ત્રિપુર સુન્દરી અષ્ટકં (સ્તોત્રં)

ત્રિપુર સુન્દરી અષ્ટકં (સ્તોત્રં)

શ્લોક 1

કદમ્બવનચારિણીં મુનિકદમ્બકાદમ્બિનીં

નિતમ્બજિતભૂધરાં સુરનિતમ્બિનીસેવિતામ્ ।

નવામ્બુરુહલોચનામભિનવામ્બુદશ્યામલાં

ત્રિલોચનકુટુમ્બિનીં ત્રિપુરસુન્દરીમાશ્રયે

શ્લોક 2

કદમ્બવનવાસિનીં કનકવલ્લકીધારિણીં

મહાર્હમણિહારિણીં મુખસમુલ્લસદ્વારુણીમ્ ।

દયાવિભવકારિણીં વિશદરોચનાચારિણીં

ત્રિલોચનકુટુમ્બિનીં ત્રિપુરસુન્દરીમાશ્રયે

॥ 1 ॥

શ્લોક 3

કદમ્બવનશાલયા કુચભરોલ્લસન્માલયા

કુચોપમિતશૈલયા ગુરુકૃપાલસદ્વેલયા ।

મદારુણકપોલયા મધુરગીતવાચાલયા

કયાપિ ઘનનીલયા કવચિતા વયં લીલયા

॥ 2 ॥

શ્લોક 4

કદમ્બવનમધ્યગાં કનકમણ્ડલોપસ્થિતાં

ષડમ્બુરુહવાસિનીં સતતસિદ્ધસૌદામિનીમ્ ।

વિડમ્બિતજપારુચિં વિકચચન્દ્રચૂડામણિં

ત્રિલોચનકુટુમ્બિનીં ત્રિપુરસુન્દરીમાશ્રયે

॥ 3 ॥

શ્લોક 5

કુચાઞ્ચિતવિપઞ્ચિકાં કુટિલકુન્તલાલઙ્કૃતાં

કુશેશયનિવાસિનીં કુટિલચિત્તવિદ્વેષિણીમ્ ।

મદારુણવિલોચનાં મનસિજારિસમ્મોહિનીં

મતઙ્ગમુનિકન્યકાં મધુરભાષિણીમાશ્રયે

॥ 4 ॥

શ્લોક 6

સ્મરેત્પ્રથમપુષ્પિણીં રુધિરબિન્દુનીલામ્બરાં

ગૃહીતમધુપાત્રિકાં મદવિઘૂર્ણનેત્રાઞ્ચલામ્ ।

ઘનસ્તનભરોન્નતાં ગલિતચૂલિકાં શ્યામલાં

ત્રિલોચનકુટુમ્બિનીં ત્રિપુરસુન્દરીમાશ્રયે

॥ 5 ॥

શ્લોક 7

સકુઙ્કુમવિલેપનામલકચુમ્બિકસ્તૂરિકાં

સમન્દહસિતેક્ષણાં સશરચાપપાશાઙ્કુશામ્ ।

અશેષજનમોહિનીમરુણમાલ્યભૂષામ્બરાં

જપાકુસુમભાસુરાં જપવિધૌ સ્મરામ્યમ્બિકામ્

॥ 6 ॥

શ્લોક 8

પુરન્દરપુરન્ધ્રિકાચિકુરબન્ધસૈરન્ધ્રિકાં

પિતામહપતિવ્રતાપટુપટીરચર્ચારતામ્ ।

મુકુન્દરમણીમણીલસદલઙ્ક્રિયાકારિણીં

ભજામિ ભુવનામ્બિકાં સુરવધૂટિકાચેટિકામ્

॥ 7 ॥

શ્લોક 9

ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગવત્પૂજ્યપાદશિષ્યસ્ય શ્રીમચ્છઙ્કરભગવતઃ કૃતૌ ત્રિપુરસુન્દર્યષ્ટકમ્ ।