ശ്രീ ശ്രീനിവാസ ഗദ്യമ്

ശ്രീ ശ്രീനിവാസ ഗദ്യമ്

ശ്ലോക 1

ശ്രീമദഖിലമഹീമണ്ഡലമണ്ഡനധരണീധര മണ്ഡലാഖണ്ഡലസ്യ,

വാനിഖിലസുരാസുരവന്ദിത വരാഹക്ഷേത്ര വിഭൂഷണസ്യ,

ശേഷാചല ഗരുഡാചല സിംഹാചല വൃഷഭാചല നാരായണാചലാഞ്ജനാചലാദി ശിഖരിമാലാകുലസ്യ,

നാഥമുഖ ബോധനിധിവീഥിഗുണസാഭരണ സത്ത്വനിധി തത്ത്വനിധി ഭക്തിഗുണപൂര്ണ ശ്രീശൈലപൂര്ണ

ഗുണവശംവദ പരമപുരുഷകൃപാപൂര വിഭ്രമദതുങ്ഗശൃങ്ഗ ഗലദ്ഗഗനഗങ്ഗാസമാലിങ്ഗിതസ്യ,

സീമാതിഗ ഗുണ രാമാനുജമുനി നാമാങ്കിത ബഹു ഭൂമാശ്രയ സുരധാമാലയ വനരാമായത വനസീമാപരിവൃത വിശങ്കടതട

നിരന്തര വിജൃമ്ഭിത ഭക്തിരസ നിര്ഘരാനന്താര്യാഹാര്യ പ്രസ്രവണധാരാപൂര വിഭ്രമദ സലിലഭരഭരിത മഹാതടാക മണ്ഡിതസ്യ,

കലികര്ദമ മലമര്ദന കലിതോദ്യമ വിലസദ്യമ നിയമാദിമ മുനിഗണനിഷേവ്യമാണ

പ്രത്യക്ഷീഭവന്നിജസലില സമജ്ജന നമജ്ജന നിഖിലപാപനാശനാ പാപനാശന തീര്ഥാധ്യാസിതസ്യ,

മുരാരിസേവക ജരാദിപീഡിത നിരാര്തിജീവന നിരാശ ഭൂസുര വരാതിസുന്ദര സുരാങ്ഗനാരതി കരാങ്ഗസൌഷ്ഠവ

കുമാരതാകൃതി കുമാരതാരക സമാപനോദയ ദനൂനപാതക മഹാപദാമയ വിഹാപനോദിത സകലഭുവന വിദിത കുമാരധാരാഭിധാന തീര്ഥാധിഷ്ഠിതസ്യ,

ധരണിതല ഗതസകല ഹതകലില ശുഭസലില ഗതബഹുല വിവിധമല ഹതിചതുര

രുചിരതര വിലോകനമാത്ര വിദലിത വിവിധ മഹാപാതക സ്വാമിപുഷ്കരിണീ സമേതസ്യ,

ബഹുസങ്കട നരകാവട പതദുത്കട കലികങ്കട കലുഷോദ്ഭട ജനപാതക വിനിപാതക

രുചിനാടക കരഹാടക കലശാഹൃത കമലാരത ശുഭമഞ്ജന ജലസജ്ജന

ഭരഭരിത നിജദുരിത ഹതിനിരത ജനസതത നിരസ്തനിരര്ഗല പേപീയമാന സലില സമ്ഭൃത വിശങ്കട കടാഹതീര്ഥ വിഭൂഷിതസ്യ,

ഏവമാദിമ ഭൂരിമഞ്ജിമ സര്വപാതക ഗര്വഹാപക സിന്ധുഡമ്ബര ഹാരിശമ്ബര വിവിധവിപുല പുണ്യതീര്ഥനിവഹ നിവാസസ്യ,

