ശ്രീമദ്ഭഗവദ്ഗീതാ മൂലമ് - സപ്തദശോഽധ്യായഃ

ശ്രീമദ്ഭഗവദ്ഗീതാ മൂലമ് - സപ്തദശോഽധ്യായഃ

ശ്ലോക 1

ഓം ശ്രീ പരമാത്മനേ നമഃ

അഥ സപ്തദശോഽധ്യായഃ ।

ശ്രദ്ധാത്രയവിഭാഗയോഗഃ

അര്ജുന ഉവാച

യേ ശാസ്ത്രവിധിമുത്സൃജ്യ യജന്തേ ശ്രദ്ധയാന്വിതാഃ ।

തേഷാം നിഷ്ഠാ തു കാ കൃഷ്ണ സത്ത്വമാഹോ രജസ്തമഃ

ശ്ലോക 2

ശ്രീഭഗവാനുവാച

ത്രിവിധാ ഭവതി ശ്രദ്ധാ ദേഹിനാം സാ സ്വഭാവജാ ।

സാത്ത്വികീ രാജസീ ചൈവ താമസീ ചേതി താം ശൃണു

॥ 1 ॥

ശ്ലോക 3

സത്ത്വാനുരൂപാ സര്വസ്യ ശ്രദ്ധാ ഭവതി ഭാരത ।

ശ്രദ്ധാമയോഽയം പുരുഷോ യോ യച്ഛ്രദ്ധഃ സ ഏവ സഃ

॥ 2 ॥

ശ്ലോക 4

യജന്തേ സാത്ത്വികാ ദേവാന്യക്ഷരക്ഷാംസി രാജസാഃ ।

പ്രേതാന്ഭൂതഗണാംശ്ചാന്യേ യജന്തേ താമസാ ജനാഃ

॥ 3 ॥

ശ്ലോക 5

അശാസ്ത്രവിഹിതം ഘോരം തപ്യന്തേ യേ തപോ ജനാഃ ।

ദമ്ഭാഹങ്കാരസംയുക്താഃ കാമരാഗബലാന്വിതാഃ

॥ 4 ॥

ശ്ലോക 6

കര്ഷയന്തഃ ശരീരസ്ഥം ഭൂതഗ്രാമമചേതസഃ ।

മാം ചൈവാന്തഃശരീരസ്ഥം താന്വിദ്ധ്യാസുരനിശ്ചയാന്

॥ 5 ॥

ശ്ലോക 7

ആഹാരസ്ത്വപി സര്വസ്യ ത്രിവിധോ ഭവതി പ്രിയഃ ।

യജ്ഞസ്തപസ്തഥാ ദാനം തേഷാം ഭേദമിമം ശൃണു

॥ 6 ॥

ശ്ലോക 8

ആയുഃസത്ത്വബലാരോഗ്യസുഖപ്രീതിവിവര്ധനാഃ ।

രസ്യാഃ സ്നിഗ്ധാഃ സ്ഥിരാ ഹൃദ്യാ ആഹാരാഃ സാത്ത്വികപ്രിയാഃ

॥ 7 ॥

ശ്ലോക 9

കട്വമ്ലലവണാത്യുഷ്ണതീക്ഷ്ണരൂക്ഷവിദാഹിനഃ ।

ആഹാരാ രാജസസ്യേഷ്ടാ ദുഃഖശോകാമയപ്രദാഃ

॥ 8 ॥

ശ്ലോക 10

യാതയാമം ഗതരസം പൂതി പര്യുഷിതം ച യത് ।

ഉച്ഛിഷ്ടമപി ചാമേധ്യം ഭോജനം താമസപ്രിയമ്

॥ 9 ॥

ശ്ലോക 11

അഫലാകാങ്ക്ഷിഭിര്യജ്ഞോ വിധിദൃഷ്ടോ യ ഇജ്യതേ ।

യഷ്ടവ്യമേവേതി മനഃ സമാധായ സ സാത്ത്വികഃ

॥ 10 ॥

ശ്ലോക 12

അഭിസന്ധായ തു ഫലം ദമ്ഭാര്ഥമപി ചൈവ യത് ।

ഇജ്യതേ ഭരതശ്രേഷ്ഠ തം യജ്ഞം വിദ്ധി രാജസമ്

॥ 11 ॥

ശ്ലോക 13

വിധിഹീനമസൃഷ്ടാന്നം മന്ത്രഹീനമദക്ഷിണമ് ।

ശ്രദ്ധാവിരഹിതം യജ്ഞം താമസം പരിചക്ഷതേ

॥ 12 ॥

ശ്ലോക 14

ദേവദ്വിജഗുരുപ്രാജ്ഞപൂജനം ശൌചമാര്ജവമ് ।

ബ്രഹ്മചര്യമഹിംസാ ച ശാരീരം തപ ഉച്യതേ

॥ 13 ॥

