ದೇವೀ ಮಾಹಾತ್ಮ್ಯಂ ಅರ್ಗಲಾ ಸ್ತೋತ್ರಮ್

ದೇವೀ ಮಾಹಾತ್ಮ್ಯಂ ಅರ್ಗಲಾ ಸ್ತೋತ್ರಮ್

ಶ್ಲೋಕ 1

ಅಸ್ಯಶ್ರೀ ಅರ್ಗಲಾ ಸ್ತೋತ್ರ ಮನ್ತ್ರಸ್ಯ ವಿಷ್ಣುಃ ಋಷಿಃ। ಅನುಷ್ಟುಪ್ಛನ್ದಃ। ಶ್ರೀ ಮಹಾಲಕ್ಷೀರ್ದೇವತಾ। ಮನ್ತ್ರೋದಿತಾ ದೇವ್ಯೋಬೀಜಂ।

ನವಾರ್ಣೋ ಮನ್ತ್ರ ಶಕ್ತಿಃ। ಶ್ರೀ ಸಪ್ತಶತೀ ಮನ್ತ್ರಸ್ತತ್ವಂ ಶ್ರೀ ಜಗದಮ್ಬಾ ಪ್ರೀತ್ಯರ್ಥೇ ಸಪ್ತಶತೀ ಪಠಾಂ ಗತ್ವೇನ ಜಪೇ ವಿನಿಯೋಗಃ॥

ಧ್ಯಾನಂ

ಓಂ ಬನ್ಧೂಕ ಕುಸುಮಾಭಾಸಾಂ ಪಞ್ಚಮುಣ್ಡಾಧಿವಾಸಿನೀಂ।

ಸ್ಫುರಚ್ಚನ್ದ್ರಕಲಾರತ್ನ ಮುಕುಟಾಂ ಮುಣ್ಡಮಾಲಿನೀಂ॥

ತ್ರಿನೇತ್ರಾಂ ರಕ್ತ ವಸನಾಂ ಪೀನೋನ್ನತ ಘಟಸ್ತನೀಂ।

ಪುಸ್ತಕಂ ಚಾಕ್ಷಮಾಲಾಂ ಚ ವರಂ ಚಾಭಯಕಂ ಕ್ರಮಾತ್॥

ದಧತೀಂ ಸಂಸ್ಮರೇನ್ನಿತ್ಯಮುತ್ತರಾಮ್ನಾಯಮಾನಿತಾಂ।

ಅಥವಾ

ಯಾ ಚಣ್ಡೀ ಮಧುಕೈಟಭಾದಿ ದೈತ್ಯದಲನೀ ಯಾ ಮಾಹಿಷೋನ್ಮೂಲಿನೀ

ಯಾ ಧೂಮ್ರೇಕ್ಷನ ಚಣ್ಡಮುಣ್ಡಮಥನೀ ಯಾ ರಕ್ತ ಬೀಜಾಶನೀ।

ಶಕ್ತಿಃ ಶುಮ್ಭನಿಶುಮ್ಭದೈತ್ಯದಲನೀ ಯಾ ಸಿದ್ಧಿ ದಾತ್ರೀ ಪರಾ

ಸಾ ದೇವೀ ನವ ಕೋಟಿ ಮೂರ್ತಿ ಸಹಿತಾ ಮಾಂ ಪಾತು ವಿಶ್ವೇಶ್ವರೀ॥

ಓಂ ನಮಶ್ಚಣ್ಡಿಕಾಯೈ

ಮಾರ್ಕಣ್ಡೇಯ ಉವಾಚ

ಓಂ ಜಯತ್ವಂ ದೇವಿ ಚಾಮುಣ್ಡೇ ಜಯ ಭೂತಾಪಹಾರಿಣಿ।

ಜಯ ಸರ್ವ ಗತೇ ದೇವಿ ಕಾಲ ರಾತ್ರಿ ನಮೋಽಸ್ತುತೇ

ಶ್ಲೋಕ 2

ಮಧುಕೈಠಭವಿದ್ರಾವಿ ವಿಧಾತ್ರು ವರದೇ ನಮಃ

ಓಂ ಜಯನ್ತೀ ಮಙ್ಗಲಾ ಕಾಲೀ ಭದ್ರಕಾಲೀ ಕಪಾಲಿನೀ

॥1॥

ಶ್ಲೋಕ 3

ದುರ್ಗಾ ಶಿವಾ ಕ್ಷಮಾ ಧಾತ್ರೀ ಸ್ವಾಹಾ ಸ್ವಧಾ ನಮೋಽಸ್ತುತೇ

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥2॥

ಶ್ಲೋಕ 4

ಮಹಿಷಾಸುರ ನಿರ್ನಾಶಿ ಭಕ್ತಾನಾಂ ಸುಖದೇ ನಮಃ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥3॥

ಶ್ಲೋಕ 5

ಧೂಮ್ರನೇತ್ರ ವಧೇ ದೇವಿ ಧರ್ಮ ಕಾಮಾರ್ಥ ದಾಯಿನಿ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥4॥

ಶ್ಲೋಕ 6

ರಕ್ತ ಬೀಜ ವಧೇ ದೇವಿ ಚಣ್ಡ ಮುಣ್ಡ ವಿನಾಶಿನಿ ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥5॥

ಶ್ಲೋಕ 7

ನಿಶುಮ್ಭಶುಮ್ಭ ನಿರ್ನಾಶಿ ತ್ರೈಲೋಕ್ಯ ಶುಭದೇ ನಮಃ

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥6॥

ಶ್ಲೋಕ 8

ವನ್ದಿ ತಾಙ್ಘ್ರಿಯುಗೇ ದೇವಿ ಸರ್ವಸೌಭಾಗ್ಯ ದಾಯಿನಿ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥7॥

