త్రిపుర సున్దరీ అష్టకం (స్తోత్రం)

త్రిపుర సున్దరీ అష్టకం (స్తోత్రం)

శ్లోక 1

కదమ్బవనచారిణీం మునికదమ్బకాదమ్బినీం

నితమ్బజితభూధరాం సురనితమ్బినీసేవితామ్ ।

నవామ్బురుహలోచనామభినవామ్బుదశ్యామలాం

త్రిలోచనకుటుమ్బినీం త్రిపురసున్దరీమాశ్రయే

శ్లోక 2

కదమ్బవనవాసినీం కనకవల్లకీధారిణీం

మహార్హమణిహారిణీం ముఖసముల్లసద్వారుణీమ్ ।

దయావిభవకారిణీం విశదరోచనాచారిణీం

త్రిలోచనకుటుమ్బినీం త్రిపురసున్దరీమాశ్రయే

॥ 1 ॥

శ్లోక 3

కదమ్బవనశాలయా కుచభరోల్లసన్మాలయా

కుచోపమితశైలయా గురుకృపాలసద్వేలయా ।

మదారుణకపోలయా మధురగీతవాచాలయా

కయాపి ఘననీలయా కవచితా వయం లీలయా

॥ 2 ॥

శ్లోక 4

కదమ్బవనమధ్యగాం కనకమణ్డలోపస్థితాం

షడమ్బురుహవాసినీం సతతసిద్ధసౌదామినీమ్ ।

విడమ్బితజపారుచిం వికచచన్ద్రచూడామణిం

త్రిలోచనకుటుమ్బినీం త్రిపురసున్దరీమాశ్రయే

॥ 3 ॥

శ్లోక 5

కుచాఞ్చితవిపఞ్చికాం కుటిలకున్తలాలఙ్కృతాం

కుశేశయనివాసినీం కుటిలచిత్తవిద్వేషిణీమ్ ।

మదారుణవిలోచనాం మనసిజారిసమ్మోహినీం

మతఙ్గమునికన్యకాం మధురభాషిణీమాశ్రయే

॥ 4 ॥

శ్లోక 6

స్మరేత్ప్రథమపుష్పిణీం రుధిరబిన్దునీలామ్బరాం

గృహీతమధుపాత్రికాం మదవిఘూర్ణనేత్రాఞ్చలామ్ ।

ఘనస్తనభరోన్నతాం గలితచూలికాం శ్యామలాం

త్రిలోచనకుటుమ్బినీం త్రిపురసున్దరీమాశ్రయే

॥ 5 ॥

శ్లోక 7

సకుఙ్కుమవిలేపనామలకచుమ్బికస్తూరికాం

సమన్దహసితేక్షణాం సశరచాపపాశాఙ్కుశామ్ ।

అశేషజనమోహినీమరుణమాల్యభూషామ్బరాం

జపాకుసుమభాసురాం జపవిధౌ స్మరామ్యమ్బికామ్

॥ 6 ॥

శ్లోక 8

పురన్దరపురన్ధ్రికాచికురబన్ధసైరన్ధ్రికాం

పితామహపతివ్రతాపటుపటీరచర్చారతామ్ ।

ముకున్దరమణీమణీలసదలఙ్క్రియాకారిణీం

భజామి భువనామ్బికాం సురవధూటికాచేటికామ్

॥ 7 ॥

శ్లోక 9

ఇతి శ్రీమత్పరమహంసపరివ్రాజకాచార్యస్య శ్రీగోవిన్దభగవత్పూజ్యపాదశిష్యస్య శ్రీమచ్ఛఙ్కరభగవతః కృతౌ త్రిపురసున్దర్యష్టకమ్ ।