దక్షిణా మూర్తి స్తోత్రమ్

దక్షిణా మూర్తి స్తోత్రమ్

శ్లోక 1

శాన్తిపాఠః

ఓం యో బ్రహ్మాణం విదధాతి పూర్వం

యో వై వేదాంశ్చ ప్రహిణోతి తస్మై ।

తం హ దేవమాత్మబుద్ధిప్రకాశం

ముముక్షుర్వై శరణమహం ప్రపద్యే ॥

ధ్యానమ్

ఓం మౌనవ్యాఖ్యా ప్రకటిత పరబ్రహ్మతత్త్వం యువానం

వర్షిష్ఠాన్తే వసదృషిగణైరావృతం బ్రహ్మనిష్ఠైః ।

ఆచార్యేన్ద్రం కరకలిత చిన్ముద్రమానన్దమూర్తిం

స్వాత్మారామం ముదితవదనం దక్షిణామూర్తిమీడే

శ్లోక 2

వటవిటపిసమీపేభూమిభాగే నిషణ్ణం

సకలమునిజనానాం జ్ఞానదాతారమారాత్ ।

త్రిభువనగురుమీశం దక్షిణామూర్తిదేవం

జననమరణదుఃఖచ్ఛేదదక్షం నమామి

॥ 1 ॥

శ్లోక 3

చిత్రం వటతరోర్మూలే వృద్ధాః శిష్యా గురుర్యువా ।

గురోస్తు మౌనం వ్యాఖ్యానం శిష్యాస్తుచ్ఛిన్నసంశయాః

॥ 2 ॥

శ్లోక 4

నిధయే సర్వవిద్యానాం భిషజే భవరోగిణామ్ ।

గురవే సర్వలోకానాం దక్షిణామూర్తయే నమః

॥ 3 ॥

శ్లోక 5

ఓం నమః ప్రణవార్థాయ శుద్ధజ్ఞానైకమూర్తయే ।

నిర్మలాయ ప్రశాన్తాయ దక్షిణామూర్తయే నమః

॥ 4 ॥

శ్లోక 6

చిద్ఘనాయ మహేశాయ వటమూలనివాసినే ।

సచ్చిదానన్దరూపాయ దక్షిణామూర్తయే నమః

॥ 5 ॥

శ్లోక 7

ఈశ్వరో గురురాత్మేతి మూర్తిభేదవిభాగినే ।

వ్యోమవద్వ్యాప్తదేహాయ దక్షిణామూర్తయే నమః

॥ 6 ॥

శ్లోక 8

అఙ్గుష్ఠతర్జనీ యోగముద్రా వ్యాజేనయోగినామ్ ।

శృత్యర్థం బ్రహ్మజీవైక్యం దర్శయన్యోగతా శివః

॥ 7 ॥

శ్లోక 9

ఓం శాన్తిః శాన్తిః శాన్తిః ॥

స్తోత్రమ్

విశ్వం దర్పణ-దృశ్యమాన-నగరీ తుల్యం నిజాన్తర్గతం

పశ్యన్నాత్మని మాయయా బహిరివోద్భూతం యథా నిద్రయా ।

యస్సాక్షాత్కురుతే ప్రబోధసమయే స్వాత్మానమే వాద్వయం

తస్మై శ్రీగురుమూర్తయే నమ ఇదం శ్రీ దక్షిణామూర్తయే

॥ 8 ॥

శ్లోక 10

బీజస్యాన్తరి-వాఙ్కురో జగదితం ప్రాఙ్నిర్వికల్పం పునః

మాయాకల్పిత దేశకాలకలనా వైచిత్ర్యచిత్రీకృతమ్ ।

మాయావీవ విజృమ్భయత్యపి మహాయోగీవ యః స్వేచ్ఛయా

తస్మై శ్రీగురుమూర్తయే నమ ఇదం శ్రీ దక్షిణామూర్తయే

॥ 1 ॥

శ్లోక 11

యస్యైవ స్ఫురణం సదాత్మకమసత్కల్పార్థకం భాసతే

సాక్షాత్తత్వమసీతి వేదవచసా యో బోధయత్యాశ్రితాన్ ।

