

শ্লোক 47

যঃ পঠেত্প্রযতো নিত্যং ত্রিসন্ধ্যং শ্রদ্ধযান্বিতঃ ।

দৈবীকলা ভবেত্তস্য ত্রৈলোক্যেষ্বপরাজিতঃ । 47 ॥

জীবেদ্বর্ষশতং সাগ্রমপমৃত্যুবিবর্জিতঃ ।

নশ্যন্তি ব্যাধযঃ সর্বে লূতাবিস্ফোটকাদযঃ

॥ 46 ॥

শ্লোক 48

স্থাবরং জঙ্গমং চৈব কৃত্রিমং চৈব যদ্বিষম্ ।

অভিচারাণি সর্বাণি মন্ত্রযন্ত্রাণি ভূতলে

॥ 48 ॥

শ্লোক 49

ভূচরাঃ খেচরাশ্চৈব জুলজাশ্চোপদেশিকাঃ ।

সহজা কুলজা মালা ডাকিনী শাকিনী তথা

॥ 49 ॥

শ্লোক 50

অন্তরিক্ষচরা ঘোরা ডাকিন্যশ্চ মহাবলাঃ ।

গ্রহভূতপিশাচাশ্চ যক্ষগন্ধর্বরাক্ষসাঃ

॥ 50 ॥

শ্লোক 51

ব্রহ্মরাক্ষসবেতালাঃ কূষ্মাণ্ডা ভৈরবাদযঃ ।

নশ্যন্তি দর্শনাত্তস্য কবচে হৃদি সংস্থিতে

॥ 51 ॥

শ্লোক 52

মানোন্নতির্ভবেদ্রাজ্ঞস্তেজোবৃদ্ধিকরং পরম্ ।

যশসা বর্ধতে সোঽপি কীর্তিমণ্ডিতভূতলে

॥ 52 ॥

শ্লোক 53

জপেত্সপ্তশতীং চণ্ডীং কৃত্বা তু কবচং পুরা ।

যাবদ্ভূমণ্ডলং ধত্তে সশৈলবনকাননম্

॥ 53 ॥

শ্লোক 54

তাবত্তিষ্ঠতি মেদিন্যাং সন্ততিঃ পুত্রপৌত্রিকী ।

দেহান্তে পরমং স্থানং যত্সুরৈরপি দুর্লভম্

॥ 54 ॥

শ্লোক 55

প্রাপ্নোতি পুরুষো নিত্যং মহামাযাপ্রসাদতঃ ।

লভতে পরমং রূপং শিবেন সহ মোদতে

॥ 55 ॥

শ্লোক 56

॥ ইতি বারাহপুরাণে হরিহরব্রহ্ম বিরচিতং দেব্যাঃ কবচং সম্পূর্ণম্ ॥