Sri Rudra Kavacham

श्री रुद्र कवचम्

श्लोक 1

ॐ अस्य श्री रुद्र कवचस्तोत्र महामन्त्रस्य दूर्वासृषिः अनुष्ठुप् छन्दः त्र्यम्बक रुद्रो देवता ह्रां बीजं श्रीं शक्तिः ह्रीं कीलकं मम मनसोऽभीष्टसिद्ध्यर्थे जपे विनियोगः ।

ह्रामित्यादि षड्बीजैः षडङ्गन्यासः ॥

ध्यानम् ।

शान्तं पद्मासनस्थं शशिधरमकुटं पञ्चवक्त्रं त्रिनेत्रं

शूलं वज्रं च खड्गं परशुमभयदं दक्षभागे वहन्तम् ।

नागं पाशं च घण्टां प्रलय हुतवहं साङ्कुशं वामभागे

नानालङ्कारयुक्तं स्फटिकमणिनिभं पार्वतीशं नमामि ॥

दूर्वास उवाच ।

प्रणम्य शिरसा देवं स्वयम्भुं परमेश्वरम् ।

एकं सर्वगतं देवं सर्वदेवमयं विभुम्

श्लोक 2

रुद्र वर्म प्रवक्ष्यामि अङ्ग प्राणस्य रक्षये ।

अहोरात्रमयं देवं रक्षार्थं निर्मितं पुरा

॥ 1 ॥

श्लोक 3

रुद्रो मे चाग्रतः पातु पातु पार्श्वौ हरस्तथा ।

शिरो मे ईश्वरः पातु ललाटं नीललोहितः

॥ 2 ॥

श्लोक 4

नेत्रयोस्त्र्यम्बकः पातु मुखं पातु महेश्वरः ।

कर्णयोः पातु मे शम्भुः नासिकायां सदाशिवः

॥ 3 ॥

श्लोक 5

वागीशः पातु मे जिह्वां ओष्ठौ पात्वम्बिकापतिः ।

श्रीकण्ठः पातु मे ग्रीवां बाहूंश्चैव पिनाकधृत्

॥ 4 ॥

श्लोक 6

हृदयं मे महादेवः ईश्वरोव्यात् स्तनान्तरम् ।

नाभिं कटिं च वक्षश्च पातु सर्वं उमापतिः

॥ 5 ॥

श्लोक 7

बाहुमध्यान्तरं चैव सूक्ष्मरूपः सदाशिवः ।

स्वरं रक्षतु सर्वेशो गात्राणि च यथा क्रमम्

॥ 6 ॥

श्लोक 8

वज्रशक्तिधरं चैव पाशाङ्कुशधरं तथा ।

गण्डशूलधरं नित्यं रक्षतु त्रिदशेश्वरः

॥ 7 ॥

श्लोक 9

प्रस्थानेषु पदे चैव वृक्षमूले नदीतटे ।

सन्ध्यायां राजभवने विरूपाक्षस्तु पातु माम्

॥ 8 ॥

श्लोक 10

शीतोष्णादथ कालेषु तुहि न द्रुमकण्टके ।

निर्मनुष्येऽसमे मार्गे त्राहि मां वृषभध्वज

॥ 9 ॥

श्लोक 11

इत्येतद्रुद्रकवचं पवित्रं पापनाशनम् ।

महादेवप्रसादेन दूर्वासो मुनिकल्पितम्

॥ 10 ॥

श्लोक 12

ममाख्यातं समासेन न भयं विन्दति क्वचित् ।

प्राप्नोति परमारोग्यं पुण्यमायुष्यवर्धनम्

॥ 11 ॥

श्लोक 13

विद्यार्थी लभते विद्यां धनार्थी लभते धनम् ।

कन्यार्थी लभते कन्यां न भयं विन्दते क्वचित्

॥ 12 ॥

श्लोक 14

अपुत्रो लभते पुत्रं मोक्षार्थी मोक्षमाप्नुयात् ।

त्राहि त्राहि महादेव त्राहि त्राहि त्रयीमय

॥ 13 ॥

श्लोक 15

त्राहि मां पार्वतीनाथ त्राहि मां त्रिपुरन्तक ।

पाशं खट्वाङ्ग दिव्यास्त्रं त्रिशूलं रुद्रमेव च

॥ 14 ॥

श्लोक 16

नमस्करोमि देवेश त्राहि मां जगदीश्वर ।

शत्रुमध्ये सभामध्ये ग्राममध्ये गृहान्तरे

॥ 15 ॥

श्लोक 17

गमनागमने चैव त्राहि मां भक्तवत्सल ।

त्वं चित्तं त्वं मानसं च त्वं बुद्धिस्त्वं परायणम्

॥ 16 ॥

श्लोक 18

कर्मणा मनसा चैव त्वं बुद्धिश्च यथा सदा ।

ज्वरभयं छिन्दि सर्वज्वरभयं छिन्दि ग्रहभयं छिन्दि

॥ 17 ॥

श्लोक 19

सर्वशत्रून्निवर्त्यापि सर्वव्याधिनिवारणम् ।

रुद्रलोकं स गच्छति रुद्रलोकं सगच्छत्योन्नम इति

॥ 18 ॥

श्लोक 20

इति स्कन्दपुराणे दूर्वास प्रोक्तं श्री रुद्रकवचम् ॥