యస్సాక్షాత్కరణాద్భవేన్న పునరావృత్తిర్భవామ్భోనిధౌ

తస్మై శ్రీగురుమూర్తయే నమ ఇదం శ్రీ దక్షిణామూర్తయే

॥ 2 ॥

శ్లోక 12

నానాచ్ఛిద్ర ఘటోదర స్థిత మహాదీప ప్రభాభాస్వరం

జ్ఞానం యస్య తు చక్షురాదికరణ ద్వారా బహిః స్పన్దతే ।

జానామీతి తమేవ భాన్తమనుభాత్యేతత్సమస్తం జగత్

తస్మై శ్రీ గురుమూర్తయే నమ ఇదం శ్రీ దక్షిణామూర్తయే

॥ 3 ॥

శ్లోక 13

దేహం ప్రాణమపీన్ద్రియాణ్యపి చలాం బుద్ధిం చ శూన్యం విదుః

స్త్రీ బాలాన్ధ జడోపమాస్త్వహమితి భ్రాన్తాభృశం వాదినః ।

మాయాశక్తి విలాసకల్పిత మహావ్యామోహ సంహారిణే

తస్మై శ్రీ గురుమూర్తయే నమ ఇదం శ్రీ దక్షిణామూర్తయే

॥ 4 ॥

శ్లోక 14

రాహుగ్రస్త దివాకరేన్దు సదృశో మాయా సమాచ్ఛాదనాత్

సన్మాత్రః కరణోప సంహరణతో యోఽభూత్సుషుప్తః పుమాన్ ।

ప్రాగస్వాప్సమితి ప్రభోదసమయే యః ప్రత్యభిజ్ఞాయతే

తస్మై శ్రీ గురుమూర్తయే నమ ఇదం శ్రీ దక్షిణామూర్తయే

॥ 5 ॥

శ్లోక 15

బాల్యాదిష్వపి జాగ్రదాదిషు తథా సర్వాస్వవస్థాస్వపి

వ్యావృత్తా స్వను వర్తమాన మహమిత్యన్తః స్ఫురన్తం సదా ।

స్వాత్మానం ప్రకటీకరోతి భజతాం యో ముద్రయా భద్రయా

తస్మై శ్రీ గురుమూర్తయే నమ ఇదం శ్రీ దక్షిణామూర్తయే

॥ 6 ॥

శ్లోక 16

విశ్వం పశ్యతి కార్యకారణతయా స్వస్వామిసమ్బన్ధతః

శిష్యచార్యతయా తథైవ పితృ పుత్రాద్యాత్మనా భేదతః ।

స్వప్నే జాగ్రతి వా య ఏష పురుషో మాయా పరిభ్రామితః

తస్మై శ్రీ గురుమూర్తయే నమ ఇదం శ్రీ దక్షిణామూర్తయే

॥ 7 ॥

శ్లోక 17

భూరమ్భాంస్యనలోఽనిలోమ్బర మహర్నాథో హిమాంశుః పుమాన్

ఇత్యాభాతి చరాచరాత్మకమిదం యస్యైవ మూర్త్యష్టకమ్ ।

నాన్యత్కిఞ్చన విద్యతే విమృశతాం యస్మాత్పరస్మాద్విభో

తస్మై శ్రీ గురుమూర్తయే నమ ఇదం శ్రీ దక్షిణామూర్తయే

॥ 8 ॥

శ్లోక 18

సర్వాత్మత్వమితి స్ఫుటీకృతమిదం యస్మాదముష్మిన్ స్తవే

తేనాస్వ శ్రవణాత్తదర్థ మననాద్ధ్యానాచ్చ సఙ్కీర్తనాత్ ।

సర్వాత్మత్వ మహావిభూతిసహితం స్యాదీశ్వరత్వం స్వతః

సిద్ధ్యేత్తత్పునరష్టధా పరిణతం చైశ్వర్య-మవ్యాహతమ్

॥ 9 ॥

శ్లోక 19

॥ ఇతి శ్రీమచ్ఛఙ్కరాచార్యవిరచితం దక్షిణామూర్తిస్తోత్రం సమ్పూర్ణమ్ ॥