ભવાની અષ્ટકમ્

ભવાની અષ્ટકમ્

શ્લોક 1

ન તાતો ન માતા ન બન્ધુર્ન દાતા

ન પુત્રો ન પુત્રી ન ભૃત્યો ન ભર્તા

ન જાયા ન વિદ્યા ન વૃત્તિર્મમૈવ

ગતિસ્ત્વં ગતિસ્ત્વં ત્વમેકા ભવાનિ

શ્લોક 2

ભવાબ્ધાવપારે મહાદુઃખભીરુ

પપાત પ્રકામી પ્રલોભી પ્રમત્તઃ

કુસંસારપાશપ્રબદ્ધઃ સદાહં

ગતિસ્ત્વં ગતિસ્ત્વં ત્વમેકા ભવાનિ

॥ 1 ॥

શ્લોક 3

ન જાનામિ દાનં ન ચ ધ્યાનયોગં

ન જાનામિ તન્ત્રં ન ચ સ્તોત્રમન્ત્રમ્

ન જાનામિ પૂજાં ન ચ ન્યાસયોગં

ગતિસ્ત્વં ગતિસ્ત્વં ત્વમેકા ભવાનિ

॥ 2 ॥

શ્લોક 4

ન જાનામિ પુણ્યં ન જાનામિ તીર્થં

ન જાનામિ મુક્તિં લયં વા કદાચિત્

ન જાનામિ ભક્તિં વ્રતં વાપિ માતઃ

ગતિસ્ત્વં ગતિસ્ત્વં ત્વમેકા ભવાનિ

॥ 3 ॥

શ્લોક 5

કુકર્મી કુસઙ્ગી કુબુદ્ધિઃ કુદાસઃ

કુલાચારહીનઃ કદાચારલીનઃ

કુદૃષ્ટિઃ કુવાક્યપ્રબન્ધઃ સદાહં

ગતિસ્ત્વં ગતિસ્ત્વં ત્વમેકા ભવાનિ

॥ 4 ॥

શ્લોક 6

પ્રજેશં રમેશં મહેશં સુરેશં

દિનેશં નિશીથેશ્વરં વા કદાચિત્

ન જાનામિ ચાન્યત્ સદાહં શરણ્યે

ગતિસ્ત્વં ગતિસ્ત્વં ત્વમેકા ભવાનિ

॥ 5 ॥

શ્લોક 7

વિવાદે વિષાદે પ્રમાદે પ્રવાસે

જલે ચાનલે પર્વતે શત્રુમધ્યે

અરણ્યે શરણ્યે સદા માં પ્રપાહિ

ગતિસ્ત્વં ગતિસ્ત્વં ત્વમેકા ભવાનિ

॥ 6 ॥

શ્લોક 8

અનાથો દરિદ્રો જરારોગયુક્તો

મહાક્ષીણદીનઃ સદા જાડ્યવક્ત્રઃ

વિપત્તૌ પ્રવિષ્ટઃ પ્રનષ્ટઃ સદાહં

ગતિસ્ત્વં ગતિસ્ત્વં ત્વમેકા ભવાનિ

॥ 7 ॥

શ્લોક 9

॥ ઇતિ શ્રીમદાદિશઙ્કરાચાર્યવિરચિતં ભવાન્યષ્ટકં સમ્પૂર્ણમ્ ॥