ശ്രീമതോ വേങ്കടാചലസ്യ ശിഖരശേഖരമഹാകല്പശാഖീ,

ഖര്വീഭവദതി ഗര്വീകൃത ഗുരുമേര്വീശഗിരി മുഖോര്വീധര കുലദര്വീകര ദയിതോര്വീധര ശിഖരോര്വീ

സതത സദൂര്വീകൃതി ചരണഘന ഗര്വചര്വണനിപുണ തനുകിരണമസൃണിത ഗിരിശിഖര ശേഖരതരുനികര തിമിരഃ,

വാണീപതിശര്വാണീ ദയിതേന്ദ്രാണിശ്വര മുഖ നാണീയോരസവേണീ

നിഭശുഭവാണീ നുതമഹിമാണീ യ സ്തന കോണീ ഭവദഖില ഭുവനഭവനോദരഃ,

വൈമാനികഗുരു ഭൂമാധിക ഗുണ രാമാനുജ കൃതധാമാകര കരധാമാരി ദരലലാമാച്ഛകനക

ദാമായിത നിജരാമാലയ നവകിസലയമയ തോരണമാലായിത വനമാലാധരഃ,

കാലാമ്ബുദ മാലാനിഭ നീലാലക ജാലാവൃത ബാലാബ്ജ സലീലാമല ഫാലാങ്കസമൂലാമൃത

ധാരാദ്വയാവധീരണ ധീരലലിതതര വിശദതര ഘന ഘനസാര മയോര്ധ്വപുണ്ഡ്ര രേഖാദ്വയരുചിരഃ,

സുവികസ്വര ദലഭാസ്വര കമലോദര ഗതമേദുര നവകേസര തതിഭാസുര

പരിപിഞ്ജര കനകാമ്ബര കലിതാദര ലലിതോദര തദാലമ്ബ ജമ്ഭരിപു മണിസ്തമ്ഭ

ഗമ്ഭീരിമദമ്ഭസ്തമ്ഭ സമുജ്ജൃമ്ഭമാണ പീവരോരുയുഗല തദാലമ്ബ പൃഥുല

കദലീ മുകുല മദഹരണജങ്ഘാല ജങ്ഘായുഗലഃ,

നവ്യദല ഭവ്യമല പീതമല ശോണിമലസന്മൃദുല സത്കിസലയാശ്രുജലകാരി ബല ശോണതല

പദകമല നിജാശ്രയ ബലബന്ദീകൃത ശരദിന്ദുമണ്ഡലീ

വിഭ്രമദാദഭ്ര ശുഭ്ര പുനര്ഭവാധിഷ്ഠിതാങ്ഗുലീഗാഢ നിപീഡിത പദ്മാവനഃ,

ജാനുതലാവധി ലമ്ബ വിഡമ്ബിത വാരണ ശുണ്ഡാദണ്ഡ വിജൃമ്ഭിത നീലമണിമയ കല്പകശാഖാ

വിഭ്രമദായി മൃണാലലതായിത സമുജ്ജ്വലതര കനകവലയ വേല്ലിതൈകതര ബാഹുദണ്ഡയുഗലഃ,

യുഗപദുദിത കോടി ഖരകര ഹിമകര മണ്ഡല ജാജ്വല്യമാന സുദര്ശന പാഞ്ചജന്യ

സമുത്തുങ്ഗിത ശൃങ്ഗാപര ബാഹുയുഗലഃ,

അഭിനവശാണ സമുത്തേജിത മഹാമഹാ നീലഖണ്ഡ മദഖണ്ഡന നിപുണ

നവീന പരിതപ്ത കാര്തസ്വര കവചിത മഹനീയ പൃഥുല സാലഗ്രാമ പരമ്പരാ ഗുമ്ഭിത

നാഭിമണ്ഡല പര്യന്ത ലമ്ബമാന പ്രാലമ്ബദീപ്തി സമാലമ്ബിത വിശാല വക്ഷഃസ്ഥലഃ,

ഗങ്ഗാഝര തുങ്ഗാകൃതി ഭങ്ഗാവലി ഭങ്ഗാവഹ സൌധാവലി ബാധാവഹ ധാരാ

നിഭ ഹാരാവലി ദൂരാഹത ഗേഹാന്തര മോഹാവഹ മഹിമ മസൃണിത മഹാതിമിരഃ,

പിങ്ഗാകൃതി ഭൃങ്ഗാര നിഭാങ്ഗാര ദലാങ്ഗാമല നിഷ്കാസിത ദുഷ്കാര്യഘ

നിഷ്കാവലി ദീപപ്രഭ നീപച്ഛവി താപപ്രദ കനകമാലികാ പിശങ്ഗിത സര്വാങ്ഗഃ,

