ಶ್ರೀ ಸೀತಾರಾಮ ಸ್ತೋತ್ರಮ್

ಶ್ರೀ ಸೀತಾರಾಮ ಸ್ತೋತ್ರಮ್

ಶ್ಲೋಕ 1

ಅಯೋಧ್ಯಾಪುರನೇತಾರಂ ಮಿಥಿಲಾಪುರನಾಯಿಕಾಮ್ ।

ರಾಘವಾಣಾಮಲಙ್ಕಾರಂ ವೈದೇಹಾನಾಮಲಙ್ಕ್ರಿಯಾಮ್

ಶ್ಲೋಕ 2

ರಘೂಣಾಂ ಕುಲದೀಪಂ ಚ ನಿಮೀನಾಂ ಕುಲದೀಪಿಕಾಮ್ ।

ಸೂರ್ಯವಂಶಸಮುದ್ಭೂತಂ ಸೋಮವಂಶಸಮುದ್ಭವಾಮ್

॥ 1 ॥

ಶ್ಲೋಕ 3

ಪುತ್ರಂ ದಶರಥಸ್ಯಾದ್ಯಂ ಪುತ್ರೀಂ ಜನಕಭೂಪತೇಃ ।

ವಶಿಷ್ಠಾನುಮತಾಚಾರಂ ಶತಾನನ್ದಮತಾನುಗಾಮ್

॥ 2 ॥

ಶ್ಲೋಕ 4

ಕೌಸಲ್ಯಾಗರ್ಭಸಮ್ಭೂತಂ ವೇದಿಗರ್ಭೋದಿತಾಂ ಸ್ವಯಮ್ ।

ಪುಣ್ಡರೀಕವಿಶಾಲಾಕ್ಷಂ ಸ್ಫುರದಿನ್ದೀವರೇಕ್ಷಣಾಮ್

॥ 3 ॥

ಶ್ಲೋಕ 5

ಚನ್ದ್ರಕಾನ್ತಾನನಾಮ್ಭೋಜಂ ಚನ್ದ್ರಬಿಮ್ಬೋಪಮಾನನಾಮ್ ।

ಮತ್ತಮಾತಙ್ಗಗಮನಂ ಮತ್ತಹಂಸವಧೂಗತಾಮ್

॥ 4 ॥

ಶ್ಲೋಕ 6

ಚನ್ದನಾರ್ದ್ರಭುಜಾಮಧ್ಯಂ ಕುಙ್ಕುಮಾರ್ದ್ರಕುಚಸ್ಥಲೀಮ್ ।

ಚಾಪಾಲಙ್ಕೃತಹಸ್ತಾಬ್ಜಂ ಪದ್ಮಾಲಙ್ಕೃತಪಾಣಿಕಾಮ್

॥ 5 ॥

ಶ್ಲೋಕ 7

ಶರಣಾಗತಗೋಪ್ತಾರಂ ಪ್ರಣಿಪಾದಪ್ರಸಾದಿಕಾಮ್ ।

ಕಾಲಮೇಘನಿಭಂ ರಾಮಂ ಕಾರ್ತಸ್ವರಸಮಪ್ರಭಾಮ್

॥ 6 ॥

ಶ್ಲೋಕ 8

ದಿವ್ಯಸಿಂಹಾಸನಾಸೀನಂ ದಿವ್ಯಸ್ರಗ್ವಸ್ತ್ರಭೂಷಣಾಮ್ ।

ಅನುಕ್ಷಣಂ ಕಟಾಕ್ಷಾಭ್ಯಾಂ ಅನ್ಯೋನ್ಯೇಕ್ಷಣಕಾಙ್ಕ್ಷಿಣೌ

॥ 7 ॥

ಶ್ಲೋಕ 9

ಅನ್ಯೋನ್ಯಸದೃಶಾಕಾರೌ ತ್ರೈಲೋಕ್ಯಗೃಹದಮ್ಪತೀ।

ಇಮೌ ಯುವಾಂ ಪ್ರಣಮ್ಯಾಹಂ ಭಜಾಮ್ಯದ್ಯ ಕೃತಾರ್ಥತಾಮ್

॥ 8 ॥

ಶ್ಲೋಕ 10

ಅನೇನ ಸ್ತೌತಿ ಯಃ ಸ್ತುತ್ಯಂ ರಾಮಂ ಸೀತಾಂ ಚ ಭಕ್ತಿತಃ ।

ತಸ್ಯ ತೌ ತನುತಾಂ ಪುಣ್ಯಾಃ ಸಮ್ಪದಃ ಸಕಲಾರ್ಥದಾಃ

॥ 9 ॥

ಶ್ಲೋಕ 11

ಏವಂ ಶ್ರೀರಾಮಚನ್ದ್ರಸ್ಯ ಜಾನಕ್ಯಾಶ್ಚ ವಿಶೇಷತಃ ।

ಕೃತಂ ಹನೂಮತಾ ಪುಣ್ಯಂ ಸ್ತೋತ್ರಂ ಸದ್ಯೋ ವಿಮುಕ್ತಿದಮ್ ।

ಯಃ ಪಠೇತ್ಪ್ರಾತರುತ್ಥಾಯ ಸರ್ವಾನ್ ಕಾಮಾನವಾಪ್ನುಯಾತ್

॥ 10 ॥

ಶ್ಲೋಕ 12

ಇತಿ ಹನೂಮತ್ಕೃತ-ಸೀತಾರಾಮ ಸ್ತೋತ್ರಂ ಸಮ್ಪೂರ್ಣಮ್ ॥