అష్ట లక్ష్మీ స్తోత్రమ్

అష్ట లక్ష్మీ స్తోత్రమ్

శ్లోక 1

ఆదిలక్ష్మి

సుమనస వన్దిత సున్దరి మాధవి, చన్ద్ర సహొదరి హేమమయే

మునిగణ వన్దిత మోక్షప్రదాయని, మఞ్జుల భాషిణి వేదనుతే ।

పఙ్కజవాసిని దేవ సుపూజిత, సద్గుణ వర్షిణి శాన్తియుతే

జయ జయహే మధుసూదన కామిని, ఆదిలక్ష్మి పరిపాలయ మామ్

శ్లోక 2

ధాన్యలక్ష్మి

అయికలి కల్మష నాశిని కామిని, వైదిక రూపిణి వేదమయే

క్షీర సముద్భవ మఙ్గల రూపిణి, మన్త్రనివాసిని మన్త్రనుతే ।

మఙ్గలదాయిని అమ్బుజవాసిని, దేవగణాశ్రిత పాదయుతే

జయ జయహే మధుసూదన కామిని, ధాన్యలక్ష్మి సదాపాలయ మామ్ [పరిపాలయ మామ్]

॥ 1 ॥

శ్లోక 3

ధైర్యలక్ష్మి

జయవరవర్షిణి వైష్ణవి భార్గవి, మన్త్ర స్వరూపిణి మన్త్రమయే [జయవరవర్ణిని]

సురగణ పూజిత శీఘ్ర ఫలప్రద, జ్ఞాన వికాసిని శాస్త్రనుతే ।

భవభయహారిణి పాపవిమోచని, సాధు జనాశ్రిత పాదయుతే

జయ జయహే మధు సూధన కామిని, ధైర్యలక్ష్మీ పరిపాలయ మామ్

॥ 2 ॥

శ్లోక 4

గజలక్ష్మి

జయ జయ దుర్గతి నాశిని కామిని, సర్వఫలప్రద శాస్త్రమయే

రధగజ తురగపదాతి సమావృత, పరిజన మణ్డిత లోకనుతే ।

హరిహర బ్రహ్మ సుపూజిత సేవిత, తాప నివారిణి పాదయుతే

జయ జయహే మధుసూదన కామిని, గజలక్ష్మీ రూపేణ పాలయ మామ్

॥ 3 ॥

శ్లోక 5

సన్తానలక్ష్మి

అయిఖగ వాహిని మోహిని చక్రిణి, రాగవివర్ధిని జ్ఞానమయే

గుణగణవారధి లోకహితైషిణి, స్వరసప్త భూషిత గాననుతే । [సప్తస్వర]

సకల సురాసుర దేవ మునీశ్వర, మానవ వన్దిత పాదయుతే

జయ జయహే మధుసూదన కామిని, సన్తానలక్ష్మీ త్వం పాలయ మామ్ [పరిపాలయ మామ్]

॥ 4 ॥

శ్లోక 6

విజయలక్ష్మి

జయ కమలాసిని సద్గతి దాయిని, జ్ఞానవికాసిని గానమయే

అనుదిన మర్చిత కుఙ్కుమ ధూసర, భూషిత వాసిత వాద్యనుతే ।

కనకధరాస్తుతి వైభవ వన్దిత, శఙ్కరదేశిక మాన్యపదే

జయ జయహే మధుసూదన కామిని, విజయలక్ష్మీ సదా పాలయ మామ్ [పరిపాలయ మామ్]

॥ 5 ॥

శ్లోక 7

విద్యాలక్ష్మి

ప్రణత సురేశ్వరి భారతి భార్గవి, శోకవినాశిని రత్నమయే

మణిమయ భూషిత కర్ణవిభూషణ, శాన్తి సమావృత హాస్యముఖే ।

నవనిధి దాయిని కలిమలహారిణి, కామిత ఫలప్రద హస్తయుతే

జయ జయహే మధుసూదన కామిని, విద్యాలక్ష్మీ సదా పాలయ మామ్

॥ 6 ॥

శ్లోక 8

ధనలక్ష్మి

ధిమిధిమి ధిన్ధిమి ధిన్ధిమి-దిన్ధిమి, దున్ధుభి నాద సుపూర్ణమయే

ఘుమఘుమ ఘుఙ్ఘుమ ఘుఙ్ఘుమ ఘుఙ్ఘుమ, శఙ్ఖ నినాద సువాద్యనుతే ।

వేద పూరాణేతిహాస సుపూజిత, వైదిక మార్గ ప్రదర్శయుతే

జయ జయహే మధుసూదన కామిని, ధనలక్ష్మి రూపేణా పాలయ మామ్

॥ 7 ॥

శ్లోక 9

ఫలశృతి

శ్లో॥ అష్టలక్ష్మీ నమస్తుభ్యం వరదే కామరూపిణి ।

విష్ణువక్షః స్థలా రూఢే భక్త మోక్ష ప్రదాయిని ॥

శ్లో॥ శఙ్ఖ చక్రగదాహస్తే విశ్వరూపిణితే జయః ।

జగన్మాత్రే చ మోహిన్యై మఙ్గలం శుభ మఙ్గలమ్ ॥