ఆపదుద్ధారక హనుమత్స్తోత్రమ్

ఆపదుద్ధారక హనుమత్స్తోత్రమ్

శ్లోక 1

ఓం అస్య శ్రీ ఆపదుద్ధారక హనుమత్ స్తోత్ర మహామన్త్ర కవచస్య, విభీషణ ఋషిః, హనుమాన్ దేవతా, సర్వాపదుద్ధారక శ్రీహనుమత్ప్రసాదేన మమ సర్వాపన్నివృత్త్యర్థే, సర్వకార్యానుకూల్య సిద్ధ్యర్థే జపే వినియోగః ।

ధ్యానమ్ ।

వామే కరే వైరిభిదం వహన్తం

శైలం పరే శృఙ్ఖలహారిటఙ్కమ్ ।

దధానమచ్ఛచ్ఛవియజ్ఞసూత్రం

భజే జ్వలత్కుణ్డలమాఞ్జనేయమ్

శ్లోక 2

సంవీతకౌపీన ముదఞ్చితాఙ్గులిం

సముజ్జ్వలన్మౌఞ్జిమథోపవీతినమ్ ।

సకుణ్డలం లమ్బిశిఖాసమావృతం

తమాఞ్జనేయం శరణం ప్రపద్యే

॥ 1 ॥

శ్లోక 3

ఆపన్నాఖిలలోకార్తిహారిణే శ్రీహనూమతే ।

అకస్మాదాగతోత్పాత నాశనాయ నమో నమః

॥ 2 ॥

శ్లోక 4

సీతావియుక్తశ్రీరామశోకదుఃఖభయాపహ ।

తాపత్రితయసంహారిన్ ఆఞ్జనేయ నమోఽస్తు తే

॥ 3 ॥

శ్లోక 5

ఆధివ్యాధి మహామారీ గ్రహపీడాపహారిణే ।

ప్రాణాపహర్త్రేదైత్యానాం రామప్రాణాత్మనే నమః

॥ 4 ॥

శ్లోక 6

సంసారసాగరావర్త కర్తవ్యభ్రాన్తచేతసామ్ ।

శరణాగతమర్త్యానాం శరణ్యాయ నమోఽస్తు తే

॥ 5 ॥

శ్లోక 7

వజ్రదేహాయ కాలాగ్నిరుద్రాయాఽమితతేజసే ।

బ్రహ్మాస్త్రస్తమ్భనాయాస్మై నమః శ్రీరుద్రమూర్తయే

॥ 6 ॥

శ్లోక 8

రామేష్టం కరుణాపూర్ణం హనూమన్తం భయాపహమ్ ।

శత్రునాశకరం భీమం సర్వాభీష్టప్రదాయకమ్

॥ 7 ॥

శ్లోక 9

కారాగృహే ప్రయాణే వా సఙ్గ్రామే శత్రుసఙ్కటే ।

జలే స్థలే తథాఽఽకాశే వాహనేషు చతుష్పథే

॥ 8 ॥

శ్లోక 10

గజసింహ మహావ్యాఘ్ర చోర భీషణ కాననే ।

యే స్మరన్తి హనూమన్తం తేషాం నాస్తి విపత్ క్వచిత్

॥ 9 ॥

శ్లోక 11

సర్వవానరముఖ్యానాం ప్రాణభూతాత్మనే నమః ।

శరణ్యాయ వరేణ్యాయ వాయుపుత్రాయ తే నమః

॥ 10 ॥

శ్లోక 12

ప్రదోషే వా ప్రభాతే వా యే స్మరన్త్యఞ్జనాసుతమ్ ।

అర్థసిద్ధిం జయం కీర్తిం ప్రాప్నువన్తి న సంశయః

॥ 11 ॥

శ్లోక 13

జప్త్వా స్తోత్రమిదం మన్త్రం ప్రతివారం పఠేన్నరః ।

రాజస్థానే సభాస్థానే ప్రాప్తే వాదే లభేజ్జయమ్

॥ 12 ॥

శ్లోక 14

విభీషణకృతం స్తోత్రం యః పఠేత్ ప్రయతో నరః ।

సర్వాపద్భ్యో విముచ్యేత నాఽత్ర కార్యా విచారణా

॥ 13 ॥

శ్లోక 15

మన్త్రః ।

మర్కటేశ మహోత్సాహ సర్వశోకనివారక ।

శత్రూన్ సంహర మాం రక్ష శ్రియం దాపయ భో హరే ॥ 15

ఇతి విభీషణకృతం సర్వాపదుద్ధారక శ్రీహనుమత్ స్తోత్రమ్ ॥