ത്രിപുര സുന്ദരീ അഷ്ടകം (സ്തോത്രം)

ത്രിപുര സുന്ദരീ അഷ്ടകം (സ്തോത്രം)

ശ്ലോക 1

കദമ്ബവനചാരിണീം മുനികദമ്ബകാദമ്ബിനീം

നിതമ്ബജിതഭൂധരാം സുരനിതമ്ബിനീസേവിതാമ് ।

നവാമ്ബുരുഹലോചനാമഭിനവാമ്ബുദശ്യാമലാം

ത്രിലോചനകുടുമ്ബിനീം ത്രിപുരസുന്ദരീമാശ്രയേ

ശ്ലോക 2

കദമ്ബവനവാസിനീം കനകവല്ലകീധാരിണീം

മഹാര്ഹമണിഹാരിണീം മുഖസമുല്ലസദ്വാരുണീമ് ।

ദയാവിഭവകാരിണീം വിശദരോചനാചാരിണീം

ത്രിലോചനകുടുമ്ബിനീം ത്രിപുരസുന്ദരീമാശ്രയേ

॥ 1 ॥

ശ്ലോക 3

കദമ്ബവനശാലയാ കുചഭരോല്ലസന്മാലയാ

കുചോപമിതശൈലയാ ഗുരുകൃപാലസദ്വേലയാ ।

മദാരുണകപോലയാ മധുരഗീതവാചാലയാ

കയാപി ഘനനീലയാ കവചിതാ വയം ലീലയാ

॥ 2 ॥

ശ്ലോക 4

കദമ്ബവനമധ്യഗാം കനകമണ്ഡലോപസ്ഥിതാം

ഷഡമ്ബുരുഹവാസിനീം സതതസിദ്ധസൌദാമിനീമ് ।

വിഡമ്ബിതജപാരുചിം വികചചന്ദ്രചൂഡാമണിം

ത്രിലോചനകുടുമ്ബിനീം ത്രിപുരസുന്ദരീമാശ്രയേ

॥ 3 ॥

ശ്ലോക 5

കുചാഞ്ചിതവിപഞ്ചികാം കുടിലകുന്തലാലങ്കൃതാം

കുശേശയനിവാസിനീം കുടിലചിത്തവിദ്വേഷിണീമ് ।

മദാരുണവിലോചനാം മനസിജാരിസമ്മോഹിനീം

മതങ്ഗമുനികന്യകാം മധുരഭാഷിണീമാശ്രയേ

॥ 4 ॥

ശ്ലോക 6

സ്മരേത്പ്രഥമപുഷ്പിണീം രുധിരബിന്ദുനീലാമ്ബരാം

ഗൃഹീതമധുപാത്രികാം മദവിഘൂര്ണനേത്രാഞ്ചലാമ് ।

ഘനസ്തനഭരോന്നതാം ഗലിതചൂലികാം ശ്യാമലാം

ത്രിലോചനകുടുമ്ബിനീം ത്രിപുരസുന്ദരീമാശ്രയേ

॥ 5 ॥

ശ്ലോക 7

സകുങ്കുമവിലേപനാമലകചുമ്ബികസ്തൂരികാം

സമന്ദഹസിതേക്ഷണാം സശരചാപപാശാങ്കുശാമ് ।

അശേഷജനമോഹിനീമരുണമാല്യഭൂഷാമ്ബരാം

ജപാകുസുമഭാസുരാം ജപവിധൌ സ്മരാമ്യമ്ബികാമ്

॥ 6 ॥

ശ്ലോക 8

പുരന്ദരപുരന്ധ്രികാചികുരബന്ധസൈരന്ധ്രികാം

പിതാമഹപതിവ്രതാപടുപടീരചര്ചാരതാമ് ।

മുകുന്ദരമണീമണീലസദലങ്ക്രിയാകാരിണീം

ഭജാമി ഭുവനാമ്ബികാം സുരവധൂടികാചേടികാമ്

॥ 7 ॥

ശ്ലോക 9

ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ ശ്രീമച്ഛങ്കരഭഗവതഃ കൃതൌ ത്രിപുരസുന്ദര്യഷ്ടകമ് ।