శ్రీ రుద్ర కవచమ్

శ్రీ రుద్ర కవచమ్

శ్లోక 1

ఓం అస్య శ్రీ రుద్ర కవచస్తోత్ర మహామన్త్రస్య దూర్వాసృషిః అనుష్ఠుప్ ఛన్దః త్ర్యమ్బక రుద్రో దేవతా హ్రాం బీజం శ్రీం శక్తిః హ్రీం కీలకం మమ మనసోఽభీష్టసిద్ధ్యర్థే జపే వినియోగః ।

హ్రామిత్యాది షడ్బీజైః షడఙ్గన్యాసః ॥

ధ్యానమ్ ।

శాన్తం పద్మాసనస్థం శశిధరమకుటం పఞ్చవక్త్రం త్రినేత్రం

శూలం వజ్రం చ ఖడ్గం పరశుమభయదం దక్షభాగే వహన్తమ్ ।

నాగం పాశం చ ఘణ్టాం ప్రలయ హుతవహం సాఙ్కుశం వామభాగే

నానాలఙ్కారయుక్తం స్ఫటికమణినిభం పార్వతీశం నమామి ॥

దూర్వాస ఉవాచ ।

ప్రణమ్య శిరసా దేవం స్వయమ్భుం పరమేశ్వరమ్ ।

ఏకం సర్వగతం దేవం సర్వదేవమయం విభుమ్

శ్లోక 2

రుద్ర వర్మ ప్రవక్ష్యామి అఙ్గ ప్రాణస్య రక్షయే ।

అహోరాత్రమయం దేవం రక్షార్థం నిర్మితం పురా

॥ 1 ॥

శ్లోక 3

రుద్రో మే చాగ్రతః పాతు పాతు పార్శ్వౌ హరస్తథా ।

శిరో మే ఈశ్వరః పాతు లలాటం నీలలోహితః

॥ 2 ॥

శ్లోక 4

నేత్రయోస్త్ర్యమ్బకః పాతు ముఖం పాతు మహేశ్వరః ।

కర్ణయోః పాతు మే శమ్భుః నాసికాయాం సదాశివః

॥ 3 ॥

శ్లోక 5

వాగీశః పాతు మే జిహ్వాం ఓష్ఠౌ పాత్వమ్బికాపతిః ।

శ్రీకణ్ఠః పాతు మే గ్రీవాం బాహూంశ్చైవ పినాకధృత్

॥ 4 ॥

శ్లోక 6

హృదయం మే మహాదేవః ఈశ్వరోవ్యాత్ స్తనాన్తరమ్ ।

నాభిం కటిం చ వక్షశ్చ పాతు సర్వం ఉమాపతిః

॥ 5 ॥

శ్లోక 7

బాహుమధ్యాన్తరం చైవ సూక్ష్మరూపః సదాశివః ।

స్వరం రక్షతు సర్వేశో గాత్రాణి చ యథా క్రమమ్

॥ 6 ॥

శ్లోక 8

వజ్రశక్తిధరం చైవ పాశాఙ్కుశధరం తథా ।

గణ్డశూలధరం నిత్యం రక్షతు త్రిదశేశ్వరః

॥ 7 ॥

శ్లోక 9

ప్రస్థానేషు పదే చైవ వృక్షమూలే నదీతటే ।

సన్ధ్యాయాం రాజభవనే విరూపాక్షస్తు పాతు మామ్

॥ 8 ॥

శ్లోక 10

శీతోష్ణాదథ కాలేషు తుహి న ద్రుమకణ్టకే ।

నిర్మనుష్యేఽసమే మార్గే త్రాహి మాం వృషభధ్వజ

॥ 9 ॥

శ్లోక 11

ఇత్యేతద్రుద్రకవచం పవిత్రం పాపనాశనమ్ ।

మహాదేవప్రసాదేన దూర్వాసో మునికల్పితమ్

॥ 10 ॥

శ్లోక 12

మమాఖ్యాతం సమాసేన న భయం విన్దతి క్వచిత్ ।

ప్రాప్నోతి పరమారోగ్యం పుణ్యమాయుష్యవర్ధనమ్

॥ 11 ॥

శ్లోక 13

విద్యార్థీ లభతే విద్యాం ధనార్థీ లభతే ధనమ్ ।

కన్యార్థీ లభతే కన్యాం న భయం విన్దతే క్వచిత్

॥ 12 ॥

శ్లోక 14

అపుత్రో లభతే పుత్రం మోక్షార్థీ మోక్షమాప్నుయాత్ ।

త్రాహి త్రాహి మహాదేవ త్రాహి త్రాహి త్రయీమయ

॥ 13 ॥

శ్లోక 15

త్రాహి మాం పార్వతీనాథ త్రాహి మాం త్రిపురన్తక ।

పాశం ఖట్వాఙ్గ దివ్యాస్త్రం త్రిశూలం రుద్రమేవ చ

॥ 14 ॥

శ్లోక 16

నమస్కరోమి దేవేశ త్రాహి మాం జగదీశ్వర ।

శత్రుమధ్యే సభామధ్యే గ్రామమధ్యే గృహాన్తరే

॥ 15 ॥

శ్లోక 17

గమనాగమనే చైవ త్రాహి మాం భక్తవత్సల ।

త్వం చిత్తం త్వం మానసం చ త్వం బుద్ధిస్త్వం పరాయణమ్

॥ 16 ॥

శ్లోక 18

కర్మణా మనసా చైవ త్వం బుద్ధిశ్చ యథా సదా ।

జ్వరభయం ఛిన్ది సర్వజ్వరభయం ఛిన్ది గ్రహభయం ఛిన్ది

॥ 17 ॥

శ్లోక 19

సర్వశత్రూన్నివర్త్యాపి సర్వవ్యాధినివారణమ్ ।

రుద్రలోకం స గచ్ఛతి రుద్రలోకం సగచ్ఛత్యోన్నమ ఇతి

॥ 18 ॥

శ్లోక 20

ఇతి స్కన్దపురాణే దూర్వాస ప్రోక్తం శ్రీ రుద్రకవచమ్ ॥