ಶ್ಲೋಕ 9

ಅಚಿನ್ತ್ಯ ರೂಪ ಚರಿತೇ ಸರ್ವ ಶತ್ರು ವಿನಾಶಿನಿ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥8॥

ಶ್ಲೋಕ 10

ನತೇಭ್ಯಃ ಸರ್ವದಾ ಭಕ್ತ್ಯಾ ಚಾಪರ್ಣೇ ದುರಿತಾಪಹೇ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥9॥

ಶ್ಲೋಕ 11

ಸ್ತುವದ್ಭ್ಯೋಭಕ್ತಿಪೂರ್ವಂ ತ್ವಾಂ ಚಣ್ಡಿಕೇ ವ್ಯಾಧಿ ನಾಶಿನಿ

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥10॥

ಶ್ಲೋಕ 12

ಚಣ್ಡಿಕೇ ಸತತಂ ಯುದ್ಧೇ ಜಯನ್ತೀ ಪಾಪನಾಶಿನಿ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥11॥

ಶ್ಲೋಕ 13

ದೇಹಿ ಸೌಭಾಗ್ಯಮಾರೋಗ್ಯಂ ದೇಹಿ ದೇವೀ ಪರಂ ಸುಖಂ।

ರೂಪಂ ಧೇಹಿ ಜಯಂ ದೇಹಿ ಯಶೋ ಧೇಹಿ ದ್ವಿಷೋ ಜಹಿ

॥12॥

ಶ್ಲೋಕ 14

ವಿಧೇಹಿ ದೇವಿ ಕಲ್ಯಾಣಂ ವಿಧೇಹಿ ವಿಪುಲಾಂ ಶ್ರಿಯಂ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥13॥

ಶ್ಲೋಕ 15

ವಿಧೇಹಿ ದ್ವಿಷತಾಂ ನಾಶಂ ವಿಧೇಹಿ ಬಲಮುಚ್ಚಕೈಃ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥14॥

ಶ್ಲೋಕ 16

ಸುರಾಸುರಶಿರೋ ರತ್ನ ನಿಘೃಷ್ಟಚರಣೇಽಮ್ಬಿಕೇ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥15॥

ಶ್ಲೋಕ 17

ವಿಧ್ಯಾವನ್ತಂ ಯಶಸ್ವನ್ತಂ ಲಕ್ಷ್ಮೀವನ್ತಞ್ಚ ಮಾಂ ಕುರು।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥16॥

ಶ್ಲೋಕ 18

ದೇವಿ ಪ್ರಚಣ್ಡ ದೋರ್ದಣ್ಡ ದೈತ್ಯ ದರ್ಪ ನಿಷೂದಿನಿ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥17॥

ಶ್ಲೋಕ 19

ಪ್ರಚಣ್ಡ ದೈತ್ಯದರ್ಪಘ್ನೇ ಚಣ್ಡಿಕೇ ಪ್ರಣತಾಯಮೇ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥18॥

ಶ್ಲೋಕ 20

ಚತುರ್ಭುಜೇ ಚತುರ್ವಕ್ತ್ರ ಸಂಸ್ತುತೇ ಪರಮೇಶ್ವರಿ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥19॥

ಶ್ಲೋಕ 21

ಕೃಷ್ಣೇನ ಸಂಸ್ತುತೇ ದೇವಿ ಶಶ್ವದ್ಭಕ್ತ್ಯಾ ಸದಾಮ್ಬಿಕೇ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥20॥

ಶ್ಲೋಕ 22

ಹಿಮಾಚಲಸುತಾನಾಥಸಂಸ್ತುತೇ ಪರಮೇಶ್ವರಿ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥21॥

ಶ್ಲೋಕ 23

ಇನ್ದ್ರಾಣೀ ಪತಿಸದ್ಭಾವ ಪೂಜಿತೇ ಪರಮೇಶ್ವರಿ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥22॥

ಶ್ಲೋಕ 24

ದೇವಿ ಭಕ್ತಜನೋದ್ದಾಮ ದತ್ತಾನನ್ದೋದಯೇಽಮ್ಬಿಕೇ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥23॥

ಶ್ಲೋಕ 25

ಭಾರ್ಯಾಂ ಮನೋರಮಾಂ ದೇಹಿ ಮನೋವೃತ್ತಾನುಸಾರಿಣೀಂ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥24॥

ಶ್ಲೋಕ 26

ತಾರಿಣೀಂ ದುರ್ಗ ಸಂಸಾರ ಸಾಗರ ಸ್ಯಾಚಲೋದ್ಭವೇ।

ರೂಪಂ ದೇಹಿ ಜಯಂ ದೇಹಿ ಯಶೋ ದೇಹಿ ದ್ವಿಷೋ ಜಹಿ

॥25॥

ಶ್ಲೋಕ 27

ಇದಂಸ್ತೋತ್ರಂ ಪಠಿತ್ವಾ ತು ಮಹಾಸ್ತೋತ್ರಂ ಪಠೇನ್ನರಃ।

ಸಪ್ತಶತೀಂ ಸಮಾರಾಧ್ಯ ವರಮಾಪ್ನೋತಿ ದುರ್ಲಭಂ

॥26॥

ಶ್ಲೋಕ 28

॥ ಇತಿ ಶ್ರೀ ಅರ್ಗಲಾ ಸ್ತೋತ್ರಂ ಸಮಾಪ್ತಮ್ ॥