അഷ്ട ലക്ഷ്മീ സ്തോത്രമ്

അഷ്ട ലക്ഷ്മീ സ്തോത്രമ്

ശ്ലോക 1

ആദിലക്ഷ്മി

സുമനസ വന്ദിത സുന്ദരി മാധവി, ചന്ദ്ര സഹൊദരി ഹേമമയേ

മുനിഗണ വന്ദിത മോക്ഷപ്രദായനി, മഞ്ജുല ഭാഷിണി വേദനുതേ ।

പങ്കജവാസിനി ദേവ സുപൂജിത, സദ്ഗുണ വര്ഷിണി ശാന്തിയുതേ

ജയ ജയഹേ മധുസൂദന കാമിനി, ആദിലക്ഷ്മി പരിപാലയ മാമ്

ശ്ലോക 2

ധാന്യലക്ഷ്മി

അയികലി കല്മഷ നാശിനി കാമിനി, വൈദിക രൂപിണി വേദമയേ

ക്ഷീര സമുദ്ഭവ മങ്ഗല രൂപിണി, മന്ത്രനിവാസിനി മന്ത്രനുതേ ।

മങ്ഗലദായിനി അമ്ബുജവാസിനി, ദേവഗണാശ്രിത പാദയുതേ

ജയ ജയഹേ മധുസൂദന കാമിനി, ധാന്യലക്ഷ്മി സദാപാലയ മാമ് [പരിപാലയ മാമ്]

॥ 1 ॥

ശ്ലോക 3

ധൈര്യലക്ഷ്മി

ജയവരവര്ഷിണി വൈഷ്ണവി ഭാര്ഗവി, മന്ത്ര സ്വരൂപിണി മന്ത്രമയേ [ജയവരവര്ണിനി]

സുരഗണ പൂജിത ശീഘ്ര ഫലപ്രദ, ജ്ഞാന വികാസിനി ശാസ്ത്രനുതേ ।

ഭവഭയഹാരിണി പാപവിമോചനി, സാധു ജനാശ്രിത പാദയുതേ

ജയ ജയഹേ മധു സൂധന കാമിനി, ധൈര്യലക്ഷ്മീ പരിപാലയ മാമ്

॥ 2 ॥

ശ്ലോക 4

ഗജലക്ഷ്മി

ജയ ജയ ദുര്ഗതി നാശിനി കാമിനി, സര്വഫലപ്രദ ശാസ്ത്രമയേ

രധഗജ തുരഗപദാതി സമാവൃത, പരിജന മണ്ഡിത ലോകനുതേ ।

ഹരിഹര ബ്രഹ്മ സുപൂജിത സേവിത, താപ നിവാരിണി പാദയുതേ

ജയ ജയഹേ മധുസൂദന കാമിനി, ഗജലക്ഷ്മീ രൂപേണ പാലയ മാമ്

॥ 3 ॥

ശ്ലോക 5

സന്താനലക്ഷ്മി

അയിഖഗ വാഹിനി മോഹിനി ചക്രിണി, രാഗവിവര്ധിനി ജ്ഞാനമയേ

ഗുണഗണവാരധി ലോകഹിതൈഷിണി, സ്വരസപ്ത ഭൂഷിത ഗാനനുതേ । [സപ്തസ്വര]

സകല സുരാസുര ദേവ മുനീശ്വര, മാനവ വന്ദിത പാദയുതേ

ജയ ജയഹേ മധുസൂദന കാമിനി, സന്താനലക്ഷ്മീ ത്വം പാലയ മാമ് [പരിപാലയ മാമ്]

॥ 4 ॥

ശ്ലോക 6

വിജയലക്ഷ്മി

ജയ കമലാസിനി സദ്ഗതി ദായിനി, ജ്ഞാനവികാസിനി ഗാനമയേ

അനുദിന മര്ചിത കുങ്കുമ ധൂസര, ഭൂഷിത വാസിത വാദ്യനുതേ ।

കനകധരാസ്തുതി വൈഭവ വന്ദിത, ശങ്കരദേശിക മാന്യപദേ

ജയ ജയഹേ മധുസൂദന കാമിനി, വിജയലക്ഷ്മീ സദാ പാലയ മാമ് [പരിപാലയ മാമ്]

॥ 5 ॥

ശ്ലോക 7

വിദ്യാലക്ഷ്മി

പ്രണത സുരേശ്വരി ഭാരതി ഭാര്ഗവി, ശോകവിനാശിനി രത്നമയേ

മണിമയ ഭൂഷിത കര്ണവിഭൂഷണ, ശാന്തി സമാവൃത ഹാസ്യമുഖേ ।

നവനിധി ദായിനി കലിമലഹാരിണി, കാമിത ഫലപ്രദ ഹസ്തയുതേ

ജയ ജയഹേ മധുസൂദന കാമിനി, വിദ്യാലക്ഷ്മീ സദാ പാലയ മാമ്

॥ 6 ॥

ശ്ലോക 8

ധനലക്ഷ്മി

ധിമിധിമി ധിന്ധിമി ധിന്ധിമി-ദിന്ധിമി, ദുന്ധുഭി നാദ സുപൂര്ണമയേ

ഘുമഘുമ ഘുങ്ഘുമ ഘുങ്ഘുമ ഘുങ്ഘുമ, ശങ്ഖ നിനാദ സുവാദ്യനുതേ ।

വേദ പൂരാണേതിഹാസ സുപൂജിത, വൈദിക മാര്ഗ പ്രദര്ശയുതേ

ജയ ജയഹേ മധുസൂദന കാമിനി, ധനലക്ഷ്മി രൂപേണാ പാലയ മാമ്

॥ 7 ॥

ശ്ലോക 9

ഫലശൃതി

ശ്ലോ॥ അഷ്ടലക്ഷ്മീ നമസ്തുഭ്യം വരദേ കാമരൂപിണി ।

വിഷ്ണുവക്ഷഃ സ്ഥലാ രൂഢേ ഭക്ത മോക്ഷ പ്രദായിനി ॥

ശ്ലോ॥ ശങ്ഖ ചക്രഗദാഹസ്തേ വിശ്വരൂപിണിതേ ജയഃ ।

ജഗന്മാത്രേ ച മോഹിന്യൈ മങ്ഗലം ശുഭ മങ്ഗലമ് ॥