આપદુદ્ધારક હનુમત્સ્તોત્રમ્

આપદુદ્ધારક હનુમત્સ્તોત્રમ્

શ્લોક 1

ૐ અસ્ય શ્રી આપદુદ્ધારક હનુમત્ સ્તોત્ર મહામન્ત્ર કવચસ્ય, વિભીષણ ઋષિઃ, હનુમાન્ દેવતા, સર્વાપદુદ્ધારક શ્રીહનુમત્પ્રસાદેન મમ સર્વાપન્નિવૃત્ત્યર્થે, સર્વકાર્યાનુકૂલ્ય સિદ્ધ્યર્થે જપે વિનિયોગઃ ।

ધ્યાનમ્ ।

વામે કરે વૈરિભિદં વહન્તં

શૈલં પરે શૃઙ્ખલહારિટઙ્કમ્ ।

દધાનમચ્છચ્છવિયજ્ઞસૂત્રં

ભજે જ્વલત્કુણ્ડલમાઞ્જનેયમ્

શ્લોક 2

સંવીતકૌપીન મુદઞ્ચિતાઙ્ગુલિં

સમુજ્જ્વલન્મૌઞ્જિમથોપવીતિનમ્ ।

સકુણ્ડલં લમ્બિશિખાસમાવૃતં

તમાઞ્જનેયં શરણં પ્રપદ્યે

॥ 1 ॥

શ્લોક 3

આપન્નાખિલલોકાર્તિહારિણે શ્રીહનૂમતે ।

અકસ્માદાગતોત્પાત નાશનાય નમો નમઃ

॥ 2 ॥

શ્લોક 4

સીતાવિયુક્તશ્રીરામશોકદુઃખભયાપહ ।

તાપત્રિતયસંહારિન્ આઞ્જનેય નમોઽસ્તુ તે

॥ 3 ॥

શ્લોક 5

આધિવ્યાધિ મહામારી ગ્રહપીડાપહારિણે ।

પ્રાણાપહર્ત્રેદૈત્યાનાં રામપ્રાણાત્મને નમઃ

॥ 4 ॥

શ્લોક 6

સંસારસાગરાવર્ત કર્તવ્યભ્રાન્તચેતસામ્ ।

શરણાગતમર્ત્યાનાં શરણ્યાય નમોઽસ્તુ તે

॥ 5 ॥

શ્લોક 7

વજ્રદેહાય કાલાગ્નિરુદ્રાયાઽમિતતેજસે ।

બ્રહ્માસ્ત્રસ્તમ્ભનાયાસ્મૈ નમઃ શ્રીરુદ્રમૂર્તયે

॥ 6 ॥

શ્લોક 8

રામેષ્ટં કરુણાપૂર્ણં હનૂમન્તં ભયાપહમ્ ।

શત્રુનાશકરં ભીમં સર્વાભીષ્ટપ્રદાયકમ્

॥ 7 ॥

શ્લોક 9

કારાગૃહે પ્રયાણે વા સઙ્ગ્રામે શત્રુસઙ્કટે ।

જલે સ્થલે તથાઽઽકાશે વાહનેષુ ચતુષ્પથે

॥ 8 ॥

શ્લોક 10

ગજસિંહ મહાવ્યાઘ્ર ચોર ભીષણ કાનને ।

યે સ્મરન્તિ હનૂમન્તં તેષાં નાસ્તિ વિપત્ ક્વચિત્

॥ 9 ॥

શ્લોક 11

સર્વવાનરમુખ્યાનાં પ્રાણભૂતાત્મને નમઃ ।

શરણ્યાય વરેણ્યાય વાયુપુત્રાય તે નમઃ

॥ 10 ॥

શ્લોક 12

પ્રદોષે વા પ્રભાતે વા યે સ્મરન્ત્યઞ્જનાસુતમ્ ।

અર્થસિદ્ધિં જયં કીર્તિં પ્રાપ્નુવન્તિ ન સંશયઃ

॥ 11 ॥

શ્લોક 13

જપ્ત્વા સ્તોત્રમિદં મન્ત્રં પ્રતિવારં પઠેન્નરઃ ।

રાજસ્થાને સભાસ્થાને પ્રાપ્તે વાદે લભેજ્જયમ્

॥ 12 ॥

શ્લોક 14

વિભીષણકૃતં સ્તોત્રં યઃ પઠેત્ પ્રયતો નરઃ ।

સર્વાપદ્ભ્યો વિમુચ્યેત નાઽત્ર કાર્યા વિચારણા

॥ 13 ॥

શ્લોક 15

મન્ત્રઃ ।

મર્કટેશ મહોત્સાહ સર્વશોકનિવારક ।

શત્રૂન્ સંહર માં રક્ષ શ્રિયં દાપય ભો હરે ॥ 15

ઇતિ વિભીષણકૃતં સર્વાપદુદ્ધારક શ્રીહનુમત્ સ્તોત્રમ્ ॥