ശ്രീ സീതാരാമ സ്തോത്രമ്

ശ്രീ സീതാരാമ സ്തോത്രമ്

ശ്ലോക 1

അയോധ്യാപുരനേതാരം മിഥിലാപുരനായികാമ് ।

രാഘവാണാമലങ്കാരം വൈദേഹാനാമലങ്ക്രിയാമ്

ശ്ലോക 2

രഘൂണാം കുലദീപം ച നിമീനാം കുലദീപികാമ് ।

സൂര്യവംശസമുദ്ഭൂതം സോമവംശസമുദ്ഭവാമ്

॥ 1 ॥

ശ്ലോക 3

പുത്രം ദശരഥസ്യാദ്യം പുത്രീം ജനകഭൂപതേഃ ।

വശിഷ്ഠാനുമതാചാരം ശതാനന്ദമതാനുഗാമ്

॥ 2 ॥

ശ്ലോക 4

കൌസല്യാഗര്ഭസമ്ഭൂതം വേദിഗര്ഭോദിതാം സ്വയമ് ।

പുണ്ഡരീകവിശാലാക്ഷം സ്ഫുരദിന്ദീവരേക്ഷണാമ്

॥ 3 ॥

ശ്ലോക 5

ചന്ദ്രകാന്താനനാമ്ഭോജം ചന്ദ്രബിമ്ബോപമാനനാമ് ।

മത്തമാതങ്ഗഗമനം മത്തഹംസവധൂഗതാമ്

॥ 4 ॥

ശ്ലോക 6

ചന്ദനാര്ദ്രഭുജാമധ്യം കുങ്കുമാര്ദ്രകുചസ്ഥലീമ് ।

ചാപാലങ്കൃതഹസ്താബ്ജം പദ്മാലങ്കൃതപാണികാമ്

॥ 5 ॥

ശ്ലോക 7

ശരണാഗതഗോപ്താരം പ്രണിപാദപ്രസാദികാമ് ।

കാലമേഘനിഭം രാമം കാര്തസ്വരസമപ്രഭാമ്

॥ 6 ॥

ശ്ലോക 8

ദിവ്യസിംഹാസനാസീനം ദിവ്യസ്രഗ്വസ്ത്രഭൂഷണാമ് ।

അനുക്ഷണം കടാക്ഷാഭ്യാം അന്യോന്യേക്ഷണകാങ്ക്ഷിണൌ

॥ 7 ॥

ശ്ലോക 9

അന്യോന്യസദൃശാകാരൌ ത്രൈലോക്യഗൃഹദമ്പതീ।

ഇമൌ യുവാം പ്രണമ്യാഹം ഭജാമ്യദ്യ കൃതാര്ഥതാമ്

॥ 8 ॥

ശ്ലോക 10

അനേന സ്തൌതി യഃ സ്തുത്യം രാമം സീതാം ച ഭക്തിതഃ ।

തസ്യ തൌ തനുതാം പുണ്യാഃ സമ്പദഃ സകലാര്ഥദാഃ

॥ 9 ॥

ശ്ലോക 11

ഏവം ശ്രീരാമചന്ദ്രസ്യ ജാനക്യാശ്ച വിശേഷതഃ ।

കൃതം ഹനൂമതാ പുണ്യം സ്തോത്രം സദ്യോ വിമുക്തിദമ് ।

യഃ പഠേത്പ്രാതരുത്ഥായ സര്വാന് കാമാനവാപ്നുയാത്

॥ 10 ॥

ശ്ലോക 12

ഇതി ഹനൂമത്കൃത-സീതാരാമ സ്തോത്രം സമ്പൂര്ണമ് ॥