നവദലിത ദലവലിത മൃദുലലിത കമലതതി മദവിഹതി ചതുരതര

പൃഥുലതര സരസതര കനകസരമയ രുചിരകണ്ഠികാ കമനീയകണ്ഠഃ,

വാതാശനാധിപതി ശയന കമന പരിചരണ രതിസമേതാഖില ഫണധര

തതി മതികരവര കനകമയ നാഗാഭരണ പരിവീതാഖിലാങ്ഗാ വഗമിത ശയന ഭൂതാഹിരാജ ജാതാതിശയഃ,

രവികോടീ പരിപാടീ ധരകോടീ രവരാടീ കിതവീടീ രസധാടീ

ധരമണിഗണകിരണ വിസരണ സതതവിധുത തിമിരമോഹ ഗാര്ഭഗേഹഃ,

അപരിമിത വിവിധഭുവന ഭരിതാഖണ്ഡ ബ്രഹ്മാണ്ഡമണ്ഡല പിചണ്ഡിലഃ,

ആര്യധുര്യാനന്താര്യ പവിത്ര ഖനിത്രപാത പാത്രീകൃത

നിജചുബുക ഗതവ്രണകിണ വിഭൂഷണ വഹനസൂചിത ശ്രിതജന വത്സലതാതിശയഃ,

മഡ്ഡുഡിണ്ഡിമ ഢമരു ജര്ഘര കാഹലീ പടഹാവലീ മൃദുമദ്ദലാദി മൃദങ്ഗ ദുന്ദുഭി

ഢക്കികാമുഖ ഹൃദ്യ വാദ്യക മധുരമങ്ഗല നാദമേദുര

നാടാരഭി ഭൂപാല ബിലഹരി മായാമാലവ ഗൌല അസാവേരീ സാവേരീ ശുദ്ധസാവേരീ ദേവഗാന്ധാരീ

ധന്യാസീ ബേഗഡ ഹിന്ദുസ്താനീ കാപീ തോഡി നാടകുരുഞ്ജീ ശ്രീരാഗ

സഹന അഠാണ സാരങ്ഗീ ദര്ബാരു പന്തുവരാലീ വരാലീ കല്യാണീ ഭൂരികല്യാണീ യമുനാകല്യാണീ

ഹുശേനീ ജഞ്ഝോഠീ കൌമാരീ കന്നഡ ഖരഹരപ്രിയാ

കലഹംസ നാദനാമക്രിയാ മുഖാരീ തോഡീ പുന്നാഗവരാലീ കാമ്ഭോജീ ഭൈരവീ

യദുകുലകാമ്ഭോജീ ആനന്ദഭൈരവീ ശങ്കരാഭരണ മോഹന രേഗുപ്തീ സൌരാഷ്ട്രീ നീലാമ്ബരീ ഗുണക്രിയാ

മേഘഗര്ജനീ ഹംസധ്വനി ശോകവരാലീ മധ്യമാവതീ ജേഞ്ജുരുടീ സുരടീ ദ്വിജാവന്തീ മലയാമ്ബരീ

കാപീപരശു ധനാസിരീ ദേശികതോഡീ ആഹിരീ വസന്തഗൌലീ സന്തു കേദാരഗൌല

കനകാങ്ഗീ രത്നാങ്ഗീ ഗാനമൂര്തീ വനസ്പതീ വാചസ്പതീ ദാനവതീ മാനരൂപീ സേനാപതീ

ഹനുമത്തോഡീ ധേനുകാ നാടകപ്രിയാ കോകിലപ്രിയാ രൂപവതീ ഗായകപ്രിയാ

വകുലാഭരണ ചക്രവാക സൂര്യകാന്ത ഹാടകാമ്ബരീ

ഝങ്കാരധ്വനീ നടഭൈരവീ കീരവാണീ ഹരികാമ്ഭോദീ ധീരശങ്കരാഭരണ നാഗാനന്ദിനീ യാഗപ്രിയാദി

വിസൃമര സരസ ഗാനരുചിര സന്തത സന്തന്യമാന നിത്യോത്സവ പക്ഷോത്സവ മാസോത്സവ

സംവത്സരോത്സവാദി വിവിധോത്സവ കൃതാനന്ദഃ ശ്രീമദാനന്ദനിലയ വിമാനവാസഃ,

സതത പദ്മാലയാ പദപദ്മരേണു സഞ്ചിതവക്ഷസ്തല പടവാസഃ,

ശ്രീശ്രീനിവാസഃ സുപ്രസന്നോ വിജയതാം.

