Achyutashtakam

अच्युताष्टकम्

श्लोक 1

अच्युतं केशवं रामनारायणं

कृष्णदामोदरं वासुदेवं हरिम् ।

श्रीधरं माधवं गोपिका वल्लभं

जानकीनायकं रामचन्द्रं भजे

श्लोक 2

अच्युतं केशवं सत्यभामाधवं

माधवं श्रीधरं राधिका राधितम् ।

इन्दिरामन्दिरं चेतसा सुन्दरं

देवकीनन्दनं नन्दजं सन्दधे

॥ 1 ॥

श्लोक 3

विष्णवे जिष्णवे शङ्कने चक्रिणे

रुक्मिणी रागिणे जानकी जानये ।

वल्लवी वल्लभायार्चिता यात्मने

कंस विध्वंसिने वंशिने ते नमः

॥ 2 ॥

श्लोक 4

कृष्ण गोविन्द हे राम नारायण

श्रीपते वासुदेवाजित श्रीनिधे ।

अच्युतानन्त हे माधवाधोक्षज

द्वारकानायक द्रौपदीरक्षक

॥ 3 ॥

श्लोक 5

राक्षस क्षोभितः सीतया शोभितो

दण्डकारण्यभू पुण्यताकारणः ।

लक्ष्मणोनान्वितो वानरैः सेवितो

अगस्त्य सम्पूजितो राघवः पातु माम्

॥ 4 ॥

श्लोक 6

धेनुकारिष्टकोऽनिष्टकृद्द्वेषिणां

केशिहा कंसहृद्वण्शिकावादकः ।

पूतनाकोपकः सूरजाखेलनो

बालगोपालकः पातु मां सर्वदा

॥ 5 ॥

श्लोक 7

विद्युदुद्योतवत्प्रस्फुरद्वाससं

प्रावृडम्भोदवत्प्रोल्लसद्विग्रहम् ।

वन्यया मालया शोभितोरःस्थलं

लोहिताङ्घ्रिद्वयं वारिजाक्षं भजे

॥ 6 ॥

श्लोक 8

कुञ्चितैः कुन्तलै भ्राजमानाननं

रत्नमौलिं लसत्-कुण्डलं गण्डयोः ।

हारकेयूरकं कङ्कण प्रोज्ज्वलं

किङ्किणी मञ्जुलं श्यामलं तं भजे

॥ 7॥

श्लोक 9

अच्युतस्याष्टकं यः पठेदिष्टदं

प्रेमतः प्रत्यहं पूरुषः सस्पृहम् ।

वृत्ततः सुन्दरं कर्तृ विश्वम्भरः

तस्य वश्यो हरि र्जायते सत्वरम् ॥

अच्युतं केशवं रामनारायणं

कृष्णदामोदरं वासुदेवं हरिम् ।

श्रीधरं माधवं गोपिका वल्लभं

जानकीनायकं रामचन्द्रं भजे ॥ 1 ।

॥ इति श्रीशङ्कराचार्यविरचितमच्युताष्टकं सम्पूर्णम् ॥