శ్రీ సీతారామ స్తోత్రమ్

శ్రీ సీతారామ స్తోత్రమ్

శ్లోక 1

అయోధ్యాపురనేతారం మిథిలాపురనాయికామ్ ।

రాఘవాణామలఙ్కారం వైదేహానామలఙ్క్రియామ్

శ్లోక 2

రఘూణాం కులదీపం చ నిమీనాం కులదీపికామ్ ।

సూర్యవంశసముద్భూతం సోమవంశసముద్భవామ్

॥ 1 ॥

శ్లోక 3

పుత్రం దశరథస్యాద్యం పుత్రీం జనకభూపతేః ।

వశిష్ఠానుమతాచారం శతానన్దమతానుగామ్

॥ 2 ॥

శ్లోక 4

కౌసల్యాగర్భసమ్భూతం వేదిగర్భోదితాం స్వయమ్ ।

పుణ్డరీకవిశాలాక్షం స్ఫురదిన్దీవరేక్షణామ్

॥ 3 ॥

శ్లోక 5

చన్ద్రకాన్తాననామ్భోజం చన్ద్రబిమ్బోపమాననామ్ ।

మత్తమాతఙ్గగమనం మత్తహంసవధూగతామ్

॥ 4 ॥

శ్లోక 6

చన్దనార్ద్రభుజామధ్యం కుఙ్కుమార్ద్రకుచస్థలీమ్ ।

చాపాలఙ్కృతహస్తాబ్జం పద్మాలఙ్కృతపాణికామ్

॥ 5 ॥

శ్లోక 7

శరణాగతగోప్తారం ప్రణిపాదప్రసాదికామ్ ।

కాలమేఘనిభం రామం కార్తస్వరసమప్రభామ్

॥ 6 ॥

శ్లోక 8

దివ్యసింహాసనాసీనం దివ్యస్రగ్వస్త్రభూషణామ్ ।

అనుక్షణం కటాక్షాభ్యాం అన్యోన్యేక్షణకాఙ్క్షిణౌ

॥ 7 ॥

శ్లోక 9

అన్యోన్యసదృశాకారౌ త్రైలోక్యగృహదమ్పతీ।

ఇమౌ యువాం ప్రణమ్యాహం భజామ్యద్య కృతార్థతామ్

॥ 8 ॥

శ్లోక 10

అనేన స్తౌతి యః స్తుత్యం రామం సీతాం చ భక్తితః ।

తస్య తౌ తనుతాం పుణ్యాః సమ్పదః సకలార్థదాః

॥ 9 ॥

శ్లోక 11

ఏవం శ్రీరామచన్ద్రస్య జానక్యాశ్చ విశేషతః ।

కృతం హనూమతా పుణ్యం స్తోత్రం సద్యో విముక్తిదమ్ ।

యః పఠేత్ప్రాతరుత్థాయ సర్వాన్ కామానవాప్నుయాత్

॥ 10 ॥

శ్లోక 12

ఇతి హనూమత్కృత-సీతారామ స్తోత్రం సమ్పూర్ణమ్ ॥