ശ്രീ​അലര്മേല്മങ്ഗാ നായികാസമേതഃ ശ്രീശ്രീനിവാസ സ്വാമീ സുപ്രീതഃ സുപ്രസന്നോ വരദോ ഭൂത്വാ, പവന പാടലീ പാലാശ ബില്വ പുന്നാഗ ചൂത കദലീ ചന്ദന ചമ്പക മഞ്ജുല മന്ദാര ഹിഞ്ജുലാദി തിലക മാതുലുങ്ഗ നാരികേല ക്രൌഞ്ചാശോക മാധൂകാമലക ഹിന്ദുക നാഗകേതക പൂര്ണകുന്ദ പൂര്ണഗന്ധ രസ കന്ദ വന വഞ്ജുല ഖര്ജൂര സാല കോവിദാര ഹിന്താല പനസ വികട വൈകസവരുണ തരുഘമരണ വിചുലങ്കാശ്വത്ഥ യക്ഷ വസുധ വര്മാധ മന്ത്രിണീ തിന്ത്രിണീ ബോധ ന്യഗ്രോധ ഘടവടല ജമ്ബൂമതല്ലീ വീരതചുല്ലീ വസതി വാസതീ ജീവനീ പോഷണീ പ്രമുഖ നിഖില സന്ദോഹ തമാല മാലാ മഹിത വിരാജമാന ചഷക മയൂര ഹംസ ഭാരദ്വാജ കോകില ചക്രവാക കപോത ഗരുഡ നാരായണ നാനാവിധ പക്ഷിജാതി സമൂഹ ബ്രഹ്മ ക്ഷത്രിയ വൈശ്യ ശൂദ്ര നാനാജാത്യുദ്ഭവ ദേവതാ നിര്മാണ മാണിക്യ വജ്ര വൈഢൂര്യ ഗോമേധിക പുഷ്യരാഗ പദ്മരാഗേന്ദ്ര നീല പ്രവാലമൌക്തിക സ്ഫടിക ഹേമ രത്നഖചിത ധഗദ്ധഗായമാന രഥ ഗജ തുരഗ പദാതി സേനാ സമൂഹ ഭേരീ മദ്ദല മുരവക ഝല്ലരീ ശങ്ഖ കാഹല നൃത്യഗീത താലവാദ്യ കുമ്ഭവാദ്യ പഞ്ചമുഖവാദ്യ അഹമീമാര്ഗന്നടീവാദ്യ കിടികുന്തലവാദ്യ സുരടീചൌണ്ഡോവാദ്യ തിമിലകവിതാലവാദ്യ തക്കരാഗ്രവാദ്യ ഘണ്ടാതാഡന ബ്രഹ്മതാല സമതാല കൊട്ടരീതാല ഢക്കരീതാല എക്കാല ധാരാവാദ്യ പടഹകാംസ്യവാദ്യ ഭരതനാട്യാലങ്കാര കിന്നെര കിമ്പുരുഷ രുദ്രവീണാ മുഖവീണാ വായുവീണാ തുമ്ബുരുവീണാ ഗാന്ധര്വവീണാ നാരദവീണാ സ്വരമണ്ഡല രാവണഹസ്തവീണാസ്തക്രിയാലങ്ക്രിയാലങ്കൃതാനേകവിധവാദ്യ വാപീകൂപതടാകാദി ഗങ്ഗായമുനാ രേവാവരുണാ

ശോണനദീശോഭനദീ സുവര്ണമുഖീ വേഗവതീ വേത്രവതീ ക്ഷീരനദീ ബാഹുനദീ ഗരുഡനദീ കാവേരീ താമ്രപര്ണീ പ്രമുഖാഃ മഹാപുണ്യനദ്യഃ സജലതീര്ഥൈഃ സഹോഭയകൂലങ്ഗത സദാപ്രവാഹ ഋഗ്യജുസ്സാമാഥര്വണ വേദശാസ്ത്രേതിഹാസ പുരാണ സകലവിദ്യാഘോഷ ഭാനുകോടിപ്രകാശ ചന്ദ്രകോടി സമാന നിത്യകല്യാണ പരമ്പരോത്തരോത്തരാഭിവൃദ്ധിര്ഭൂയാദിതി ഭവന്തോ മഹാന്തോzനുഗൃഹ്ണന്തു, ബ്രഹ്മണ്യോ രാജാ ധാര്മികോzസ്തു, ദേശോയം നിരുപദ്രവോzസ്തു, സര്വേ സാധുജനാസ്സുഖിനോ വിലസന്തു, സമസ്തസന്മങ്ഗലാനി സന്തു, ഉത്തരോത്തരാഭിവൃദ്ധിരസ്തു, സകലകല്യാണ സമൃദ്ധിരസ്തു ॥

ഹരിഃ ഓമ് ॥