അച്യുതാഷ്ടകമ്

അച്യുതാഷ്ടകമ്

ശ്ലോക 1

അച്യുതം കേശവം രാമനാരായണം

കൃഷ്ണദാമോദരം വാസുദേവം ഹരിമ് ।

ശ്രീധരം മാധവം ഗോപികാ വല്ലഭം

ജാനകീനായകം രാമചന്ദ്രം ഭജേ

ശ്ലോക 2

അച്യുതം കേശവം സത്യഭാമാധവം

മാധവം ശ്രീധരം രാധികാ രാധിതമ് ।

ഇന്ദിരാമന്ദിരം ചേതസാ സുന്ദരം

ദേവകീനന്ദനം നന്ദജം സന്ദധേ

॥ 1 ॥

ശ്ലോക 3

വിഷ്ണവേ ജിഷ്ണവേ ശങ്കനേ ചക്രിണേ

രുക്മിണീ രാഗിണേ ജാനകീ ജാനയേ ।

വല്ലവീ വല്ലഭായാര്ചിതാ യാത്മനേ

കംസ വിധ്വംസിനേ വംശിനേ തേ നമഃ

॥ 2 ॥

ശ്ലോക 4

കൃഷ്ണ ഗോവിന്ദ ഹേ രാമ നാരായണ

ശ്രീപതേ വാസുദേവാജിത ശ്രീനിധേ ।

അച്യുതാനന്ത ഹേ മാധവാധോക്ഷജ

ദ്വാരകാനായക ദ്രൌപദീരക്ഷക

॥ 3 ॥

ശ്ലോക 5

രാക്ഷസ ക്ഷോഭിതഃ സീതയാ ശോഭിതോ

ദണ്ഡകാരണ്യഭൂ പുണ്യതാകാരണഃ ।

ലക്ഷ്മണോനാന്വിതോ വാനരൈഃ സേവിതോ

അഗസ്ത്യ സമ്പൂജിതോ രാഘവഃ പാതു മാമ്

॥ 4 ॥

ശ്ലോക 6

ധേനുകാരിഷ്ടകോഽനിഷ്ടകൃദ്ദ്വേഷിണാം

കേശിഹാ കംസഹൃദ്വണ്ശികാവാദകഃ ।

പൂതനാകോപകഃ സൂരജാഖേലനോ

ബാലഗോപാലകഃ പാതു മാം സര്വദാ

॥ 5 ॥

ശ്ലോക 7

വിദ്യുദുദ്യോതവത്പ്രസ്ഫുരദ്വാസസം

പ്രാവൃഡമ്ഭോദവത്പ്രോല്ലസദ്വിഗ്രഹമ് ।

വന്യയാ മാലയാ ശോഭിതോരഃസ്ഥലം

ലോഹിതാങ്ഘ്രിദ്വയം വാരിജാക്ഷം ഭജേ

॥ 6 ॥

ശ്ലോക 8

കുഞ്ചിതൈഃ കുന്തലൈ ഭ്രാജമാനാനനം

രത്നമൌലിം ലസത്-കുണ്ഡലം ഗണ്ഡയോഃ ।

ഹാരകേയൂരകം കങ്കണ പ്രോജ്ജ്വലം

കിങ്കിണീ മഞ്ജുലം ശ്യാമലം തം ഭജേ

॥ 7॥

ശ്ലോക 9

അച്യുതസ്യാഷ്ടകം യഃ പഠേദിഷ്ടദം

പ്രേമതഃ പ്രത്യഹം പൂരുഷഃ സസ്പൃഹമ് ।

വൃത്തതഃ സുന്ദരം കര്തൃ വിശ്വമ്ഭരഃ

തസ്യ വശ്യോ ഹരി ര്ജായതേ സത്വരമ് ॥

അച്യുതം കേശവം രാമനാരായണം

കൃഷ്ണദാമോദരം വാസുദേവം ഹരിമ് ।

ശ്രീധരം മാധവം ഗോപികാ വല്ലഭം

ജാനകീനായകം രാമചന്ദ്രം ഭജേ ॥ 1 ।

॥ ഇതി ശ്രീശങ്കരാചാര്യവിരചിതമച്യുതാഷ്ടകം സമ്പൂര്ണമ് ॥