ശ്ലോക 15

അനുദ്വേഗകരം വാക്യം സത്യം പ്രിയഹിതം ച യത് ।

സ്വാധ്യായാഭ്യസനം ചൈവ വാങ്മയം തപ ഉച്യതേ

॥ 14 ॥

ശ്ലോക 16

മനഃ പ്രസാദഃ സൌമ്യത്വം മൌനമാത്മവിനിഗ്രഹഃ ।

ഭാവസംശുദ്ധിരിത്യേതത്തപോ മാനസമുച്യതേ

॥ 15 ॥

ശ്ലോക 17

ശ്രദ്ധയാ പരയാ തപ്തം തപസ്തത്ത്രിവിധം നരൈഃ ।

അഫലാകാങ്ക്ഷിഭിര്യുക്തൈഃ സാത്ത്വികം പരിചക്ഷതേ

॥ 16 ॥

ശ്ലോക 18

സത്കാരമാനപൂജാര്ഥം തപോ ദമ്ഭേന ചൈവ യത് ।

ക്രിയതേ തദിഹ പ്രോക്തം രാജസം ചലമധ്രുവമ്

॥ 17 ॥

ശ്ലോക 19

മൂഢഗ്രാഹേണാത്മനോ യത്പീഡയാ ക്രിയതേ തപഃ ।

പരസ്യോത്സാദനാര്ഥം വാ തത്താമസമുദാഹൃതമ്

॥ 18 ॥

ശ്ലോക 20

ദാതവ്യമിതി യദ്ദാനം ദീയതേഽനുപകാരിണേ ।

ദേശേ കാലേ ച പാത്രേ ച തദ്ദാനം സാത്ത്വികം സ്മൃതമ്

॥ 19 ॥

ശ്ലോക 21

യത്തു പ്രത്ത്യുപകാരാര്ഥം ഫലമുദ്ദിശ്യ വാ പുനഃ ।

ദീയതേ ച പരിക്ലിഷ്ടം തദ്ദാനം രാജസം സ്മൃതമ്

॥ 20 ॥

ശ്ലോക 22

അദേശകാലേ യദ്ദാനമപാത്രേഭ്യശ്ച ദീയതേ ।

അസത്കൃതമവജ്ഞാതം തത്താമസമുദാഹൃതമ്

॥ 21 ॥

ശ്ലോക 23

ഓം തത്സദിതി നിര്ദേശോ ബ്രഹ്മണസ്ത്രിവിധഃ സ്മൃതഃ ।

ബ്രാഹ്മണാസ്തേന വേദാശ്ച യജ്ഞാശ്ച വിഹിതാഃ പുരാ

॥ 22 ॥

ശ്ലോക 24

തസ്മാദോമിത്യുദാഹൃത്യ യജ്ഞദാനതപഃക്രിയാഃ ।

പ്രവര്തന്തേ വിധാനോക്താഃ സതതം ബ്രഹ്മവാദിനാമ്

॥ 23 ॥

ശ്ലോക 25

തദിത്യനഭിസന്ധായ ഫലം യജ്ഞതപഃക്രിയാഃ ।

ദാനക്രിയാശ്ച വിവിധാഃ ക്രിയന്തേ മോക്ഷകാങ്ക്ഷിഭിഃ

॥ 24 ॥

ശ്ലോക 26

സദ്ഭാവേ സാധുഭാവേ ച സദിത്യേതത്പ്രയുജ്യതേ ।

പ്രശസ്തേ കര്മണി തഥാ സച്ഛബ്ദഃ പാര്ഥ യുജ്യതേ

॥ 25 ॥

ശ്ലോക 27

യജ്ഞേ തപസി ദാനേ ച സ്ഥിതിഃ സദിതി ചോച്യതേ ।

കര്മ ചൈവ തദര്ഥീയം സദിത്യേവാഭിധീയതേ

॥ 26 ॥

ശ്ലോക 28

അശ്രദ്ധയാ ഹുതം ദത്തം തപസ്തപ്തം കൃതം ച യത് ।

അസദിത്യുച്യതേ പാര്ഥ ന ച തത്പ്രേപ്യ നോ ഇഹ

॥ 27 ॥

ശ്ലോക 29

ഓം തത്സദിതി ശ്രീമദ്ഭഗവദ്ഗീതാസൂപനിഷത്സു ബ്രഹ്മവിദ്യായാം യോഗശാസ്ത്രേ

ശ്രീകൃഷ്ണാര്ജുനസംവാദേ ശ്രദ്ധാത്രയവിഭാഗയോഗോ നാമ സപ്തദശോഽധ്യായഃ

॥ 28 ॥

ശ്ലോക 30